محاورة بين شاعرين

[الحمدان]

هذه المحاورة بين الشاعرين صياف الحربي ومطلق الثبيتي
رحمهما الله :

- صياف:
مرحبا بالشاعر اللي كل ما شفته عرفته
وان سمح لي ودي العب معه ساعة واتجرّا

قالوا انك شلت في جيبك جنيه ولا صرفته
كان تبغى تصرفه والسوق غالي وش تحرّا


- مطلق:
البقا يالشاعر اللي يوم صادفته وشفته
أدخله بالظل ما اخليه تحت الشمس برّا

لا تعلمني بسعر السوق اناجيته وعفته
ويش اسوي به رخص وانا على الغالي امصرّا


- صياف:
يوم حصلت اللحاف الزين بالبرد التحفته
والخيال ايزيد والبراق تال الليل سرّا

قلت ميعادك على راس الطريق ولا نصفته
ما بقي الا تستريح وتنفض الثوب وتبرّا


- مطلق:
لا تعاتبني على دمعي ليا مني ذرفته
الحبال اتحز فالمحال والمحال صرّا

كيف تنسى يا كبير القلب ميقاف وقفته
يوم كل لاذ فالخيمة وبالخيمة نذرّا


-صياف:
الكلام اللي يزل عن الحقيقة ما ولفته
ما اقدر ازعلك وانته رجل تقرا ما تقرّا

انت تعرف تاصف الماقف ليا منك وصفته
مير في موقفك هذا وش تشوف ووش تورا


- مطلق:
بعض خلق الله لو انه حذفني ما حذفته
لجل ماودي مع الناس اتنقد وانزرّا

المقفي ما تبعته والمغطي ما كشفته
اترك المجنون لو يكشف ثيابه ويتعرّا