غابت على الشمس

[الحمدان]

ياصاحبي غابت على الشمس بأطراف النخيل
وامسيت اشوف الباسقات اللي تميل عذوقها

وانا على بشت حساوي لا قصير ولا طويل
والمزنه الغرا على راسي تلوح بروقها

والعالم الله يدرك العطشان منها سلسبيل
ولا يوقف يومه الموعود قبل يذوقها

ياصاحبي ياناس ياللي فوق ياللوزن الثقيل
لد النظر للعالم اللي ماتبل حلوقها

والعمر مرة والقلوب البيض ماتبغى دليل
والناس إذا طابت نواياها تطيب وفوقها

لو كل من سمى {نبيل} يصير مثل اسمه {نبيل}
سميتها {ليلى} على ليلى وانا معشوقها

كذا كذا يا(حرفة التمويه في نعش القتيل)
يا صاحبي غمض عيونك وادفنه في موقها

وانا تعبت من:{الحجاج السمح والكف البخيل}
ولاعاد عندي حل أعالجها واخيط فتوقها

صحيح أنا ممكن اسويها واسوي المستحيل
لكن رجلي في هوى نفسي ماعاد اسوقها

وشلون ابرر موقفي واجزا جميلك بالجميل
وانا يديني في فم الحيه ورجلي فوقها


الشاعر .. ضيدان بن قضعان

[حسن بن عبدالله]

اخي الحمدان
شكرا لك على هذا التواجد الفعال
والمشاركات النافعه والمفيده
بارك الله فيك وجزاك الله خير

[نسيم الليل]

مراقبنا العزيز الحمدان
جزاك المولى الجنه
لاعدمنا روعتك
ولك احترامي وتقديري

[ريهام خالد]

بحق راقت لي سطورك الجميلة
كل الشكر لاناملك
تقبل تواضع مروري
تحياتي الرقيقة لرروحك

https://www.dreamboxgate.net/forum/imgcache/2014/251297_dreambox-sat.com.gif

[الحمدان]

اشكركم على تعقيبكم الرائع
وتواجدكم بمتصفحي لاعدمتكم
لكم مني أجمل التحايا واطيبها