http://vb.shmran.net/ لكل ما هوا منقول من شعر وخواطر ar Mon, 21 Sep 2026 18:28:33 GMT vBulletin 60 http://vb.shmran.net/shmran_2018_const/misc/rss.jpg http://vb.shmran.net/ http://vb.shmran.net/showthread.php?t=95757&goto=newpost Mon, 21 Sep 2026 11:52:58 GMT باقي من الليل دربٍ خطوتي ما تبيه فيه إلتفاته وتلويحه ودمع أنهمل العام ما فيه دربٍ للأمل ما آهتديه واليوم ما عندي لْفرقاك صبر الجمل هزّ الهوى... باقي من الليل دربٍ خطوتي ما تبيه
فيه إلتفاته وتلويحه ودمع أنهمل

العام ما فيه دربٍ للأمل ما آهتديه
واليوم ما عندي لْفرقاك صبر الجمل

هزّ الهوى طارف اشواقي وكمّل عليه
ولي نفس من طيفك السرّاي عيت تملّ

قعدت ما عندي من مْعاتبي غير ليه
قلوب الأحباب ما تحضى بلمّ الشمل

ليتك تهجّيتي بْصمتي كلام الوجيه
وش حيلتي يوم خانتني بعدك الجُمل

رحتي ولا عاد باقي غير قلبٍ نزيه
مْكابد الوقت عاناه وحمل ما حمل

تعالي بْعذر لو العذر ماهو وجيه
إن جيتي اقول فقدك جرح مير أندمل

وسَمّي على الجرح يبرى وإن بريت أنجحيه
ترا المحبه بدون جروح ما تكتمل

ألِف ]]> المنقولات الأدبية الحمدان http://vb.shmran.net/showthread.php?t=95757 http://vb.shmran.net/showthread.php?t=95756&goto=newpost Mon, 21 Sep 2026 11:51:33 GMT يا هل الركاب اللي تقدون بسهيل أنصوا مجنبة الردى في الرفاعة ويا هل الكبوش اللي تربون والحيل أنا دليلتكم لسوق المباعة وأنا دليلتكم على وادي... يا هل الركاب اللي تقدون بسهيل
أنصوا مجنبة الردى في الرفاعة

ويا هل الكبوش اللي تربون والحيل
أنا دليلتكم لسوق المباعة

وأنا دليلتكم على وادي الغيل
يشرى جلبكم ما بعد زل ساعة

وأنا لقيت البن يا هل المعاميل
والبن جالة في العويرض زراعة

عند بن قبان اللي يهيلة بلا كيل
والهقوة أنه ما يكيلة بصاعة

جماعة بن شخيتل وافي القيل
اللي يحطون المراجل أطماعة

مانيب قايلها براعي مواكيل
بس أعجبوني بالكرم والشجاعة

قلته وانا من روس ربعا مشاكيل
اللي غدوا بعلو نجد أقلاعة

الآد قحطان كما دافر السيل
اللي ظعنهم للمعادي مراعة

محمد فراج القرقاح ]]> المنقولات الأدبية الحمدان http://vb.shmran.net/showthread.php?t=95756 http://vb.shmran.net/showthread.php?t=95755&goto=newpost Mon, 21 Sep 2026 11:50:07 GMT ماني بشايب لكن الراس شايب شايب من اللي شفت واللي يسوون اعطيتهم عمري وروحي وهايب واشوفهم مع مر الايام يقسون ناديتهم ياناس ماني بطايب ردو علي... ماني بشايب لكن الراس شايب
شايب من اللي شفت واللي يسوون

اعطيتهم عمري وروحي وهايب
واشوفهم مع مر الايام يقسون

ناديتهم ياناس ماني بطايب
ردو علي ياناس تكفون تكفون

حثو على الدرب الطويل الركايب
ولا التفت واحد من اللي يقفون

لكن عرفنا في الاخير السبايب
اعطيتهم من فوق ما يستحقون

فهد الشهراني ]]> المنقولات الأدبية الحمدان http://vb.shmran.net/showthread.php?t=95755 http://vb.shmran.net/showthread.php?t=95733&goto=newpost Sun, 20 Sep 2026 14:50:50 GMT رحلت العمر لو تخطي مرابي بلادي رجع الشوق قلبي في مرابي مضيقه منت باللي تمر ويمشي العمر عادي أنت فرصة عمر مالي عليها طريقه مت موتة غيور وعشت... رحلت العمر لو تخطي مرابي بلادي
رجع الشوق قلبي في مرابي مضيقه

