المساعد الشخصي الرقمي

مشاهدة النسخة كاملة : يقولون مال العبد بد عن المقسوم


الحمدان
09-20-2020, 04:01 PM
يقولون مال العبد بد عن المقسوم
وأنا أقول صح ويقنع العبد مقسومه

عسى الله يعين اللي توافد عليه هموم
همومٍ تخلي طبلة الراس منجومة

ترى والله انه ما يكدر عليك النوم
سوى كلمةٍ من بعض الاصحاب مسمومة

إليا جت من الغالين وإلا الرخوم رخوم
ولا أمحق من الغالي إليا شانت علومه

ضعاف الروابع تبتلش والقروم تشوم
ولاهيب لا شامت من الشين مليومة

ولا أزين من القاع الخلا والوجيه سلوم
ولا رفقةٍ مع طول الايام ملغومة

ولا ألذ من عشرة شريف من أقصى القوم
يبادلك فعل الطيب معناه وسلومه

و إلى شفت في جو الصداقة غبش و غيوم
عطيت الدروب اللي مع الارض مرسومة

ولا مثل عز النفس لو مامعك مطعوم
وعن أهل الشماتة خل الاسرار مكتومة

معي لو سمحت شوي عقب عداك اللوم
أبعطيك عن بعض الرياجيل معلومة

ترى اللاش لو وقف معك في حياته يوم
تشوف الردى متبين فيه من يومه

وأنا أقول لو إن في وجيه الرخوم وسوم
عرفنا نميز قيمة النذل بوسومه

علشان نجلس مع رجال الوفاء ونقوم
ونبعد من اللي عند الاجواد مذمومة

وأنا أسمع مع أهل التجربة في الحياة علوم
بعضها صحيح وبعض الاخبار موهومة

يقولون وكر الحر ما يعتليه البوم
وأنا شوف عيني وكر حر تحت بومه


الشاعر راجح بن سالم العجمي

ابو طلال*
09-21-2020, 06:40 PM
شكرا على الموضوع المفيد
جزاكم الله خيرا
تقديري لشخصكم الكريم

الحمدان
09-21-2020, 09:12 PM
شكرا على الموضوع المفيد
جزاكم الله خيرا
تقديري لشخصكم الكريم



ياااهلا بأخي الغالي
ابو طلال
أشكرك لتعقيبك الرائع والمستمر
بمتصفحي
وجهودك المميزه بالمنتدى
لك مني أجمل تحيه وتقدير

ليث محمد الشمراني
09-22-2020, 07:41 PM
شكرا على الموضوع

سلمت يمناك ولا عدمناك..

دمت برضى الله وفضله

الحمدان
09-22-2020, 08:01 PM
شكرا على الموضوع

سلمت يمناك ولا عدمناك..

دمت برضى الله وفضله





ياهلا ومرحبا بأخي الغالي
ليث
أشكرك لتعقيبك الرائع والمميز
وتواجدك المستمر بمتصفحي
وشكرا لك على جهودك المتواصله
والرئعة بالمنتدى
لك مني كل التحايا والتقدير لاعدمتك