الحمدان
09-06-2021, 02:50 AM
يامل عينٍ تنثّر دمعها الصافي
على عشيرٍ تشوفه من ورى بابه
ياقف قبالي ليا أنه شاف ميقافي
جرحه صطابي وجرحي ما بعد صابه
متى على الله يبي يوفي ويستافي
الصاحب اللي قضت حالي من أسبابه
عز الله إنه عذاب القلب وإتلافي
حبّه جرح خاطري يا كود مضرابه
لولاه ما صابني بالقلب خفخافي
أقفى بعقلي ولا لي ما تلهّى به
جرح الهوى بالعرب ما هوب ينشافي
لاشك جرحك بقلبي ضاعت أطبابه
ما ظنتي عشرته ترخص وتنعافي
الموجب إنه قطع قلبي وقفّا به
وأنا على الذكر قبل العرف ميلافي
يندار من يمّهم قلبي ودولابه
قلبي على راس ميهافٍ وينلافي
من قبل أشوفه ومن قبل آتشقّى به
الله يستر عليه بستره الضافي
عن هرجة السوّ سَلْم وخاب طلاّبه
الشاعر : أحمد الناصر الشايع
على عشيرٍ تشوفه من ورى بابه
ياقف قبالي ليا أنه شاف ميقافي
جرحه صطابي وجرحي ما بعد صابه
متى على الله يبي يوفي ويستافي
الصاحب اللي قضت حالي من أسبابه
عز الله إنه عذاب القلب وإتلافي
حبّه جرح خاطري يا كود مضرابه
لولاه ما صابني بالقلب خفخافي
أقفى بعقلي ولا لي ما تلهّى به
جرح الهوى بالعرب ما هوب ينشافي
لاشك جرحك بقلبي ضاعت أطبابه
ما ظنتي عشرته ترخص وتنعافي
الموجب إنه قطع قلبي وقفّا به
وأنا على الذكر قبل العرف ميلافي
يندار من يمّهم قلبي ودولابه
قلبي على راس ميهافٍ وينلافي
من قبل أشوفه ومن قبل آتشقّى به
الله يستر عليه بستره الضافي
عن هرجة السوّ سَلْم وخاب طلاّبه
الشاعر : أحمد الناصر الشايع