الحمدان
04-09-2020, 02:13 PM
من القصائد النادرة الجميلة
للشاعر/ محمد بن عبيد البلوي
رحمه الله
"يوصي إبنه عبيد"
لاشفت دلو فيه فتقٍ وشقّا .
إعرف ترى الماء مايجي وافيٍ فيه
ولاشفت حبل السانية فيه دقّا .
إخْذْ الحذر من قبل تِقْطَع مثانيه
ولا أوْحَيْت جرحٍ بالمعاليق لقّا .
إعْرِف ترى ماعاد ينفع تداويه
والجرح لا مِنّه بسمٍّ تسقّا .
حَمّ الحديد الصلب بالنار وإكويه
والظلم لو إنّه لبس ثوب حقّا .
لابد مايخلع ثيابٍ تغطيه
ومن طق باب الناس بابه يطقّا .
فـي خيـر ولاّ شرّ ربه يجازيه
وماصابكم ما أخطاك مهما توقّا .
وما أخطاك ما صابك ولو صاب راميه
وعن لازمٍ يَلْزَمْك حرصك تتقّا .
لاخير فـي رجلٍ يخلِّي عوانيه
وفي عشرة الانذال حرصك تهقّا .
كم واحدٍ بالنذل خابت هقاويه
وحرصك ورى المقفي تصيح وتنقّا .
من باعكم بالرخص بيعه بغاليه
ووسط المجالس لا تهرج وتلقّا .
أصمت ترى إن الصمت ميزة لراعيه
وليا هرجت إهرج بلطفٍ ورقّا .
وأفصح لسانك لاتجي لكنةٍ فيه
إنّ أنكر الأصوات صوت النهقّا .
وفم الرجل واحد وثنتين أذانيه
بعض العرب بالوزن مايازن إقّا .
لكن بفعل الطيب تندا أياديه
وبعض العرب دمه كما دم بقّا .
دمه ثقيل وبارداتٍ علابيه
وبعض العرب مثل الذهب له تشقّا .
إتعب على الطيِّب لياما تلاقيه
ياعبيد هذا وإعرف اللي تبقّا .
حق الجوار وضيفكم لا تخليه
هذا كلام أبوك قولٍ منقّا .
قولٍ قليل وزبدة الهرج تكفيه
لولاي ما أكتب بالقلم عالورقّا .
وأملي هواجس خاطري يوم تطريه
شبّ الحشا في داخلي وإحترقّا .
لكن بيوت الشعر لا شبّ تطفيه
وصلاة ربي عد ما النور شقّا .
على نبيٍ تمم الله مساعيه
للشاعر/ محمد بن عبيد البلوي
رحمه الله
"يوصي إبنه عبيد"
لاشفت دلو فيه فتقٍ وشقّا .
إعرف ترى الماء مايجي وافيٍ فيه
ولاشفت حبل السانية فيه دقّا .
إخْذْ الحذر من قبل تِقْطَع مثانيه
ولا أوْحَيْت جرحٍ بالمعاليق لقّا .
إعْرِف ترى ماعاد ينفع تداويه
والجرح لا مِنّه بسمٍّ تسقّا .
حَمّ الحديد الصلب بالنار وإكويه
والظلم لو إنّه لبس ثوب حقّا .
لابد مايخلع ثيابٍ تغطيه
ومن طق باب الناس بابه يطقّا .
فـي خيـر ولاّ شرّ ربه يجازيه
وماصابكم ما أخطاك مهما توقّا .
وما أخطاك ما صابك ولو صاب راميه
وعن لازمٍ يَلْزَمْك حرصك تتقّا .
لاخير فـي رجلٍ يخلِّي عوانيه
وفي عشرة الانذال حرصك تهقّا .
كم واحدٍ بالنذل خابت هقاويه
وحرصك ورى المقفي تصيح وتنقّا .
من باعكم بالرخص بيعه بغاليه
ووسط المجالس لا تهرج وتلقّا .
أصمت ترى إن الصمت ميزة لراعيه
وليا هرجت إهرج بلطفٍ ورقّا .
وأفصح لسانك لاتجي لكنةٍ فيه
إنّ أنكر الأصوات صوت النهقّا .
وفم الرجل واحد وثنتين أذانيه
بعض العرب بالوزن مايازن إقّا .
لكن بفعل الطيب تندا أياديه
وبعض العرب دمه كما دم بقّا .
دمه ثقيل وبارداتٍ علابيه
وبعض العرب مثل الذهب له تشقّا .
إتعب على الطيِّب لياما تلاقيه
ياعبيد هذا وإعرف اللي تبقّا .
حق الجوار وضيفكم لا تخليه
هذا كلام أبوك قولٍ منقّا .
قولٍ قليل وزبدة الهرج تكفيه
لولاي ما أكتب بالقلم عالورقّا .
وأملي هواجس خاطري يوم تطريه
شبّ الحشا في داخلي وإحترقّا .
لكن بيوت الشعر لا شبّ تطفيه
وصلاة ربي عد ما النور شقّا .
على نبيٍ تمم الله مساعيه