لَمْلِمَةْ وَرَقْ

[ريهام خالد الشمراني]

لَمْلِمَةْ وَرَقْ


http://maguy69.m.a.pic.centerblog.net/2a8dde3c.gif


لِيْ مَعْ سِوَادْ اللَّيْل وِالْفِكِرْ سَجَّاتْ
أسْرِيْ مَعِهْ حَدّ (الْمِجَرَّهْ) لِحَالِيْ

ألَمْلِمْ اوْرَاقِيْ وَاعِيْد الْحِسَابَاتْ
وَاعَاتِبْ أيَّامِيْ وَالُوْم.. اللِّيَالِيْ

وِشْ لَوْن أمَشِّيْهَا عَلَى كِلّ مَا فَاتْ
وَاصْبِرْ لَوْ انّ الصَّبر مَا لِهْ مِجَالِيْ

رِجْلِيْ تِثَنَّتْ وِالأمَانِيْ.. بِعِيْدَاتْ
وْ ضَاقْ الصَّدِرْ وَانَا احْسِبْ انِّهْ (شِمَالِيْ)..!!

هَقْوَاتْ ضَاعَتْ وِابْتِسَمْ كِلّ شَمَّاتْ
وْطَاحَتْ قِصُوْر ٍ فِيْ عِيُوْنِيْ طِوَالِيْ

وْنَاحْ الْحِمَامْ اللَّى عَلَى السُّوْر مَا بَاتْ
وْجَاوَبْت نَوْحه وَازْرَقْ الدَّمْع سَالِيْ

يَمْكِنْ خِطَاهْ أنِّهْ رِسَمْ لِهْ مِسَارَاتْ
وَاخْطَى بِهْ التَّقْدِير.. فِيْ كِلّ حَالِيْ

وِالاَّ خِطَايْ.. أنِّيْ تِسَاهَلْت مَرَّاتْ
وْرِفَعْت لِهْ كَفّ الرِّضَى وِالْكِمَالِيْ

يَا كِثر مَا خَطَّيْت عِنْدِهْ.. عَلامَاتْ
وْيَا كِثِرْ مَا ارْهِيْ فِيْ طِوَالْ الْحِبَالِيْ

وِالْيَوْم عَدَّيْت الرِّجُوْم الْمِنِيْفَاتْ
وْعَلَى دِرُوْب التّيْه.. أتْبَعْ ظِلالِيْ..!

هَيْهَاتْ يَا خَيْبَاتْ الامَالْ هَيْهَاتْ
الْوَضْع أحِسِّهْ صَارْ فَوْق احْتِمَالِيْ

وِالأسْئِلِهْ تِبْقَى بِلَيَّا.. إجَابَاتْ
إلى مِتَى؟.. وِهْمُوْم صَدْرِيْ ثِقَالِيْ

شعر: بروق بدويّة

[شذى الياسمين]

قصيدة رائعة وجميلة


طرح يستحق المتابعة

شكراً لك

بانتظار الجديد القادم
دمت بكل خير

[نسيم الليل]

الغالية ريهااام
قصيدة في قمة الخيااال
طرحت فابدعت
دمت ودام عطائك
ودائما بأنتظار جديدك الشيق

[ريحانة شمران]

طرح جميل
روعه وجدتها بين الكلمات

استمتعت بما قرأت
سلمت يمينك على الاختيار
دمت بود

[ريهام خالد الشمراني]

شكرااا لكم على مروركم الجميل
اطلالتك رائعة
لكم ودي وتقديري
https://www.dreamboxgate.net/forum/imgcache/2014/251256_dreambox-sat.com.gif