يا مدوّر الهيّن قليل الحميّه

[الحمدان]

يا مـدوّر الهيّــن قليل الحميّه
ما ينفعــك من لا تردّه حميّــاه

من كان عزمه في العوافي شويّه
وقت الشدايد جعل بقعا تعشّاه

الجيــد ما هو للمصالح مطيّــه
الجيـد والله من طـريقه مخــلاه

ما أنا رفيــق اللي يخلّـي خــويّـه
أنا رفيـق اللي يجي لك من أقصاه

إن كانهــا بيــده طــويل النهيّـــه
وإن كان ما بيــده تسـرّك نـوايــاه

تغــزّلي بالطيــب يـا الغشمريّــه
واستبشــري، خلّي يدينــك محنّاه

عـــاد الليالــي مقبلــه يــا بنـيّــه
بأفـراحها اللي ما تجي بالمراضــاه

بــالله، ثـم بأهل العــزوم القــويّـه
اللي تــردّ السـيل يــرجـع لمنحـاه

من عـاش ما عنــده لنفسه قضيّـه
يمــوت ماحدٍ يذكره وش سواياه

علوي الباشا