المساعد الشخصي الرقمي

مشاهدة النسخة كاملة : قصيدة للشاعر"علي بن مسفر الشمراني"قيلت أمام الأمير محمد بن نايف بن عبدالعزيز


عايض حامد الشمراني
03-31-2008, 08:48 AM
قصيدة في حفل رسمي أمام
الأمير محمد بن نايف بن عبدالعزيز

------------

من هنا من قمّة المجد التـليد وعنـفوانـه
من بداية مجد من مجد البدايات القديمـة
يا وطنا لك علينا ياوطن ذمــه وامـانـه
عهد يتجدد مع الاجيال في قـوة عزيمــة
ماحصل لك يارياض المجد من غدر وخيانه
لو يبرَِرها المبرر ما تسَمى الا جـريـمــه
شعبنا يرفض ويستنكر ويعلـن بالادانـه
ياخفافيش الظلام الغدر عاقبــته وخيمــه
ازهقت ارواح البشر ياطيش عقل بلا رزانه
نكسة الدين الحنيف اصحاب الافكار الغشـيمه
صار من يدفعهم الشيطـان بافكار اللعانه
يعلنون الانتــــماء للدين ياثيابن رحـيمه
ديننا العادل برى منـهم وفعلتهم مدانـه
انتهاك محرمات الناس بافعـالنً ذمــيمــه
والوطن لوقـدّرواشـانه ونعمـته وحنانه
كان والله ماتنــادويطعـنونه في صميــمه
مملـكتنا شامخه عن كل الافعال الجـبانه
يالله اكشف صاحب التخطـيط والكف اللـئيمه
الرجال بحكمة المولى على الواجب معانه
لامرسيدنا وقايـدنا المفدىا الـله يـديــمه
لامر ابو متعب عزيز القدرمرفوع المكانه
صاحب النخوه بعـــيد الهقوه مجود غريـمه
وعندابو خالدعلى العلياودرب الخير شانه
قوتـن تحمي وتردع للشيـــاطين الرجـيمه
ولاوامرسيدي نايف وطوع امره رهـانه
كلـناجند المهــمات الصـعيبه والعظـــيمه
واحمد النايب حكيم الراي والعرف بذهانه
الشهامه والوفـــا باسمه خطوط مستـقيمـه
بعدها يامرحبا ياسيف معروفـن سـنانه
مرحبا واهلا وسهلا فيك يامــال الغنـــيمه
مرحبا يانجل من يسرج على خيله عنانه
أي نعـم يامير ترحـيبي على عـزن وقـيمـه
من خلقنا الله وحنا صـف مترابـط كيانه
مايفرقنا الزمـن واصـحاب الافكـار العقيـمه
ومن يقول انا تفرقنا قطعَـنا لـه لسانـه
النفوس المغرضه من هم وحدتنا سقــيــمة
للوطن في دم الاحرار الكرام اكبر حصانه
والوفاء والتضحيه ميزة قويين الشــكيــمه
والفتى مهما كبر ماله بدون الارض خانه
مثل ما قيل الخيانـه ذل والغربـه شتـــيمـه
ياهل التوحيد ياعز الوطـن واهله وامانه
في نواصيكم عقدنا النصر والنـيه سليــمـه
ياحماة الدين والدولـه على حق وفطانه
عزمكــم واخلاصكم منبع قيادتنـا الحكـيمـه
من يجينا ضيف له بالمنزله عز وضمانه
فاله الواجب ويلقى عنــدنا قــدر وحشيمـه
ومن يجي مخدوع ناوي شر يبشر بالاهانه
الذي ماله علينا حــق مانعطـــيه قـيمـه
ومن يجي مجنون ناوي غدر طيَرنا جنانه
مانراعي من يحاول هز دولتـــنا الكريمــه
وامننا يادرعنا يامـن حمى دينه وصانه
هيبة للـدين والدوله علـى الظالم ظليـــمـه
وارضنا منها قرا التــوحيد للعالم بـيانه
وارضنا مهد الحضارات الجديده والقديـــمه

بلقاسم الشمراني
03-31-2008, 09:47 AM
صح لسان الشاعر وسلمت يد الناقل على هذه القصيدة الرائعة

يعطيك العافية يالغالي ولاعدمناك

تحياتي واحترامي

الكايد
03-31-2008, 09:55 AM
جمّل الله حالك يابوحامد والله يعطي الشاعر علي بن مسفر الصحة والعافية انا اشهد انه دندون وانه يجمّل الله يحفظه

بعدها يامرحــبا ياســـيف معـروفـن ســـنانه
مرحبا واهــلا وسهلا فيك يامــال الغنـــيمه
مرحبـا يانـجل من يسـرج على خيـله عنانه
أي نعـم يامير ترحـيبي على عـزن وقـيمــه
من خلقــنا الله وحـنا صــف مـترابـط كيانه
مايفرقنا الزمـن واصـحاب الافكـار العقيـمه


الله الله حبك وسبك وحكم وفخر..... سلاااااام ياصلك يابن مسفر

واجدد شكري الجزيل لك يابو حامد الله لايهينك

عايض الشمراني
03-31-2008, 11:03 AM
ماشاء الله تبارك الله الي الامام يابوفيصل من مجد الي مجد
ان شاء الله 0

ابداع ليس غريب على شاعرنا المحبوب علي بن مسفر

لاهنت يابوفيصل ولاهنت يابوحامد

وصح لسانك

تقبل مني كل التقدير

فارس شمران
03-31-2008, 05:02 PM
من خلقــنا الله وحـنا صــف مـترابـط كيانه
مايفرقنا الزمـن واصـحاب الافكـار العقيـمه

الله الله عليك يابو حامد على النقل والله مبدع يابو فيصل

تقبل مروري

عايض حامد الشمراني
04-10-2008, 01:21 AM
لاهنتوا على مرورك وهذه الردود الجميله والتي تدل على
حبكم لهذا الشاعر المتألق والذي بالفعل زرع هذا الحب في قلوبنا

ابويزن
11-05-2009, 01:30 AM
لاهنت ابو حامد
وصح لسان ابو مسفر
ودمتم بود
تقبل مروري

ابن شبيلي
11-07-2009, 09:18 AM
بيض الله وجهك على النقل
صبي ال مخاسر كفوا ومحمد بن نايف كفوا ويستاهل

عبدالله بن غصاب
11-07-2009, 05:38 PM
أبوحامد
سلمت يمناك وصح لسان الشاعر علي بن مسفر
واشكرك على هذا التميز والتنسيق الجميل

ولك مني التقدير والأحترام

حسن بن عبدالله
11-07-2009, 05:47 PM
صح لسان الشاعر / علي بن مسفر على هذه القصيده الرائعه
وشكرا لك اخي ابو حامد على روعة مانقلت

سعيد بن منجية
11-07-2009, 07:59 PM
صح لسان يابو فيصل ياشاعر شمران

وبيض وجهك دايم تبيض وجيه ربعك فالميادين وانت لها

والشكر موصول للاخ ابو حامد

تحياتي

ودمتم بخير

حكيم البادية
11-07-2009, 08:04 PM
يسلم أبو فيصل على هذا التشريف