قولوا لرعيان الغنم لاينامون

[الحمدان]

قولوا لرعيان الغنم لاينامون
اشوف بالمرعى مواطي ذيابه

قولوا لهم خذوا الحذر لاتغـفـلون
كـم غـافـلٍ اصبـح حـلالـه نهـابه

وقولوا الذيابه بالغداري يغيرون
والجوع ينسيها الخطر والمهابه

والذيب مايومن على مايقولون
يغـرس بارقاب الفرايس انيابه

تلقون ضرب انيابها كنها طعون
وجر المخالب مثل جـر الحرابه

اشـوف أشياءٍ لـهـا ما تـشفـون
تغيب عن بعض العقول النجابه

اقول قولي والخلايق يعرفون
خير الملا من قبلنا قـد حكى به

لابد ما يومٍ إلى الله تعودون
وكلٍ يبي يُسأل عن اللي رعى بـه

اللي رعوا بالشر للشر يجـنـون
واللي رعى بالخير يجني ثـوابـه


الشاعر / احمد بن عبدالرحمن العريفي الخالدي - نديم المجره

[أميرة الورد]

صح لسآآن الشاعر أحمد بن عبدالرحمن

وسلمت يدآآك أخي آلفآآضل ,,,, آلحمدآن

على طرحك آلجمييل

بآآرك الله فيك

لك تحيآآتي وتقديري


:

أميرة آلورد

[بكرعلي]

تسلم اياديك على الابيات الجميلة

[الحمدان]

ألاخت الغالية أميرة الورد
شكرا لك لمرورك وتعقيبك
وتواجدك الدائم بمتصفحي
لك مني اجمل تحية وتقدير

[الحمدان]

أخي الغالي بكر علي
شكرا لك لمرورك وتعقيبك
وتواجدك الدائم بمتصفحي
لك مني اجمل تحية وتقدير