منت باللي تمر ويمشي العمر عادي
أنت فرصة عمر مالي عليها طريقه

مت موتة غيور وعشت عيشة تمادي
كلها بالجروح وبالجوارح عميقه

ماعلي لو تضايق من غيابك فوادي
وجهي الزين قبله خف وهجة بريقه

ذكرياتك تمر الذاكره .. لا أرادي
عشتها لا شعورياً دقيقه دقيقه

مرني الصبح كنه عقب بعدك رمادي
فيه ظلمة شعور وفيه طمسة حقيقه

ليت وجه الزمن ماهوب لا أقبل حيادي
في وجه من تسيل العاطفيه بـ ريقه

عن شعور الغريب اللي فداله مفادي
حملته الليالي فوق مالا يطيقه

ان هدى فكره من الهم ما هو بهادي
عنده اللي يزيد الهم والغم ضيقه

بين صبر الغيور وبين ظلم الأيادي
كنت اجاهد ظلامك جهد وانا رقيقه !

غربتني الضنون .. وحركتني المبادي
وكبلتني وانا من قبل أعرفك طليقه

يا حبيبي لو انك منت غاية مرادي
كان ما شفتني في حبك أول غريقه


سمحه ]]> المنقولات الأدبية الحمدان http://vb.shmran.net/showthread.php?t=95733 http://vb.shmran.net/showthread.php?t=95732&goto=newpost Sun, 20 Sep 2026 14:47:33 GMT وإن تسلَّيتْ يا وَجهٍ يدفّ النوايب الهبايب على بال القصِيْد أجوديَّة جِيْت أدوَّر ورا جِنحك ربوع، وقرايب والديار أمحلَتْ، وظنون بالي جرِيَّة ... وإن تسلَّيتْ يا وَجهٍ يدفّ النوايب
الهبايب على بال القصِيْد أجوديَّة

جِيْت أدوَّر ورا جِنحك ربوع، وقرايب
والديار أمحلَتْ، وظنون بالي جرِيَّة

كيف أجوَّد عزومي، وأتلع الجِيْد غايب
قبل روحي تمادى بيْن جَرْح، وخطيَّة

لو أعرف القدَر عقب التعب ويش جايب
ما تعرَّضتْ.. تيار الهبوب القويَّة

يا سميّ الضيَا، ما أدري سمي الهبايب
وِش خذى منك عسَّاس الديار ضْحويَّة

يوم أوْقف لـْ عينك في وجيْه الكتايب
طِحت قدام رِمشك.. خالياتٍ يديَّه

أعرفك قبل أخلق لـ كلَّ كلمة سبايب..
من بنات الرياح -أردى وصوفك-: عبيَّة

كنت أسايرك؛ ليْن أميل فوق الترايب
وأرتمي.. ليْن أردّ أوَّل نهارك عليَّه..

ليه قلبي غدى من صوتك العذب ذايب
والهوَى شرَق، وعيون المشاوِيْر حيَّة

جعلني لا تساقيت الظمأ، والمصايب
أتردَّد على غصنٍ فدى العمر فيَّه

لو تركت الديار، ولو عقرَت الركايب
نَجد ما كانت إلَّا في حضورك عَذيَّة

رحت بينك وبيْن أوَّل حياتي: نهايب
ما معي حيلةٍ.. فـ دروْبك السرمديَّة

فالليالي شعورٍ.. يُوْدِع العقل شايب
وفي الموادع.. كلامٍ يوْرِث الكبد كيَّه

وأنت لولاك ما هلَّت عيون السحايب
ولا استمالت عصافيْرك: غصونٍ نديَّة

أتصدَّد، وأهاب من العيون النشايب
وأنت حتى عيونك.. فـ الهوَى حاتميَّة

كلّ ما قلت: يفداك الوَطن والحبايب
شفتك الدار، وحدود الوَطن، والهويَّة


محمد السلطان ]]> المنقولات الأدبية الحمدان http://vb.shmran.net/showthread.php?t=95732 http://vb.shmran.net/showthread.php?t=95731&goto=newpost Sun, 20 Sep 2026 14:44:57 GMT هين مردك للفرج يأكبر الضيق دام الليالي تقتفيها ليالي هي بس تبغى طول صبر وتوافيق وأشيل هم الناس كله لحالي وعمر المربط مايسوق المطاليق والحر... هين مردك للفرج يأكبر الضيق
دام الليالي تقتفيها ليالي

