الحمدان
06-07-2025, 05:36 AM
ردي الآصل لو شفته صفالك
ترى الآنذال عشرتها مصايب
ولو تعطيه من غالي حلالك
ترى الخايب على ماقيل خايب
الى صارت له الحاجه عنالك
ولو تحتاج له أنته صار غايب
ويضحك لك وهو جالس قبالك
والا من صد في امره غرايب
ويحلف لك يمين انه صفالك
وهو عن مشيته ماهوب تايب
وراعي العيب لو هو من عيالك
ولو هو من جماعه او قرايب
تراك برفقته اتعبت حالك
فقله رح يعلك للذهايب
فاحذر يافتى واعرف رجالك
من اللي ما تزعزها النوايب
يعلو بين خلق الله جلالك
ومن عاداك وروه العقايب
فاذكرني اذا أمر بدالك
فيما قلته ودنيانا عجايب
علي القحطاني
ترى الآنذال عشرتها مصايب
ولو تعطيه من غالي حلالك
ترى الخايب على ماقيل خايب
الى صارت له الحاجه عنالك
ولو تحتاج له أنته صار غايب
ويضحك لك وهو جالس قبالك
والا من صد في امره غرايب
ويحلف لك يمين انه صفالك
وهو عن مشيته ماهوب تايب
وراعي العيب لو هو من عيالك
ولو هو من جماعه او قرايب
تراك برفقته اتعبت حالك
فقله رح يعلك للذهايب
فاحذر يافتى واعرف رجالك
من اللي ما تزعزها النوايب
يعلو بين خلق الله جلالك
ومن عاداك وروه العقايب
فاذكرني اذا أمر بدالك
فيما قلته ودنيانا عجايب
علي القحطاني