مساجلة بين شاعرين كبار

[الحمدان]

‏مساجلة بين الشاعر الكبير
صالح بن فهد بن صخيبر
العلوي الحربي
والشاعر الكبير سبيل بن سند
الحصني الحربي رحمة الله عليهم جميعاً:

- يقول صالح بن صخيبر:

يا سبيل النفس ما هي في هوايّه
وان عصيت النفس تلحقني مضرة

يا عريب الجد عدل لي عصايه
كان فيها عوجةٍ مني مغرّة

انت حاضر يوم تفسير القرايه
صفقةٍ من غاليٍ بالحيل مرّة

جيت في قلبٍ نظيف من البداية
مير حظي ما اعرف خيره وشره

جيت ابدّي واجبي مير النهاية
رحت مثل دعيج هو وايّا مصره

والله انه قايلٍ راعي الرواية
قصرة الرجلين ناموس ومسرة


- رد الشاعر سبيل بن سند:

مرحبا ترحيبةٍ ما هي دعاية
سيرة اللي نور شوف ونار جرّه

مرحبا خطٍ لفاني في شكايه
من طرف نفسٍ لها قيمة وحرة

يا وسيع المعرفة فيك الكفاية
إليا وصلك العلم وصل العلم قره

وإلا أنا ما هوب مقنعني ذكايه
كيف يقنعني وحنا إخوان سره

مير عرفي كان ما عندي غوايه
وان لي من النظر مثقال ذرة

قيمة المبنى على ساس البناية
والصلاة ابها سهو والصوم غرّه

القراية حد معلومي جرايه
ما لها غيبٍ بعيد وقايمه من جال درة

القراية صارت آيةً درقة آية
يحملن محمال بر ولا حماهن من مضره