هي بس تبغى طول صبر وتوافيق
وأشيل هم الناس كله لحالي

وعمر المربط مايسوق المطاليق
والحر ماترضيه غير المعالي

ياصاحبي وإن زاد ظلم المخاليق
فلاتحسب إن الله عن الخلق سالي

والطيب يمحى العيب عرف ومواثيق
والا الخطا ماله على الطيب والي

واللي جرحني بين حدب ومعاليق
ماخفي عليك انه الى الحين غالي

يا حلمي اللي مالك اليوم تحقيق
حبك حقيقي بس وصلك خيالي

والحب يفضحني وان اخفيته يويق
وإن مامضالي بالوفا مابقالي

جرحتني مختار ياحالي الريق
واسامحك مجبور ياراس مالي

صوره ولا يحتاج الإحساس تعليق
أركض رجا ويطيح ميّس ظلالي

وان كان بيبان المشاعر مغاليق
فماهو جديد ان الزمن ماصفالي

ليت الهوى جمعه ولا فيه تفريق
أوليت ما للبعد فالقلب صالي

يا صاحبي وان شلت لك فوق ماطيق
فأنا لحالي جيت وأرحل لحالي

وهيّن مرده ينتهي كل هالضيق
وأقول للمره الأخيره تعالي


عبدالمحسن بن سعيد ]]> المنقولات الأدبية الحمدان http://vb.shmran.net/showthread.php?t=95731 http://vb.shmran.net/showthread.php?t=95721&goto=newpost Sun, 20 Sep 2026 08:05:25 GMT قبلة احساس القصيد ووجهه وميلافه
‏من بعد غبتي .. وانا الصبر الجميل وشاحي !

‏كنّ ورا صدري ' يويق الطير " من مشرافه "
‏ما لصوته غير ( نسناس الهبوب ) ملاحي

‏ما حسدت الطير في مرواحه / ومنكافه !
‏قد فلج صدر السماء ( منكافي ومرواحي )

‏كل ما هبت عليّ .. " النسمه الهفهافه"
‏(ضاع قلبي مثل ضيعة طيري وملواحي)

‏لا تلومين المشعّف ' لو يزود أشعافه
‏لاقيً له عنق ( ريميّه ) وعين ( وضاحي )

‏وجهه اليـك ، و" تباريح الحياه " ، خلافه
‏والله ان قلبه خَبل .. لكن "عقله صاحي"

‏مع مرور اللي يذوب الليل بين اكنافه
‏خلّي الصبح يتنفّس واجلسي وارتاحي !

‏في لواحظ عينك يدف الظلام أكتافه
‏الظلام اللي تقدّى به ، ضيا مصباحي !! )

‏ادفنيني تحت وبل الغيمة الشفاّاافة ..!
‏بين خمريّك .. ولمعة ثوبك التفاّحي

‏كن خصرك يوم يبسط للهبوب .. اطرافه
‏تارك(ن)له فرجة(ن) يلعب بها مسباحي

‏تشبهين الشعر حتى في ( عذوبة قافه )
‏كنّك اصبوحة بداها ناصر اِبن مناحي !!

‏ادري ان الفقد موجع وادري الحبّ آفة
‏ما أخبر انه مرنّـي .. ( تيارّه الاصلاحي )

‏وإن هلك طراد شفّه دون سعي اهدافه ..!
‏الصبر منجاي 'والعزم المكين سلاحي

‏يتعب المبدع ما يلقى فـ الحياه انصافه
‏ولّا انا قد جزت عن شفّي وجمع ارباحي ! )

‏ان خفضت جناحي يحجب القمر مهيافه
‏وان رفعت جناحي يضيق المدى بجناحي


تركي العطاوي ]]> المنقولات الأدبية الحمدان http://vb.shmran.net/showthread.php?t=95721 http://vb.shmran.net/showthread.php?t=95720&goto=newpost Sun, 20 Sep 2026 08:02:49 GMT دعت سمر الجدايل وانتخت بالقذلة الهلة تبي مني عروس للقصيد ازريت لاغويها ويوم اني لقيت لها الخلود وجيت ابوصل له تنحرك الكلام اللي فهقها دون مغليها... دعت سمر الجدايل وانتخت بالقذلة الهلة
تبي مني عروس للقصيد ازريت لاغويها

