أرجوك ربي صادقات المخاييل

[الحمدان]

أرجوك ربي صادقات المخاييل
تعم شِعْبان الحريق وِمجرَّه

تسقي لنا هدب الغروس المظاليل
اللي بها للجار حَقّ و مبره

في الليل لو جونا ضيوفٍ مهاشيل
نبذلْ لهم مجهودنا لو نطرَّه

ندِقّ نجرٍ بين سمر المعاميل
لومابقي في الجيب مثقال ذرّه

الله يعَدِّلْها عن الضَّلْع والميل
ولا يميلها على الخلق مرَّه

أحدٍ يِلاعب لابسات الخلاخيل
وأحدٍ عجوزٍ شاف منها المضرَّه

وأحد عشاه من الفطَّر الحيل
وأحدٍ رغيدٍ يلعط القلب حرَّه


رشيد الكثيري