لا طاب جوي والتهى كل ملقوف

[الحمدان]

لا طاب جوي والتهى كل ملقوف
اسرى مع نجوم السماء واتفكر

الله يجلي ضيقة الصدر يا نوف
ويصفى زماني عقب ماهو تعكر

حالي براه الهم تايه ومخطوف
والشوق يفضح يوم قمت اتذكر

باسباب غرواً تل قلبي من الجوف
توه صغير وزول راوي محكّر

العنق مثل الريم والخصر منحوف
دم ولحم كاسيه شهداً و سكر

اقفت مع اللي علقوا شخص ملهوف
اعطوه مهله ثم قام و تشكر

حظي سراب واقعي كانه الشوف
وانا الاسير ودونه الباب سكّر

ماني وحيد ولا سكن قلبي الخوف
مير الزمن يا نوف ليّه تنكر


حابس العطوي