ماتشفع الصوره معا بن ظافر ؟؟؟ ؟؟؟؟

[حمد بن مسفر]

سلام ياللي بالجهود إيظافر

يحتاج لك ذلحين نزع آظافر

ماتشفع الصوره معا بن ظافر

والمرجله يتعب لها راعيها



طلبتني وانا تراني حاظرن ماني بعيد
شدّ الحزام الى آخره واحذر تجيني مرتبك

لاتحسب ان الشعر مدفونن معا زيد وعبيد
ان كنت ذيبن يافتى لازم نلاقي لك شبك

[ضيف المنتدى]

في انتظار رد الشاعر/ عبدالله بن علي الشمراني
والمبطي بعذره حتى يسجل حضوره

[علي الساهري]

صح لسانك


ان كنت ذيبن يافتى لازم نلاقي لك شبك

بانتظار الرد

محاوره شيقه باذن الله

[سيف الشعر]

ياسلام ياسلام صح لسانك ياحمد

وننتظر الشاعر عبدالله الليل الليل

[سيف شمران]

يالله ياعبدالله وينك

يستاهل اللي على بيت الحنش ياهبيده

تحياتي لكم

[al3na9e]

وينك يا ابو عااابد

بالتوفيق

[ابراهيم طهيفان الشمراني]

ياسلام ياسلام يا ابو مسفر


في انتظار رد الذيب والله يكفينا واياكم الشبوك

[عايض الشمراني]

ارحب بالشاعر حمد مره ثانيه وفي انتظار الشاعر عبدالله

[عايض حامد الشمراني]

صح لسانك يابوراكان
وننتظر ابو علي ورده

[ابو راشد]

مبدع يا أبو راكان ودائماً
وصح لسانك
ونتظر الرد من الشاعر عبدالله

[عبدالله علي الشمراني]

إرحب يابو مسفر ، وأرجو المعذرة فتأخري في الرد كان بأسباب ، يعرفها بعض الإداريين


يا مرحبا يابو شنب وآفــاخـــر
إني بملبوس ٍ ثـمـيـن وفـاخــــر
بـآلأوله دايـــم ولانـي فــاخـــر
والمرجـله كـلن عرف راعيها


الـصورة الي جـمعـت بـين المقـدم والعـمـيـد
تـنـبـيـك عن وقفة أمير الشعر بحظور الملـك


والحـر الأشـقـر لا نوى بالصيد عز الله يصيد
تبطي طـيـور البيت ما حـطـّـته في فـخ وشـرك

[حمد بن مسفر]

تبقى وتسلم والشنب فالذمّه
لاصار قصدك تمدحه وتذمّه
اللي بينفع بوه مابذّ امه
والمرجله يتعب لها راعيها


شكّيت في بعض المعاني من قديم ومن جديد
يانجم شفنا سطعته في كل دورات الفلك

نبعد عن الثلب الذي حمّل بطنّ من الحديد
أمّا حبى والاّبرك والاّ نطحك وكسّرك

[سيف الشعر]

ماصارت هذي محاوره طفشنا اسبوع وهي مكانك راوح خلصونا ولابعود اقول خلوهاااااااااا

[عبدالله علي الشمراني]

الـهـرج بـآخـصّـه ولا بـآعــمّـه
للجاهـل الي شـجّـعـتـه الـعـمّـه
يبطي يزعزع مستوى بن عمّه
والمرجله كلن عرف راعـيـهـا


يـاشـاعــر ٍ يـفـتـل بيوت الشعر ويحل العـقيد
الـشـك زايـل بـيـنـنـا مـير إستمع يوم أنصحك

إن كان لك سيفٍ بريع ٍ في اللوازم ينجد إيــد
إحـــذر تـسـلّـه سـلّـة الـخايـف يـعـوّد يـقـتـلـك

[حمد بن مسفر]

الداب الاقرن طالعن من غاره

ابقتلع نابيه في فيـــــــــــــغاره

سيفي يجمّلني بنطح الغــــاره

والمرجله يتعب لها راعيها


عز الله اني ما اعتبرته فالقصيد الاّ فقيد
سلّم عليه وقل حمد دوّر لك وما حصّلك

ان كان غرقان فشهيد وان كان محروق فشهيد
بمشي على الجرّه واتابع دربه اللي قد سلك

[سيف الشعر]

ياسلام ياسلام كلام كلام

عاشو متابعين

استمرو

[عبدالله علي الشمراني]

فـي ديــرة الأبـطـــال تـبـقـى الـشّــارة
مـا هـي لـنـاس حـظـوظـهـا قــشّــارة
معـنى الـشـعــر ما تـعـرف لــقـشّـارة
والـمـرجـلـة كــلّـن عـرف راعـيــهــا


قـالـولـي إنـّـك يـاحـمـد ظــابــط وزيــزوم ورشــيـد
لـــكـنّ مـــدري تــحـمـل الـنـجــمــات ولاّ تـحـمـلـك

