ضاع الرفيق

[فاطمة الشمراني]

ضاع الرفيق

https://i.pinimg.com/736x/be/09/b5/be09b57824b378a917b65282bcdea159.jpg


الشاعر خالد المحسن



إذا تجاذب داخلك كل تفكير
تهيم في وادي ما هو واديٍ لك
تصارع الأيام وتحاول تطير
وترف جنحانك وترجع محلك
مالك عذر: لو جبتلك ألف تبرير
اطلع من أوهامك قبل تستحلك
تعبتك الدنيا بكثر المشاوير
وضاع الرفيق اللي من أول يدلك
ما فيه جرح يمر من غير تفسير
فلا تجي من صدمت العمر كلك
الفجر يضحك للشجر والعصافير
الشمس تعكس في ثرى الأرض ظلك
كثر الخطأ يذبح كبار المعاذير
والناس من كثر الخطايا تملّك
اللى حصلك شي يحتاج تغيير
تغييرك يبين لك اللي حصلك
إن كان ما عندك حدود ومحاذير
لا تزعل إن شفت المواقف تذلك
حطيت لك في ساعة الصد تذكير
ما عاد لك داعي عشان أتصل لك
إذا ما تقطع للمواصل مشاوير
خلك على درب المتاهات خلّك
مثل ما كنت الأول تكون الأخير
أنا ما أحب أجاملك وأستغلك
دامك بدون شعور لا يمكن تغير
ودامك بدون إحساس يا صعب حلك
أنا قبل لا أقول أشوفك على خير
علقت رغباتي بليتك وعلّك
أعاتبك ويجرك ألفين تفكير
الظاهر إن معاتبي ما وصلك

[ريحانة شمران]

شكرا على الطرح الرائع
بارك الله فيك وفي عملك
ودمت بخير وعافية

[نسيم الليل]

شكرا لك على المشاركة
رائع ماتقدموه من ابداع وتميز
ننتظر المزيد منكم
لكم مودتي

[جوهرة شمران]

https://my.mec.biz/attachment.php?attachmentid=126967

[شمرانية الروح]

مشاركة مميزة
واطلاله رائعة
تسلم الايادي ولاحرمنا من هذا التواجد الفعال
ودي لك وتقديري
https://i.pinimg.com/originals/23/e7/10/23e7109160c511ffa501d8fcaa1229b9.gif

[ليث محمد الشمراني]

شكراعلى المشاركة المميزة
سلمت يمناك ولا عدمناك..
دمت برضى الله وفضله