الجـــــود مابه يا سنَادِي خطيّا

[الحمدان]

الجـــــود مابه يا سنَادِي خطيّا
ترى الخطا يابوي ترك المواجيب

أَعْدَتْ يمينك من كرمها يديَّا
واعديتني بالطيب ياحايش الطيب

ومن جود جودك صرت مشهور طيَّا
ولولاك ما وَقْفَتْ عليّ المراكيب

لا قيل أبوه اللي على الطيب عيَّا
قالوا يجي مثله ولو مثلك صعيب

ما للردَى يابوي درب عليَّا
لا صار جدي مشبــع الطيــــر والذيــــب

من نسل قوم مجدهم بالثريّا
وماقول قول مايقال إنه مصيب


للأمير الشاعر / عبدالله الفيصل

برواية الأمير الشاعر / خالد الفيصل