قال حاقد قلت يا جاهل هلي

[الحمدان]

قال حاقد قلت يا جاهل هلي
كيف ابطرف باصبعي عيني وأصيح

انت مثل إبليس حقرك الولي
لا تسر ولا تريح وتستريح

من يصدقبي وأنا الشمس اعملي
ما يذريها عجاجٍ جاب ريح

لو يطيعك بي غريرٍ يجهلي
ما تطيعك روسوهم بي يا كليح

هم هلي يا جاهل وهم منهلي
لوتضيق ألقابهم كونٍ فسيح

عودهم له طاعة واجب علي
شيخنا اللي ما يوفيه المديح

ما سفهت من العقول إلا الخلي
وما حقرت من الكلام إلا النبيح

الصباخي ماتربع بالولي
والردي للطيب جحادٍ شحيح

والعتم لا بد يومٍ ينجلي
وأسود النيه يجي يوم ويطيح

الردى بعد السما عن مذهلي
ما تعلمت أجزي الطيب بقبيح

شمت عنك أبي المراجل منزلي
وفي ضلوعي شايبٍ عيا يبيح

ما أعتلي بالشعر هو بي يعتلي
دام ميزاني بحسادي رجيح

لا تصدق في حصانك يا اجملي
كنت أنا وما زلت وأبطي لك نصيح

ما عرفت الغي وأخفيت إجهلي
علموني مستبيحين المريح

لو تبين قلت خلو ذاك لي
بس دامك كالنساء مالي نطيح

قل مدام إني بكذبك مبتلي
كل كذبٍ دام اهو فيني صحيح

ما أخضر من الذنوب إلا هلي
ذنبي اللي يرفع الراس الفليح


طلال الرشيد