يالقريب يالقريب

[ابراهيم طهيفان الشمراني]

محاوره يا أهل المحاوره




يا سلامي يا أهل الطولات يا روس القبيله
من ذرا شمران ولا من ضيوف ومن حبايب

من يبي يسري معي في ليلة ٍ بألفين ليله
و نبدع جزال القوافي مع ذعاذيع الهبايب



الطارف سديد :56:

[أأبوفيصل]

لله درك يا بن طهيفان على هذا البدع الرائع


صح لسانك وبيض الله وجهك ولا هنت

انثر أبياتك ونحن هاهنا نشاهد ونشجع


أخوك / صهبان بن محمد

[بوسعد الشمراني]

لا اله الا الله محمد رسول الله

[بوسعد الشمراني]

صح لسانك وبيض الله وجهك ولا هنت

[ضيف المنتدى]

الرد



في الجموع الحاشده ما للقبيل ألا قبيله

وأنت ياذيب(ن) عوى محشوم عن درب الحبايب

ياحليل اللي تعنى في مسيره يا حليله

ما لقي في طرقته غير النشايب والهبايب

[حسن بن عبدالله]

لله درك اخي بن طهيفان على هذا البدع الرائع

صح لسانك وبيض الله وجهك ولا هنت وعشت وعاشت ايامك

[ابراهيم طهيفان الشمراني]

ابو فيصل
ابو سعد
ابو حوفان

تواجدك تاج على راسي حياكم الله

الضيف حياك الله واقدم بما عندك والمحاوره مايلزمها الشقر ولكن تثبيت القافيه الاخيرة



مرحبا يا ضيفنا والشهم في ظهر الاصيله
في ميادين المعارك ماتهوده النشايب

وانت طرقي مرحبا بك عد همَال المخيله
مير عرفني بنفسك واسمحك دفع الضرايب

[ضيف المنتدى]

القمر لا غاب لا ما تغرب الشمس الأصيله

من بنى بيته يجود يا زميلي علم شايب

واليد اللي ما تمد الطيبه يد(ن) بخيله

أنت من روس القبيله وان حصل فيها ضرايب

[ابراهيم طهيفان الشمراني]

يزهر البستان ولا يحصد الزارع حصيله
وين تبغاها تروح بفالها سوق الطلايب

كلمة ٍ جاتك وخذها دامك تحب الفضيله
ثبَت الموجه ولا تقطع مواصيل النسايب

[ضيف المنتدى]

يا ولد لو كان قارون أنتفع باللي حصيله

كان وزع قبل موته للمساكين الطلايب

لكن أعماه الغرور وزاد عنده ما فضيله

لين جاته ساعته ما نغعته والمال سايب

[ابراهيم طهيفان الشمراني]

ضاع معنى اللي ركز معناه واعطاك الدليله
وانت خالفت الطريق الصح واغويت الركايب

والرجل لا صار يحتال برفيقه الف حيله
عدّه الفنجال ملعون السراير والصلايب

[عايض حامد الشمراني]

لله دركم على هذا الإبداع وهذه المحاوره الجزله
أمتعتونا وأسعدتونا

لاهنتوا وبيض الله وجيهكم واااصلوا فجماهيركم كثر

[ضيف المنتدى]

من يخالف شرع وألا عرف قلي وش دليله

قبل ما ينهار سد الود وتصك الركايب

في الدروب المقفره عزي لمن ينهد حيله

ما لقي له شربة(ن) وإن مات حطينا الصلايب

[ابراهيم طهيفان الشمراني]

قد سرى الليل ورفيقي مابعد شب الفتيله
وفي زمان العولمة تكثر سواليف الغرايب

بن طهيفان اتكى يعلن عن الساحه رحيله
من سعه جينا ..ونسري ماتضيق بنا الرحايب


صح لسانك يا الضيف وسعدت باللعب معك


ابو حامد
لاهنت ولاهان حضورك العطر

بلغ سلامي لك ولجميع الاحبة




فمان الله

[عايض حامد الشمراني]

الله يسلمك وياصل سلامك يالغاالي


بدري يابن طهيفان تو الليل بيستوي إن شاء الله

وش رايك تستمرون لبكره..منها نشوفك معنا مره ثانيه
ومنها يشعل ضيف المنتدى الفتيله

[ابراهيم طهيفان الشمراني]

غالي ولا طلبت الا رخيص يا ابو حامد لكن تعرف الظروف تحكم اون شاء الله بكره او في الايام المقبله نواصل مع الضيف ولا في مواضيع اخرى



دمتم بالف خير وعافيه

[عايض حامد الشمراني]

تسلم والله يجمل حالك
على ردك وقبولك هذا الطب

[أحمد الشمراني]

بن طهيفان شاعر وولد شاعر وكفو


وضيف المنتدى مايعتاز

واصلوا

[بلقاسم الشمراني]

بيض الله وجيهكم واصلوا وأبدعوا كما عودتونا

تحياتي واحترامي