إن كـان لـك رتـبـة كـبـيـرة رزّت الـمـتـن الـشّـديـد
لـي رتــبــةٍ فـي لابــتـي عــدّت وطـافــت رتــبــتــك

[عبدالله علي بركي]

اسجل حضوري واعجابي با الشاعرين وانا من من يلتمس العذر للشاعر شمران لعلمي بضروفه
الصحيه 00 شافاه الله فقد خرج لتوه من السرير الابيض في مستشفى البشاير0

[صبي الروحاء]

استمروا فنحن متابعين

والف سلامة للشاعر شمران

[لاتحاول]

استمروا فنحن متابعين

بحماس

[عايض حامد الشمراني]

الله الله على هذه الكلمات المزونه بذهب
والمليئه بالمعاااااااااااااااااااااااااااني الجميله
فقد زاد حماسنا وشوقنا لمعرفة البدع من ابو راكان
وماذا سيكون الرد من ابو علي

واصلوا لاهنتوا فلهذه المحاوره طعمها

[حمد بن مسفر]

مايحسب البحر العميق الشارع
مادام باقي للشريــــــــعه شارع
اللي مهوب كفوً يـــــدج الشارع
والمرجله يتعب لها راعيـــــــها

عاش الملك مايعطي الرتبه سوى الرجل السديد
وشهادتك ماني بحاجتها عسى الله يحفظك
تعال بين القافيه والحرف واوزان القصيد
وآميلك وآعدلك وآعدلك وآميلك

[بلقاسم الشمراني]

بيض الله وجيهكم ولا هنتم

أبدعتم كما عودتونا ونتطلع للمزيد منكم

تحياتي واحترامي

[عبدالله علي الشمراني]

الـشـاعـر الـي فـي عـلــومــه بــارع
مـطـلـق وفـي يـمـنـاه سـيـفٍ بــارع
دون الـوطـن والـديـن بـالـدم بــارع
والـمـرجـلـه كـلـن عـرف راعــيـهـا


خـلـك عـلى الـدرب الـسّـوي وإحـذر مـن الـسـرعـة تـحـيـد
وحـاسـب كـلامـك يـا زمـيـلـي يـا عـسـى الـلـه يــحــرســك


وإن كـان هـــرج الــطــيــب مـا يـنـفـع مــعـك ولا ّ يــفــيــد
بــآعـلـمـك مــنــهـــو الــكــفـــو وآحــاســبــك وآعـــقـــلــك

[عبدالله علي بركي]

الله عليك (شمران )ولا اجمل عساك على القوه انت وزميلك 0

[حمد بن مسفر]

قول الذي بين الحنايا قوله
ولاتخلط أقواله معا منقوله
وكلن في المرمى يسجل قوله
والمرجله يتعب لها راعيها

الله يديم الأمن ويعيّشك بالعيش الرغيد
يابو حنيفه بعد ما رديتها مدّ أرجلك
آقول ياللي غطرفو في شنق صدام المجيد
باقي 100 صدام حيًّ في دمشق وبعلبك

[عايض الشمراني]

ياسلام ياسلام الله يعطيكم العافيه

[عبدالله علي بركي]

يابو حنيفه بعد ما رديتها مدّ أرجلك ؟؟؟

[عبدالعزيز المعاوي]

السلام عليكم

الحقيقه كلكم شعّار على مستوى

والله لا يهينكم

واصلو

[عبدالله علي الشمراني]

بـو زيـد تـعـرف صـولـتـه والـجولـه
مـطـلـق ويـكـرم للضيوف إن جولـه
وإذا رمى الأهـداف صـاب الـجــولـه
والـمـرجـلـة كـلـن عـرف راعـيـهــا


يا أحـمـد نـجـادي لا تـحَـسَـب إن الشّـقـي مـثـل الـسـعـيـد
صــــدام تــبــطــي عـنـه لــو تـسـعـى بـرجـلـك مـع يـــدك

وإن كـنـت بـــعــده صــرت مـتــهـــور وجــبـــار وعـنـيــد
فاحــذر تــزعّــل بـوش يـمــكـن يـقــصـــفـــك ويــدمّـــرك

[حمد بن مسفر]

انا بوادي وانت رحت بوادي

والشرح واضح والعلوم بوادي

وين الـــــــــديه للي قتـــيلً وآدي

والمرجله يتعب لها راعيها



احسبك شاعر تفهم المعنى ولايمكن تحيد
واثرك سلكت الدرب غير الدرب كيف آفهّمك

يابو علي خل القصايد عنك واقلبها نشيد
قدام لاتظلمني الدنيا وقدام اظلمك

[بوسالم]

يابو علي خل القصايد عنك واقلبها نشيد

الله الله ياحمد

تسلمون

[أحمد الشمراني]

الحرب الباردة هنا

الغام في كل مكان

لكن الشعار قدها

واصلوا

[عايض حامد الشمراني]

واصلوا فلازال
للإبداع مستقبل
ومستقبله هو محاورتكم المميزه

[سموالمشاعر]

اسجل اعجابي بكم واصلو متابعين

[عبدالله علي الشمراني]

