(يازين يوم اني انا وانتي صغار)

[ارق احساس]

يازين يوم اني انا وانتي صغار
توما لبست شماغ وانتي عبايه

بالطول ماناصل ولا خمسة اشبار
دايم نقيس اطوالنا بالمرايه

مابيننا شين نخبيه واسرار
ماغير لعب اطفال كل الحكايه

ماهمنا موجز ولا نشرة اخبار
التسليه صارت وسيله وغايه

وان جا فلم كرتون للقطو والفار
نجلس نتابع قصته للنهايه

بالمدرسه نزعل على شان الاصفار
انتي سبب لعبك وانا من غبايه

ياما تهاوشنا على كيس فيشار
انحاش به وافرح بطردك ورايه

وان قلتي يابـنـدر ياويلك من النار
اخاف واستسلم وابين خطايه

والى ضربتيني تقل بيننا ثار
وان قلت كافي قلتي ماهو كفايه

والى خلصتي ضرب بيمين ويسار
اخذتي الفيشار واللي معايه

والى زعلت وقلت ابا اروح للدار
صحتي وقلتي اسفه يا غلايه

واصدقك وافرح بعد ذيك الاعذار
واجيك لا حاقد والا احمل وشايه

بس لو اشوفك مع بشرغيري اغار
لو كان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايه

هذي طفولتنا براءه وتذكار
دايم نحن اليا ذكرنا البدايه

واليوم ابا اكتبها سواليف واشعار
وافكر انتجها بفلم وروايه

وش رايكــــــــــــــم..::GIF_112::GIF_112::GIF_112:: GIF_112::GIF_112:

أعـــــــجـــــــبــــــــتــــــــكــــــــــم... :51::biggrin:

.....تحياتي.....

.....ارق احساس......

[قناص القلوب]

هذي طفولتنا براءه وتذكار
دايم نحن اليا ذكرنا البدايه

واليوم ابا اكتبها سواليف واشعار
وافكر انتجها بفلم وروايه


جميلة جداا مانقلته يداك اخت ارق احساس

استمتعت كثيرا بقراءتها وننتظر مزيدك

[ارق احساس]

مشكوووور أخوي قناص القلوب ردكـ نور صفحـتي