كانك على المخلوق علّقت الآمال

[الحمدان]

كانك على المخلوق علّقت الآمال
اصبحت عبدٍ له بدون اعتراضي

تصبر على ما تكره النفس والحال
وعن ما ترى عينك تكون متغاضي

وتمشي على كيفه على عقل وهبال
لين السواد يصير عندك بياضي

ان انبسط خلاك في عالي العال
وان انزعج ضيّق عليك الاراضي

تقبل وتقفي بين همٍّ وغربال
لا مزنةٍ هلّت ولا برق ناضي

قدامك القبلة من الجال للجال
عوضك من فيه البخيت استعاضي

بيديه تقدير العطايا والاجال
وان جا له المحتاج ما راح فاضي


فهد بن إبراهيم المفرج