تسجيل الدخول

مشاهدة النسخة كاملة : يامؤمن الريفي انا جيتك زبون


الحمدان
07-05-2023, 02:18 AM
يامؤمن الريفي انا جيتك زبون
جيتك على مدح اكثر الناس وعنيت

جيت وتعالى الله عمّا يشركون
لولاه يامؤمن لطبك ما اهتديت

راضي بحكم الله علي مهما يكون
عالج عيوني لو بعد طبك عميت

ودي اخاشر فالبصر من يبصرون
واشوف دربي لا سرحت ولا ضويت

والى قنصت اثبت مع اللي يثبتون
واشوف طيري كل ما اوميت ودعيت

ياااكثر ما يضرب خويي الطابلون
من كثر ما اكلّته مطباات وكليت

وودي اشوف اللي علي يعرضون
وبعض الليالي ودي اسري دون ليت

وااشوف ناسٍ فالقفا ما يرحمون
اما وقفت لصاحبي والا مشيت

من دون نظاره ولا هم يحزنون.
يااا كثر ما كسّرت كشمات وشريت

لكنٌ يا دكتور جعلك ما تهون
ابغيك كلمت راس دامك ما بديت

اسمع......ولا ابغي اللي وزانك يسمعون
ربي كتب يكشف لك اسراري وجيت

صورة عديل الروح عندك فالعيون
واخاف تقطعها بموسك ما وعيت

ولا عليك امر..اطوها تحت الجفون
وعقبه لو تقطع عيوني ما شكيت

هي راس مالي والعرب ما يدركون
اني على باب الممات وما حكيت

ياقو قلبي يوم قفن الضعون
اللي على ذاك الموادع ما بكيت

ويا صبر صبري والعواذل يحسبون
اني دلهت من الهوى والا سليت

اسكت عساهم من سكاتي يسكتون
وانا عن اللي في ضميري ما انتهيت

وادور الفرحه مع اللي يسهرون
وان ذكروني خذت فنجال وسريت

اخذت من وقتك يا دكتور العيون
عالج عيوني لو بعد طبك عميت

واستر علي واللي معك لا يفطنون
انت الوحيد اللي بعد ربي دريت



محمد بن فطيس المري

ريحانة شمران
07-06-2023, 12:51 PM
جزاك الله الف خير على هذا الطرح القيم
وجعله الله فى ميزان اعمالك ....
دمت بحفظ الرحمن ....
ودى وشذى الورود
https://upload.3dlat.com/uploads/13672394632.gif

أبو شريح الشمراني
07-06-2023, 07:20 PM
بارك الله فيك
ماننحرم من جديدك المميز
خالص تقديري لك

الحمدان
07-07-2023, 02:24 AM
جزاك الله الف خير على هذا الطرح القيم
وجعله الله فى ميزان اعمالك ....
دمت بحفظ الرحمن ....
ودى وشذى الورود
https://upload.3dlat.com/uploads/13672394632.gif




ألاخت الغاليه ريحانة شمران
وإياك الله يسعدك
أشكرك جزيل الشكر مع أجمل تحيه وتقدير

الحمدان
07-07-2023, 02:25 AM
بارك الله فيك
ماننحرم من جديدك المميز
خالص تقديري لك


أخي الغالي ابو شريح الشمراني
وإياك لاهنت
أشكرك جزيل الشكر مع أجمل تحيه وتقدير لاعدمتك

شمرانية الروح
07-07-2023, 02:32 PM
مشاركة مميزة
واطلاله رائعة
تسلم الايادي ولاحرمنا من هذا التواجد الفعال

ودي لك وتقديري
https://upload.3dlat.com/uploads/3dlat.com_13899317181.gif