من لا يشوفك شي لا تنظره شـي

[الحمدان]

من لا يشوفك شي لا تنظره شـي
ومـن لا يقـدر جيتـك لا تجيلـه

عنه السعـة لا بـارك الله ياخـي
بالضيق واجحاف العميل بعميلـه

صفعة جفاء بمكانها تسوي النـي
وتحرق قلوبن من جهلهـا عليلـه

لا صرت لا جاهل و لا تابع غـي
وحملي اعرف اكيالته قبـل اكيلـه

تبطين يا يدينٍ تبي لويـت يـدي
لو جارني ضيم الدهـر مرتكيلـه

تطلع لك اشياء من مواقف ولا شي
وتصغر وتكبر ناس قـدم الثقيلـه

لا تغرك الاسماء من وين ومن أي
خل الفلـك يفتـر ويـدور ويلـه

وتطويك لوعات الزمن تحتها طي
في وقتها قارن بالاسم وحصيلـه

وان طال بك لليلك يبي ياتي الضي
ويطعنك من تشكيه بمن تشتكيلـه

تجـارب الايـام ومسامـر الكـي
دروس والرجـال عقلـه دليـلـه

والشجرة اللي ما بها للعرب فـي
يـا الله تحرمهـا سحـابٍ تخيلـه

لا نافعـة ميـت ولا نافعـة حـي
غصن يباس وكـل ريـح يميلـه

الطيب شي ولا يقارن معـه شـي
والبخل ما عـز اليديـن البخيلـه

؟؟؟