بلا عنوان

[سعد عبدالرحمن]

بلا عنوان




بسم رب البشر قصدي بديته وأنا دربي صواب
والله ما ودّي آقول القصايد لو إن البيت شاد
لاكن المشكله في من بنى البيت ثم أعجل بهدّه
بعد ما زان مبناه المسيّس وقلنا شي عجيب
يارفيقي ويا أبن العمّ ليتك تذكرت إنّي أدرى
كان ما رحت تشري تمر والنخل زرعه عندنا
علمي اليوم فيه النصح والنصح ما كل(ن) يقلّه
خطوة الجهل ما أرضاها للاصحاب لو بانوبها
خطوة الجهل ما أرضاها للاصحاب لو بانوبها

[علي الساهري]

خطوة الجهل ما أرضاها للاصحاب لو بانوبها

صح لسانك

[بلقاسم الشمراني]

صح لسانكـ أخي سعد وبيض الله وجهكـ

لاهنت يالغالي ولا عدمناكـ

تحياتي واحترامي

[سيف الشعر]

بلاعنوان

الرد

من حكم بين خلق الله بحكم العدل حكمه صواب
وانا حيلي قوى ياسيدي دام غير بعد شاد
وانت لاشفت لك شخصن معه جن في راسه فهده
ليش ننظرعيوب الناس وعيوبنا ماهي عجيب
وانا لوكنت ماشفت الحقايق مصيري كنت بدري
نمنع الي يجيب المخطيه ياسعد منع الدنا
وصل العلم للي ماحسب قدرنا ورجع وقله
قلة ماتنفع الاعذار لوعودو نونوبها
قلة ماتنفع الاعذار لوعودو نونوبها

[سعد عبدالرحمن]

طيب طيب



مرحبا هيل ياسيف المعاني وأبي منك الجواب
ليه من يسكن أطراف العوالي كره مسكن جياد
طيبه الطيبه ربي رفعها ولاهي مثل جده
والنبي فالمدينه قال طيبه بقت حب الحبيب
الحذر وأنت سيف الشعر فيما ذكرت تقول مدري
ولاّ تهرج بهرجة جاهل(ن) باح بإسمه سدّنا
كم في الناس من بيّن بنفسه لمن دوّر ودلّه
لقمة الشر لأهل الشرّ يا صاحبي غصوّبها
لقمة الشر لأهل الشرّ يا صاحبي غصوّبها

[سيف الشعر]

الله يبقيك ياسعد وتلقاء على سؤالك جواب
مملكتنا الحبيبه كلها مسكني وقت الجياد
والله ماعاد نعرف ياسعد وش مزحك ويش جده
مرتن صاحبي ومرات تزعل ومراتن حبيب
وان بغيت أتجاهل ياسعد في لزومن قلت مدري
ولي جاء منك من صدن وعذرن ترى ماسدنا
خوت الناس يابن الناس ماهيب في شاهي ودله
الله كم هرجتن عند النماريد قد لاصوبها
الله كم هرجتن عند النماريد قد لاصوبها

[سبت شمران]

لاصوبها
طيب طيب واصلو لاهنتو

[عبدالله علي بركي]

والله ماعاد نعرف ياسعد وش مزحك ويش جده
مرتن صاحبي ومرات تزعل ومراتن حبيب



جميل جدا (ياسيف الشعر )

[سعد عبدالرحمن]

طيب طيب طيب

أحمد الله تعالى واسأله لا حرمنا من ثواب
وأنا ماني بمن غش البشر ثم قال إنّه حياد
وايضاً ماني بمثل مسيلمه مات في شرّه وردّه
صاحبي صاحبي ماآبدّله من بعيد ومن قريب
اللوازم مواقفنا من أول ومن حاضر وبكري
نشتري الغانمه بافعالنا والمكاسب عدّنا
لا تجنّب عن المعنى وأنا ما ألحقك باس وتخلّه
العداله لكل الناس قلنا أصدحوا وجنوبها
العداله لكل الناس قلنا أصدحوا وجنوبها

[سيف الشعر]

