اذا ظاق صدري قمت اغني من القصيد

[الحمدان]

يبرز في هذه القصيدة قيم الوفاء والثناء والصداقة
حيث يعبّر الشاعر الكبير فلاح ضاوي السبيعي
عن مشاعره الصادقة تجاه صديقه الراحل
الوجيه الصقار والشاعر محمد بن هادي النمران
– رحمه الله – عبر أبيات مليئة بالمدح والتقدير
مستحضرًا مكانته الرفيعة وذكراه العطرة:



اذا ظاق صدري قمت اغني من القصيد
اخليه لين انساه واعود واعتاده

ابا اجاوب الورقاء على النوح والتغريد
ما دام ان هواجيسي على القلب وراده

اقول السراحه ما تعلمت للتقليد
ولاني من اللي يعسف القول لمراده

اسجل علوم رجال تستاهل التخليد
واجاوب بها ناسٍ عن الطيب نشاده

ملكني بطيبه واحد من بني رشيد
وهذه معاريفه على صدري قلاده

ابو هادي النمران بالخص والتحديد
احبه ولو حطؤ لي اللينه وساده

كريم حكيم واشهد انه ماهوب زهيد
اذا جئت ارد أله الثنا زاد بزياده

مرؤة رجل ماهي ب للمصلحه تمهيد
مزاياء ورثها من أباه ومن أجداده

اذا قلت انا مديون لك جاد من جديد
وهذه سوات اهل النداء طيبهم عاده

تمنيت لو انه قريب نهار العيد
وانال الشرف بمشاهده وأحضر اعياده

لعله يعود العيد دائم هؤ سعيد
هؤ وقارئ المكتوب من ضمن عواده

حدتني ضروفي وابعدتني وصرت بعيد
وصارت بلادي منتحية عن بلاده

وانا ما اذكر الا هاتف الجؤ والبريد
طروب المشاعر لهل الطيب منقاده

لو ان الولا ماهؤ ب يحتاجله تجديد
ولا مثلي اللي يسمل العهد بأسياده

انا للوفاء مسيود حيث الوفاء لي سيد
رقبتي على وقف المواجيب سداده

وهؤ يعرف اني من مواليه بألتأكيد
انا كيف بنساء ايام عزه. وأمجاده

وتحيات ابن ضاوي تعبر الفضاء والبيد
لبؤ هادي النمران وأبناه واحفاده

فلاح ضاوي الحنان السبيعي