ماكل من ضاقت بك الارض تلقاه

[الحمدان]

ماكل من ضاقت بك الارض تلقاه
ولاكل رجلن في المساري دليله

رجلن ليامن طحت شالك بيمناه
هذاك لامن طاح واجب تشيله

بعض الرجال ان جيته بشي تنخاه
تنعاف نخوات النفوس الثقيله

رجلن يسوي مشكلة كل من جاه
ورجلن يولع في المشاكل فتيله

ورجلن على جور الزمن حق تنصاه
ورجلن تدور في اللزايم بديله

ورجلن لك ابوقت الثقيلات مركاه
ورجلن على اتفه شي ماترتكي له

ورجلن على الفزعات ياتي من اقصاه
ورجلن على الفزعات ياعزتي له

ورجلن على جور الزمن ماتهقواه
ورجلن على الوقفات يسوى قبيله

ورجلن يدسم شارب الضيف لاجاه
كلمة نعم في حق مثله قليله

ورجلن بماجوب العرب تقصر خطاه
شال الردى من فعلته في شليله

ورجلن يموت وطاري الطيب يحداه
ورجلن من افعاله يجر الفشيله

ورجلن يشيله منصبه ويتعداه
ورجلن يشيل المرتبه ماتشيله

واللي زرع للنعم محصول يلقاه
لو مابحثها فالمواقف تجيله


الشاعر /؟؟؟؟

[ريحانة شمران]

تسلم اخي الغالي الحمدان على القصيدة المميزة
لاهنت
ولك اجمل تحياتي وارقاها

[حسن بن عبدالله]

اخي الحمدان
شكرا لك على هذا التواجد الفعال
والمشاركات النافعه والمفيده
بارك الله فيك وجزاك الله خير

[الحمدان]

اخي الحمدان
شكرا لك على هذا التواجد الفعال
والمشاركات النافعه والمفيده
بارك الله فيك وجزاك الله خير





أخي الغالي ومديرنا الفاضل
ابو تركي
شكرا لك على تعقيبك وتواجدك بمتصفحي
لك مني أجمل تحيه وتقدير لاعدمتك

[الحمدان]

تسلم اخي الغالي الحمدان على القصيدة المميزة
لاهنت
ولك اجمل تحياتي وارقاها



ألاخت الغاليه ريحانة الطيب
شكرا لك على هذا التواجد
والتعقيب وفقك الله ورعاك وسددك
لك مني أجمل تحيه وتقدير لاعدمتك