السلام عليكم



رحمة الله على شاعر شمران ناصربن ثواب
شاعرن كان يشعر في قبايله من دون الحياد
الله كم مشكله قامت وناصروقف لشر رده
هذي السالفه مرت ولاهي بمن وقتن قريب
والنخل بان طلعه ياسعد وهوبعد مطلع وبكري
مكثر الاصدقاء في كل موقف ومحصي عدنا
ياسعد بينت الايام ماكان خافي من تخلة
ماحمى المملكه يوم حرب صدام غير جنوبها

[سعد عبدالرحمن]

كنت ماتعشق الحيّات والسمّ تكره والداوب
ويش غيّر قلوب الناس وأخلف قوانين العباد
أما ناصر فشيخ وشاعر الموت والمكتوب ضدّه
حسبه الله وأنا في كلما قلت ربي لي حسيب
لاتعرّي القوافي يارفيقي وأنا حاشا وشعري
يالله إنك على درب النشاما بحكمك قدّنا
والذي ما صبر في درب الأتعاب واستحوش وكلّه
قلت لأهل الشرور بشرّكم لاعبوا ولهوبها
قلت لأهل الشرور بشرّكم لاعبوا ولهوبها

[سيف الشعر]

ياسعد مانفع بك طب شعبي ولاعلاج الدواء آب



يقولون اخر العلاج كيه ومن بعده يباد



مايقاوي الحديد الاالحديد ياسعد مثله يضده



وانت لك قدر مهما صار ياصاحبي قدر النسيب



هذا مبداء كلامي والقوافي لها قانون شعري



ودي اشوف مثلي غيرماشوف واحد قدنا



الي يدق صدره فلوازم وقال انه وكله



يوم شاف الرحاء تطحن تراجع وشب الهوبها



يوم شاف الرحاء تطحن تراجع وشب الهوبها

[سعد عبدالرحمن]

طيب طيب طيب


ياسيف الشعر لا تنحي عن القصد والما والرواب
الجمل لا هدر فالعمد ما راغ دربه والهداد
والضيف إن جاك في وقت الغدا هل به تكفا وغده
أشهد إنك غفلت وما أنتبه إن ذيبك فالجليب
بن ظافر في رضا شمران كم قال شيّ وشيّ مقري
ما تنكّر لابوسامي قريوي ولا متمدّنا
كم بنا من قصور وكم بنا في قصيد العزّ فله
وأنت لا تهدم المعنى ومن راغ تتبع جوبها
وأنت لا تهدم المعنى ومن راغ تتبع جوبها

[سيف الشعر]

اعتذر عن التاخير طيب طيب
المعنى واضح (ن) ياصاحبي مايجي شك ورواب
وانت عريت قاف الشعر واوميت به سهــل وهداد
وانت تعرف وكل (ن) عارف(ن)ياسعد من كان غده
تعرف اني بفعل الخير والسيف عديت الجليب
وانا باقي بعقلي ياسعد ماشربت الماي مقري
التهايم تعداني وترميبها لا ميدنا
لكن من جرب الجربان يجرب وجاب العلم فله
الله كم فلة (ن)ساروا على نهجها قد جوبها
الله كم فلة (ن)ساروا على نهجها قد جوبها

[عايض الشمراني]

لكن من جرب الجربان يجرب وجاب العلم فله
طيب طيب لله دركم استمروا

[سعد عبدالرحمن]

الله الله

علمنا جبتها وتجيبها دوم وجروحك طواب
كم بيوت(ن) على روس الغلابه بمعمرها تشاد
ليت سيف العداله ما تثلّم ولا ماكول حده
والجليد المكوّم لا تحاول بجحدانك تذيب
يادلالي لضيفاني تزاهي ويا هيلي ونجري
والذي مات في سوق المعاني يسمونه فقيد
لو جحدنا وقلنا للبشر قدسنا مو مستحلّه
كيف ننكر على من شاف مقتولها وكروبها
كيف ننكر على من شاف مقتولها وكروبها

[ولد صعيدا]

بيض الله وجيهكم و ننتظـــر مزيد من الطـرح و الالقاء الجميلودي و ع ــــطري لكم ولد صعيدا

[صقرشمران]

الله محاوره جميله ليتها استمرت
تقبلوا تقديري

[ريحانة شمران]

محاورة رائعة

وصحت الالسن


تقبلو مروري المتواضع ولكم كل التقدير والاحترام