المساعد الشخصي الرقمي

مشاهدة النسخة كاملة : الوجد كافر


سعيد بن منجية
02-12-2008, 09:37 PM
الوجد كافر

الوجد كافر والروابع تسونامي = ياصل بنات الفكر في عالي ابراجي

يخلف ارامل من عواقِبْه وايتامي = وتخِرّ في جاله صناديد الامواجي

والشوق له فالقلب قرطاس واقلامي = يكتب وينشر بالمعاليق مهراجي

واحيان يطرب فوق توزيع الانغامي = واحيان يجمع بين دوره والاخراجي

نوته تسطِّرني بها اعلوم واحلامي = رغم انفي اسير ابهواها والاحجاجي

وتدوربي وادور وتبيح الانسامي = واوقف واواصل دربي ابلحظة افراجي

ياخازله روحي على راس الابهامي = تومي بها فيما بغيتي وتهتاجي

وخلفين مادري وين ربعي من اخصامي = ويهدّ زوري حيل من يبني اسياجي

قلبي ومصراعيه مفتوح لإلهامي = ياخذبني يم الغضي سيد الادعاجي

وابقى زعيم البر واهراش الاسنامي = املح فحل ويهيم في كل الافجاجي

مهادله سعبل زبدها للاقدامي = يربع على قبّ البكاير والافواجي

مرفوع ماينَّاش راسه وهو طامي = واليا ارتبع محذور في ربعه ارجاجي

بابور كيفي للملاويح واعصامي = يفتق ويثعل بطن من يرغب ازعاجي

واقوم اهيجن فوق ذروة بسلهامي = واخير بين الحمر والسود والعاجي

بنات من تنكيح فكري والانظامي = ازفَّها للحر الاشقر الى داجي

واذكرك ياعبدالله اللي من العامي = ماعاد به في بركم طرش وانعاجي

العام الاول كنت قايد ومتزامي = والجمر في ميفاك والقرص والصاجي

واليوم قرصك لايماني ولاشامي = ضيَّعت بين اهل البشاير وقرطاجي

وضيَّعت مشيك بين حِديان واقطامي = وانته معايد قريتين اهل الاهداجي

عجزت في ريشك ووصفك والاوسامي = واخذت مع شرواك لفَّه ومدراجي

ما لك وسم يعني مع الخيل يارامي = والخيل يبغاله مسارج وكرباجي

والريش ماطارت به البط وانعامي = وش وقعكم ما لك علامه ومنهاجي

والا عبط واكبار مع زيدٍ وسامي = يا زيد يا بو زيد للشعر ديباجي

ماهوب سلعة بيع يشرى وينسامي = وماهوب سبحة شيخ سبحبها راجي

وماهوب زوعة خشم ومناخف انخامي = وماهوب حجة جند تتقلد التاجي

الشعر هجرة روح مطلوبها سامي = الشعر ظرف ابداخلة شمعة اسراجي

الشعر ملجى الحس من ظلم واظلامي = الشعر من نار الغضي صرتبه ناجي

لاتقحم القاله وهو حرَّها حامي = اما لها والا انت فيما انت محتاجي

انا لها فالبر والبحر واغمامي = بازل وحرّ وجيلبوتٍ وميراجي

ملِّيت من كثر الدعاية والاسهامي = وافلس نديبي واعلن البيع باحراجي

والعلم تالي العلم صلى الله اختامي = على النبي ذا سار للعرش معراجي

وتقبلوا تحياتي

بلقاسم الشمراني
02-13-2008, 01:48 AM
أخي الكريم دماوي حيل

قصيدة قوية بمعنى الكلمة

صح لسانك وبيض الله وجهك

متعنا بجديدك دائما

تحياتي واحترامي

عايض بن علي
02-13-2008, 02:12 PM
دماوي حيل
صراحه انا ليس ليس في الشعر
لكن عندما قرات القصيده احسست بوقع غريب في اطرافي
احسنت في صياغه القصيده والي الامام
يعطيك العافيه

سعيد بن منجية
02-14-2008, 04:35 PM
المهندس بالقاسم وفتى الاحلام

لكم تحياتي واشكر تعليقكم

ولنا الشرف بأن نتقلد اوسمة اطرائكم

ابواجوااان
02-14-2008, 04:46 PM
الاخ الغالي ابو هديل
سبق وان قرأت القصيده في منتدى البشائر
وسجلت اعجابي بها هناك
واسجل اعجابي بها هنا ايضا
قصيده جزله من رجل كفو
تحياتي وتقديري لك

سعيد بن منجية
02-14-2008, 05:49 PM
اشكر مرورك اخوي ابو اجوان

كما عودتنا دوما تأسر الجنان بطيب كلامك وثنائك

ليحفظك الله

ابو راشد
11-02-2008, 12:53 AM
دماوي حيل

صح لسانك وبيض الله وجهك على هذه القصيده الرائعه

تقبل مروري