رديه بين شاعرين

[الحمدان]

زار ضيدان خويه سعد في
أحد الأيام فتأخر عليه في
تقديم القهوه والقدوع فقال

جاك المسيّر ما لقى منك ترحيـب
لا جبت له قهوه ولا من قدوعـى​

يا ليتنى دورت غيـرك معازيـب
جيتك جويع ورحت منك بجوعـى ​

الظاهر انك ما تعرف المواجيـب
اكيد طبعك يختلف عن طبوعـى ​

حنا لجانا الضيف ننفض له الجيب
ونجيب له من كل شكلٍ(ن) ونوعـى ​


عاداتنا والرزق من عالم الغيـب
هذا وانا ابخل واحدٍ(ن) من ربوعـى ​



فرد عليه سعد بأماني وخيال واسع:​
​

اقدع عسى يقدع على راسك الذيب
فى خايعٍ(ن) مابه من النـاس دوعـى ​

متعطلٍ(ن) فـى البـر قبلـى تناقيـب
من ليلة الجمعه ليـوم الربوعـى ​

ومروك ناسٍ(ن) غايبٍ(ن) عنهم الطيـب
وخلوك وحدك فى مكـانٍ(ن) يروعـى ​

ثم جاك ذيب(ن) ما سنونـه بتركيـب
ذيب(ن) ولد ذيب(ن) وشـرس(ن) قطوعـى ​

وسوابك سواةٍ(ن) على غير ترتيـب
يجزع لها قلب الشجاع البتوعـى ​

مرحوم يا عودٍ(ن) كسى راسه الشيب
هنديته تـذرف عليـه الدموعـى