يوسف الشمراني
05-13-2020, 10:08 PM
في ديرتي يوم انه الليل طرف
سج الفكر ف الذكريات القديمه
والدمع من موقي على العين شرف
والنفس في ماض الليالي مهيمه
من بحر ذكراي القديم اتغرف
وش كان مابين النديم ونديمه
كان صغار وطبعنا ماتحرف
نضحك ونبكي والنوايا سليمه
لجل الوناسه نلتقي وانتعرف
ونشوم عن هرج الردى والنميمه
ومن نخلة الحب العفيف انتخرف
هذا عشق ساره وهذاك ريمه
والكل في معشوقته يتشرف
حبن على وضح النقا فيه شيمه
واليوم كلن فيه وقته تصرف
مشغول بالدنيا وجمع الغنيمه
الكل من ماله شبع لين ترف
لكن نفسه من فرحها عقيمه
يوسف الشمراني
سج الفكر ف الذكريات القديمه
والدمع من موقي على العين شرف
والنفس في ماض الليالي مهيمه
من بحر ذكراي القديم اتغرف
وش كان مابين النديم ونديمه
كان صغار وطبعنا ماتحرف
نضحك ونبكي والنوايا سليمه
لجل الوناسه نلتقي وانتعرف
ونشوم عن هرج الردى والنميمه
ومن نخلة الحب العفيف انتخرف
هذا عشق ساره وهذاك ريمه
والكل في معشوقته يتشرف
حبن على وضح النقا فيه شيمه
واليوم كلن فيه وقته تصرف
مشغول بالدنيا وجمع الغنيمه
الكل من ماله شبع لين ترف
لكن نفسه من فرحها عقيمه
يوسف الشمراني