لاتلمّح للرجوع ولا تلمّح للزياره

[الحمدان]

لاتلمّح للرجوع ولا تلمّح للزياره
من زهد فالحب دايم رجعته فيها صعوبه

أنتهت حرب المحبه وأعلن الحقد إنتصاره
والشمالي صار صدره أضيق من أزرار ثوبه

يا أول أيام الحياه ويا أول أبواب البشاره
ماتوقعت الزمان يدور وأعيشك عقوبه

جفّ حلقي يوم أقول أن أول النار الشراره
من سمع هرج العواذل يطفي النار الشبوبه

رحت وأقفيت ونسيت وشاعرٍ طال إنتظاره
طق بابك وأنتظر نوبه وعاد يطق نوبه

ما أستحيت ورحت من عقب الغلا والحب كاره
وأبتديت أعالج جروحك وذنبٍ كيف أتوبه

واحدٍ خاطرْه طايب مامعاه إلا إنكساره
كيف يرجع وأنت عشقت السلاح وراح صوبه

لاتعوق المستقيم اللي يبي رد إعتباره
ولا أقول مسامحك مع أن الأغلاط محسوبه

فالنهايه حربي اللي بالهوى راحت خساره
وأنهدم صرحٍ بنيته طوبةٍ من فوق طوبه

كنت خطوه وأتخذها القلب من دون إستخاره
وأتخذها بعد بكرا ذنب واحد من ذنوبه

من غلاك وذكرياتك والرسايل والزياره
والهدايا والقصايد كل أبوها
تبت توبه

....