الحمدان
08-25-2019, 03:10 AM
قالـوا تعلمـت قلـت عنـاد وفـراسـه
أصارع النفس والدنيـا واصارعــهـا
ودرست في مدرسة من شيّبـت راسـه
دنيا العنا اللـي قضيفـاتٍ مطامعـهـا
تلميذهـا دايــمٍ تكـتـب بقرطـاسـه
وتعطيـه جملـة دروسٍ مايضيّعــهـا
والله عطانـا نظـر وقلـوب حسـاسـه
ناخذ علوم المعرفـه مـن مراجعــهـا
ونسايـر الوقـت ونقيـسـه بمقيـاسـه
ونوجـه النفـس بالواقـع ونقـنعـهـا
وترا حياه الفتى مهما قوى باسه
محفوفه بالخطر والموت تابعها
من مبتدأ العمر حتى يلفظ أنفاسه
يمر في مرحله تكثر زوابعها
أول حياه الفتى مشوار وعساسة
مسافة في عجاج العمر يقطعها
وثاني حياه الفتى تدريب ودراسة
تصعب ظروف الحياه وينشغل معها
وثالث حياه الفتى يرجع على ساسة
النقطة اللي بدأ منها يراجعها
يرجع لسن الهرم ويضيع الطاسة
ويزحف مع الأرض ويخبط شوارعها
وإلى تلاقت متونه وارتخا رأسه
ضاعت جميع العلوم اللي يجمعها .
الشاعر .. رشيد الزلامي رحمه الله
أصارع النفس والدنيـا واصارعــهـا
ودرست في مدرسة من شيّبـت راسـه
دنيا العنا اللـي قضيفـاتٍ مطامعـهـا
تلميذهـا دايــمٍ تكـتـب بقرطـاسـه
وتعطيـه جملـة دروسٍ مايضيّعــهـا
والله عطانـا نظـر وقلـوب حسـاسـه
ناخذ علوم المعرفـه مـن مراجعــهـا
ونسايـر الوقـت ونقيـسـه بمقيـاسـه
ونوجـه النفـس بالواقـع ونقـنعـهـا
وترا حياه الفتى مهما قوى باسه
محفوفه بالخطر والموت تابعها
من مبتدأ العمر حتى يلفظ أنفاسه
يمر في مرحله تكثر زوابعها
أول حياه الفتى مشوار وعساسة
مسافة في عجاج العمر يقطعها
وثاني حياه الفتى تدريب ودراسة
تصعب ظروف الحياه وينشغل معها
وثالث حياه الفتى يرجع على ساسة
النقطة اللي بدأ منها يراجعها
يرجع لسن الهرم ويضيع الطاسة
ويزحف مع الأرض ويخبط شوارعها
وإلى تلاقت متونه وارتخا رأسه
ضاعت جميع العلوم اللي يجمعها .
الشاعر .. رشيد الزلامي رحمه الله