المساعد الشخصي الرقمي

مشاهدة النسخة كاملة : رفقة ردي المعرفـة بعتهـا ديـن


الحمدان
07-02-2021, 04:13 AM
يا متعب الأقدام ماشي على وين
مـع جَـرّةٍ جاهـا العجـاج ودفنهـا

أرجع وعـدّ خطـاك وحـده وتنتيـن
واكبح جماح النفس والزم رسنهـا

لاتأمن الدنيا تـرى وضعهـا شيـن
ماعـاد بـه دنـيـا صحـيـح بدنـهـا

لاصاروا العقّـال مثـل المجانيـن
واصبح ردي العرف يامر وينهـى

أنا مجـرّب والتجـارب براهـيـن
أراهـن الأيـام وأكـسـب رهنـهـا

منها عرفت الفرق بين الفريقين
سبحان من صاغ العقول ووزنهـا

وان كان صح ان التجارب براهين
ضمنتهـا إن كـان ربـي ضمنـهـا

« رفقة ردي المعرفـة بعتهـا ديـن
على زبـونٍ ضمّـهـا واحتضنـهـا «

بغى يجيني بالثمن قلت بعدين
امسك فلوسك لين ننشـدك عنها

مابعتك الاّ سلعةٍ يا أحمر العيـن
ابيعـهـا وابـيــع حـتــى ثمـنـهـا

« بعض المواقف من وراها محاصيل
تكشف لك إسدود الرجال وخبرها «

يا تكسب قروم الرجال المشاكيل
والا تجي من دونــها وتخسرها

الكلمة العليا وجزل الأفاعيل
تغنيك عن سبـع البحــور ودررها

وما دامها ما وصلت الحط والشيل
فاصمل وإذا راد الولي تقــتدرهـا

قولة « كفو « تتعب عليها الرجاجيل
اللي على روس النوايف نظرها

يا كثر صدقان الصحن والمعاميل
ويا قلهم لامن تقادح شررها

إعلم ترى الخوه فعول وغرابيل
في دورة الأيام يجنا ثمرها

بعض العرب للتمشيه والتساهيل
وبعض العرب للمعضلات وخطرها

أحدن توصل به بعيد المواصيل
وإذا معه لك حاجتن ما ذخرها

وأحدن هبيل ويحسب انا مهابيل
نستر عيوبه والله اللي سترها

ظهره ظهر عقرب وبطنه بطن فيل
ووقفات سمحين اللحى ماقدرها



الشاعر .. رشيد الزلامي رحمه الله

ريحانة شمران
07-02-2021, 07:53 PM
يا متعب الأقدام ماشي على وين
مـع جَـرّةٍ جاهـا العجـاج ودفنهـا

أرجع وعـدّ خطـاك وحـده وتنتيـن
واكبح جماح النفس والزم رسنهـا

لاتأمن الدنيا تـرى وضعهـا شيـن
ماعـاد بـه دنـيـا صحـيـح بدنـهـا

لاصاروا العقّـال مثـل المجانيـن
واصبح ردي العرف يامر وينهـى

أنا مجـرّب والتجـارب براهـيـن
أراهـن الأيـام وأكـسـب رهنـهـا


صح لسان الشاعر الله يرحمه ويغفر له

كلمات واحرف رائعه
ودي لك وتقديري اخي الغالي
ولاعدمنا حضورك المميز

أبو شريح الشمراني
07-02-2021, 08:53 PM
القدير الحمدان
بارك الله فيك
على كل ما تقدمونه للمنتدى
جعلها الله في ميزان حسناتك
مع كامل التحية والتقدير

شذى الياسمين
07-02-2021, 09:12 PM
بارك الله فيك
وجزاك الله خير الجزاء
على الإفادة
تحياتي وتقديري
https://2img.net/h/i1130.photobucket.com/albums/m524/mnaal17/meme/2883123dae4lpixgu.gif?t=1318850840

ابو طلال*
07-07-2021, 01:48 PM
بارك الله فيك
وجعل ما تقدمه من موضوعات
في ميزان حسناتك
دمت برضى الله وفضله

شمس الاصيل.
07-08-2021, 08:14 PM
بارك الله فيك

مشاركة مميزة

ودي لك

حسن بن عبدالله
08-06-2021, 11:34 PM
أخي العزيز الحمدان
شكرا لك على هذا التواجد الفعال
والمشاركات النافعه والمفيده
فبارك الله فيك وجزاك الله خير