أغـرف بــحــور ٍ مـا تـجـي قـصّـادي
وأجـمـل مـع الـنـشّــاد والـقـــصّـادي
قـصـدك فـهـمـتـه وإفـتـهـم قــِصّـادي
والـمـرجـلـة كـلـن عـرف راعـــيـهـا


عـشـت بـشـرف يـابـو عــديّ ومُــتّ بـالـمـجــد الـتـلـيـد
وأمّـا الـ 100 يـا جـعـلـهـم يـفـدون طــبـعـة جـزمــتـك

والـشـيـعـة الـشـمـاتـة الـّي غـطـرفــوا فـي يــوم عـيــد
يـا جـعـلـهـم بـالـمـوقـدة وأمّـا أنـت فـالـلـه يــسـمــحــك

[عبدالله علي بركي]

عـشـت بـشـرف يـابـو عــديّ ومُــتّ بـالـمـجــد الـتـلـيـد
وأمّـا الـ 100 يـا جـعـلـهـم يـفـدون طــبـعـة جـزمــتـك
جمل الله حالك (شمران)

[سعيد بن منجية]

عاشوا الاشاوس الابطال عيال العصاة

ماشاء الله ابداع حارثي ومخاسري كله بنكهة شمرانية مذحجية كهلانية قحطانية

على القوة يا نشامى يا فرسان

يعطيكم الف عافية وصحت السنتكم جميع

وتحياتي للشاعر الكبير حمد بن مسفر



وتحياتي الغالية وترحيبي في الشاعر القدير شمران ابو علي

عالقوة وحن متابعين

[حمد بن مسفر]

طيب طيب يابو علي :gif_6:


ماحد يغيّب ياقمرنا وضحك

صرت آتعجّب من زمنّا وضحك

منت بمشوّش عندنا ياوضحك

والمرجله يتعب لها راعيها


في كل يوم أروح وآفتّش بصندوق البريد
عساني ألقى مايزيد المعنويه لي ولك

حتىّ أكتشفت إنّ الغياب أغبى من أعذار البليد
وانّي شبيه اللي يدوّر فالصحاري للسمك

[ابو راشد]

يا سلام ياسلام ياسلام
مبدعين واصلوا الابداع

[عبدالله علي الشمراني]

عـــزّ الـلـه إنـا مـا جــهــلــنـا قـدرك
تـقـدر عـلى الـعـلـيـا ونـعـرف قـدرك
حـتـى ولــو مـا الـكــلّ للـحــقّ أدرك
والـمـرجـلـه كـلـن عـرف راعــيـهــا


نـفـس الـشـعـور إنـتـابـنـي والـفـكـر بـأسـبـابـه شـريـد
حـتـى لـو آكـابـر وأقــول الــوقــت فـي وجـهـي ظـحـك

والـمـشـكـلـه إنّ الـحــرب هــذي كـلـمـا زدنــا تـــزيـــد
مـتــنـاســبــة طــردي مـعـي يـا صـاحـبـي ولا ّ مــعــك

[حمد بن مسفر]

يابو علي وش فيك طبعك حامي
والله لكل الناس حامي حامي
عز الله انك صقر حامي حامي
والمرجله يتعب لها راعيها


أنا معي في كلّ ديره حصن وحصوني رصيد
من الرجال اللي من امثالك وجعلي ما اعدمك
تقديرهم يمشي مع الدم في شرايين ووريد
ولاتبان المرجـــــــــــــــــــــــله الاّ بعز المعترك

[القلم المبدع]

اخوي العزيز شاعرنا المبدع
حمد بن مسفر صح االله لسانك
قصائد جميله ومميزه ولهاهـ
معاني كثيره لاهنت يالغالي

[القلم المبدع]

صح لساانك اخوي ابو علي
عزالله انك كفيت ووفيت قصيد جميل
بيض الله وجيهكم لاهنت يا ابو علي
استمروا فنحن متابعين للابداع والتميز

[عبدالله علي الشمراني]

الـطـبع حـامي من جـفا الأيامـي
ومـن كـثـرة الـحـساد واللـيامـي
مـتـلايـمـه في بـوجـيـهـنا ليامـي
والـمـرجـلـه يـتـعـب لها راعـيها


تـسـلـم وتـبـقـى يـاعـسـى ربـي مـن أمـثـالـك يــزيــد
شـــــرواك مـثـل طـويـق هــبـات الـهـوا مـا تـنـهـرك

لـو اتـفـقــنـا يـا حـــمـــد مـا تـــفـــتـــرق يـد عـن إيـد
وان اخـتـلفـنا عـز نـفـسـك يـا عـسـى الـله يـرحـمـك

[أحمد الشمراني]

حي الله الشاعر شمران

لكن الرد هذا جاء متـأخر جــدا حيث بين اخر قصيدة وردك شاعرنا القدير خمسة أشهر

ارجو العـذر

سوف الغى الرد

وكـذلك اغلق الموضوع

اتمنى ان اراك في محاورات اخرى واحنا على اهبة الاستعداد لتنظيمها

تقبل احترامي