ويوم اني لقيت لها الخلود وجيت ابوصل له
تنحرك الكلام اللي فهقها دون مغليها

خضع لك راس مسبوق القصايد وانحنى كله
وانا بك شاعر الدنيا ومشغلها وماليها

يذكرني رحيلك مجلسٍ باقي على حله
مداهيل الرجال اللي تنومسنا مواطيها

هنا سليت سيف يوفي الثارين من سله
هنا علقت رمح يطعن الجوزا ويطفيها

هنا بيّنت مصحفك الكريم ودلنا دله
معك نبدا مواعيد الكلام وننتهي فيها

هنا ساقيت غصن من غلا كنا تحت ظله
نسولف بالغنا يا بايع الدنيا وشاريها

هنا كان الرجال جبال ما تقبل خنا الزلة
عمايمها سحابٍ وابله باقي مواظيها

رجالٍ لو تشوف الما غدر ما شربته لله
نبت عشب الرضا يا سيدي بأول مغازيها

هل التوحيد وكنوز العلوم ونصرة الملة
رجالٍ يضحك التاريخ لولها وتاليها

هنا ماضيك ورياض الخليل اللي رعى خله
شربنا عذبها مدري لعبنا في مغانيها

هنا تخنقني العبرة وانا اكتب يا رسول الله
على قبرك نسيت الناس حاقدها وحانيها

وابو قبرٍ يتيه من الفخر بالبيد وتجله
على حسدٍ تبين من سمايمها وصاليها

و يهناك الوفا قبرٍ يضمك في ثرا تله
ما دامه بين فردوس الجنان وبين منشيها

وانا لامن ذكرت فراقك اللي في يدي غله
نسيت ان الليالي شيبتني من بلاويها

على بعد الزمان اللي يعقد الحبل ويحله
ليامني ذكرتك طاحت الدمعة وراعيها

سلام الله ما هز الصبا نسرينه و فله
على الطفل اليتيم اللي عطى الدنيا معانيها


خالد العتيبي ]]> المنقولات الأدبية الحمدان http://vb.shmran.net/showthread.php?t=95720 http://vb.shmran.net/showthread.php?t=95719&goto=newpost Sun, 20 Sep 2026 08:00:28 GMT ‏بنت مروين الأسنّة جلاليب الأجل ‏يوم للموت اصطفاقة وللحدب ألسنة ‏ردي السود المظلّة عن الخرس النجل ‏خلّي الشاعر يهجرس من الشعر أحسنه ‏فيك شي... ‏بنت مروين الأسنّة جلاليب الأجل
‏يوم للموت اصطفاقة وللحدب ألسنة

‏ردي السود المظلّة عن الخرس النجل
‏خلّي الشاعر يهجرس من الشعر أحسنه

‏فيك شي من الغواية وشي من الخجل
‏للقلوب الجاحدة والقلوب المومنة

‏لاقيٍ بك ما لقى السامريّ مْن العجل
‏فتنةٍ تجرح يقين النفوس الديّنة

‏لو تمرين العما الأصقه العيّ ارتجل
‏كيف باللي به من القاف حمّى مزمنة
‏
‏في طرف سيفك زمام وطرف عاجك حجل
‏أما أنا فيني من الشوق شعر وشيطنة

‏تقعد عيون القصايد رجل على رجل
‏كل ما خليتها في بهاك مزيّنة

‏قلتي أنت تحبّني من ضمير و قلت أجل؟
‏غيرك أصلاً ميّت القلب منهو يفتنه!

‏أتركينا نلتهي في محبتنا لأجل
‏ما يغافلنا الزمن والزمن ما نضمنه

‏عاد لا جا بيننا بعد ضحكتنا وجل
‏ الهوى من يوم ماكان هذا ديدنه

‏أنتي إنثى عالميّة وأنا رَجل رَجل
‏والمقاشر بيننا مْن الأمور الممكنة

‏ازعلي وإن طوّل رضاك أنا ماني عَجل
‏يوم ولّا اسبوع ولّا شهر ولّا سنة

‏واخذي اللي جاك منّي يحاضيه السجل
‏ واتركي باقي القصايد تراها دندنة

‏الله اللي لمنا مع بعض عزَّ وجَل
‏مستحيل إنه جمعنا لقصة محزنة


سلطان الحوالي ]]> المنقولات الأدبية الحمدان http://vb.shmran.net/showthread.php?t=95719 http://vb.shmran.net/showthread.php?t=95704&goto=newpost Sat, 19 Sep 2026 14:24:09 GMT أسفي علىٰ بنت الكرام أراها
بلباس فاسقة تتيه خطاها

