تسجيل الدخول

مشاهدة النسخة كاملة : بعض العرب حبه يوردك الجنون


الحمدان
05-18-2019, 01:31 AM
بعض العرب حبه يوردك الجنون
ولا يوصف له غلاه احكاك له

مايقنعه وصف الغلا لو وش يكون
لو كل حرفٍ بالحرير يحاك له

الموت جاك وهو تقلبه الضنون
ولا لك الا الصبر....وش وداك له؟

ان قلت ضايق..قال : هونها تهون
مايدري ان ضيقتك وبكاك له

تقعد تحبه وانت ساكت ومغبون
يمكن بيوم يقال له ما اوفاك له

وكانك مشكك هو يمون او ما يمون
تخيّل ان عفت الصبر فرقاك له

غلاه من فوق الغلا ماهو بدون
وحكاه سمعك يجبرك بارخاك له

ودك تحطه فالعيون من العيون
وتبسط على رمضى الثرا يمناك له

وتظله من الشمس في ظل الجفون
ولا يمر اذنه سوا لباك له

وتسج من غيره لونهم يذكرون
ومنين ما سجت القدم ممشاك له

فلو ٍ يميله الترف ميل الغصون
غصن ٍ ليان ومكرمه بسقاك له

جديله الى اقفى ستر منه المتون
كنّي بريحه لالتفت لدعاك له

يزها الملابس اي لبس واي لون
وفالليل وجهه لا ظهر قداك له

كيك وعسل لكن ماهو في صحون
ودعاك من عين الحسود اغطاك له

الله لا يعطيه ناس س ينضلون
ويستر عليه من النحل لا ياكله

الوصف والتعبير في وصفه يخون
غير اطلب الله يستجيب ادعاك له

وعذال قلبك في محبته يخسون
سكينهم عن قطع حبله حاكله

اللي من لحوم الاوادم ياكلون
وحلوقهم دافع البلا متواكله

ناس ٍ عن اعراض العرب ما يعرضون
ودايم على نفس الشكل والشاكله

في سلمهم اولا بالاكل الاقربون
واطيبهم اللي صيدته شكواك له

يدعيهم الشيطان للذنب ويجون
هذا يقطع له وذاك يواكله

يا جعلهم فدوة ثر الغض الفتون
اللي على الدرب الطويل اخطاك له

طيفه الى نام البشر زارك بهون
وطيفك الى نام البشر سرّاك له

حبه دفان ومقبرة خضر الطعون
بين العظام العوج كنك تاكله

اللي كذا حبه لو تموت مغبون
ولا لك الا الصبر وش وداك له

الشاعر محمد بن فطيس

ريهام خالد الشمراني
05-18-2019, 04:53 PM
الفاضل الحمدان

دائماً لأطروحاتك فلك خاص
يضم المبدعين بين جنباته
ويضم السحر بين اكفه
سلمت يمينك
ولك احترامي وتقديري

http://img.el-wlid.com/imgcache/2013/12/752438.gif

ريحانة شمران
05-19-2019, 12:51 AM
ان قلت ضايق..قال : هونها تهون
مايدري ان ضيقتك له وبكاك له

تقعد تحبه وانت ساكت ومغبون
يمكن بيوم يقال له ما اوفاك له


كلام سليم

حروف رائعة وجميلة وصح لسان الشاعر
تسلم يدااك اخي الحمدان على القصيدة الرائعة
ولك كل التقدير والود

الحمدان
05-19-2019, 05:09 AM
الفاضل الحمدان

دائماً لأطروحاتك فلك خاص
يضم المبدعين بين جنباته
ويضم السحر بين اكفه
سلمت يمينك
ولك احترامي وتقديري

http://img.el-wlid.com/imgcache/2013/12/752438.gif





ألاخت الغاليه ريهام خالد
شكرا لك على تعقيبك
وتواجدك المستمر
بمتصفحي لاخلا ولاعدم
مع أطيب التحايا والتقدير والاحترام

الحمدان
05-19-2019, 05:11 AM
ان قلت ضايق..قال : هونها تهون
مايدري ان ضيقتك له وبكاك له

تقعد تحبه وانت ساكت ومغبون
يمكن بيوم يقال له ما اوفاك له


كلام سليم

حروف رائعة وجميلة وصح لسان الشاعر
تسلم يدااك اخي الحمدان على القصيدة الرائعة
ولك كل التقدير والود




ألاخت الغاليه ريحانة الطيب
شكرا لك على تعقيبك
وتواجدك المستمر
بمتصفحي لاخلا ولاعدم
مع أطيب التحايا والتقدير والاحترام

شذى الياسمين
05-19-2019, 03:36 PM
اخي الحمدان
قصيدة مميزة
بارك الله فيك

إستمر ولك التوفيق بـإذن الله
تقديري وإحترامي

الحمدان
05-20-2019, 12:35 AM
اخي الحمدان
قصيدة مميزة
بارك الله فيك

إستمر ولك التوفيق بـإذن الله
تقديري وإحترامي



شكرا لك الغالية شذى الياسمين
على التعقيب والمتابعة المستمره
لك أجمل تحية وتقدير
لاعدمتك