يوسف الشمراني
06-18-2022, 05:40 AM
ياسعد ياللي تذبح الحشو والحيل
من شان ضيفك ماحسبت الخساير
مجلسك ريحه فوحة البن والهيل
صفر الدلال اللي بها الكيف فاير
بسند لك الشكوى عسى دارك السيل
ياالشاعر اللي في سما الجزل طاير
شكوى الحزين اللي بلته الغرابيل
دايم على حظه تدور الدواير
لا جيت واد التهم مع هجعة الليل
تسري بي الذكرى واهل العباير
اسج بالماضي مع سالف الجيل
وتضيق بي انفاسي وافك الزارير
ولالي ونيس الا الثريا مع سهيل
وابقى على هالحال مكسور باير
حتى الشروق يبدل الليل تبديل
ويصبح شعاع الشمس فالكون ناير
ياسعد راح العمر ضيم وبهاذيل
وعظمن كسره الوقت ماله جباير
كسر المحبه ميل الحال تمييل
وحمل المحبه ياسعد حيل جاير
ولاصار خلك في حظن غيرك مقيل
تجري الغبينه في عروق الضماير
مايضنك العيشه وذل الرجاجيل
الا هوى خلن مع الغير صاير
ويصعب علي ياسعد قطع المواصيل
قلبي تعلق والحنايا سعاير
زرعت حبه والعذاب المحاصيل
وعميت عيوني مثل عمي البصاير
ولاياخذك فكرك لبعض التحاليل
انا احمد الله ماقربت الكباير
وختامها عداد هل المخاييل
اقبل تحياتي لو الجرح غاير
يوسف الشمراني
من شان ضيفك ماحسبت الخساير
مجلسك ريحه فوحة البن والهيل
صفر الدلال اللي بها الكيف فاير
بسند لك الشكوى عسى دارك السيل
ياالشاعر اللي في سما الجزل طاير
شكوى الحزين اللي بلته الغرابيل
دايم على حظه تدور الدواير
لا جيت واد التهم مع هجعة الليل
تسري بي الذكرى واهل العباير
اسج بالماضي مع سالف الجيل
وتضيق بي انفاسي وافك الزارير
ولالي ونيس الا الثريا مع سهيل
وابقى على هالحال مكسور باير
حتى الشروق يبدل الليل تبديل
ويصبح شعاع الشمس فالكون ناير
ياسعد راح العمر ضيم وبهاذيل
وعظمن كسره الوقت ماله جباير
كسر المحبه ميل الحال تمييل
وحمل المحبه ياسعد حيل جاير
ولاصار خلك في حظن غيرك مقيل
تجري الغبينه في عروق الضماير
مايضنك العيشه وذل الرجاجيل
الا هوى خلن مع الغير صاير
ويصعب علي ياسعد قطع المواصيل
قلبي تعلق والحنايا سعاير
زرعت حبه والعذاب المحاصيل
وعميت عيوني مثل عمي البصاير
ولاياخذك فكرك لبعض التحاليل
انا احمد الله ماقربت الكباير
وختامها عداد هل المخاييل
اقبل تحياتي لو الجرح غاير
يوسف الشمراني