مالي أراها تقتدي بخليعة
وتذوب في أفكارها ورؤاها

باتت تظن العري يرفع قدرها
يحكي ثقافتها لمن يلقاها

في نصف متر أقبلت وكأنها
بنت الكهوف بفقرها وعناها

أترىٰ المصانع أقفلت أبوابها
أم أن سعر المتر قد أعياها؟

أم هكذا شاءت شياطين الهوىٰ
فتفننت في نزع ثوب حياها

ويكاد يقتلني الشعور بأننا
مسحت هويتنا وضاع سناها

ما إن بيوت الغرب تطلق صيحة
إلا وبنت المسلمين وراها

يا بنت خير الناس أنتِ عليّةٌ
هل يتبع الأعلى خطا أدناها

أنسيتِ والقرآن يتلىٰ أن من
يتتبع الأهواء يعصي الله

في قلب أمك من لباسك غصةٌ
ذبلت لكثرة ما بكت عيناها

وأبوك لو يدري لمات فُجاءة
ينهىٰ النساء وبنته ينساها

زيدي جمالك يا أخية بالتقىٰ
قد أفلحت من [ثوبها] تقواها

وتشبهي بالصالحات لتنعمي
بالأمن في الدنيا وفي أُخراها

للشاعرة السعودية ألأحسائية ليلى العصفور
(أم مصعب) ]]> المنقولات الأدبية الحمدان http://vb.shmran.net/showthread.php?t=95704 http://vb.shmran.net/showthread.php?t=95703&goto=newpost Sat, 19 Sep 2026 02:05:56 GMT يا رب وأنت أقرب من السمع والصوت تبصر شعور اللي يخونه كلامه أنت الملك والمُلك لك والملكوت الكون كونك وأنت محكم نظامه علّقت فيه الأرض يا ذا... يا رب وأنت أقرب من السمع والصوت
تبصر شعور اللي يخونه كلامه

أنت الملك والمُلك لك والملكوت
الكون كونك وأنت محكم نظامه

علّقت فيه الأرض يا ذا الجبروت
وسخّرت للإنسان طيب الإقامه

رب البحر والموج والدر والحوت
والريح والبر والشجر والغمامه

ما فيه علم من ورا علمك يفوت
وما فيه أمر إلا بيدك زمامه

جيتك وذنبي حمل وإيماني القوت
في وحشة الدرب القصير وظلامه

عمري تحت أمرك مقدر وموقوت
زدني حلاله واغنني عن حرامه

أعوذ بك من كل مرجف وطاغوت
قدري لـغيرك لا تنزل مقامه

انا احبك وادعي بكل ما أوت
قلبي من احساس الخجل والندامه

اذا بديت انساك ذكرني الموت
والنار والجنه ويوم القيامه

؟؟؟ ]]> المنقولات الأدبية الحمدان http://vb.shmran.net/showthread.php?t=95703 http://vb.shmran.net/showthread.php?t=95702&goto=newpost Sat, 19 Sep 2026 00:51:04 GMT قلت أشتري لي كتاب واقراه يا ذاك
واصبح مع العالم مثقف وفاهم ⁦

ودخلت في المعرض وانا كلّي إدراك
وعينت لي ثنتين ⁦ يسعد مساهم

قالت لي آمر قلت ما يامر عداك
ودي بكلمة راس معتس أتفاهم

قالت تفضل قلت مطلوبي اعفاك
أبي لي كتابين محد(ن) قراهم

قالت وش اسمك؟ قلت لبيه نافداك⁦
اسمي سعيد … ان كان ماني بواهم

قالت مضيع؟! قلت ماني بلا هناك
أحيان أضيع ناس وأنا وراهم

قالت عان ⁦الي تدوّر له هناك
روّح وتلقا كتبك الي تباهم

قلت أي كتب؟! الله يحفظك ويرعاك
ما عاد للكتب طاري ولاهم

أنا ما عاد أبي هنا غير لا ماك
أنتي الثقافة والدواء والمراهم

قالت تشوف ابو شنبات هذاك
هذاك ساق المهر فيني دراهم

قلت أي واحد ؟ قالت المعترض ذاك
ألّا ويا دافع البلا من بلاهم

مصيبة لو يربطونه بأسلاك
طق الشبوك وجاء البعير يحداهم ⁦

قلت الحقيقة كنت في مزح ويّاك
أبتس العرب ما عاد يمزح معاهم

الباب وينه ؟ قالت الباب من ⁦ ناك
واتلى العهد بعيونه في قفاهم

سعيد الأكلبي ]]> المنقولات الأدبية الحمدان http://vb.shmran.net/showthread.php?t=95702 http://vb.shmran.net/showthread.php?t=95691&goto=newpost Sat, 19 Sep 2026 00:18:11 GMT ابيات مميزة عن الوطن للشاعر طاهر العشماوي https://share.google/5n1XFPGU5I100fAVz ابيات مميزة عن الوطن
للشاعر طاهر العشماوي

https://share.google/5n1XFPGU5I100fAVz ]]> المنقولات الأدبية الحمدان http://vb.shmran.net/showthread.php?t=95691 http://vb.shmran.net/showthread.php?t=95685&goto=newpost Fri, 18 Sep 2026 18:54:16 GMT يا حليل الجيب لا ثور غبارة واحتمى الشكمان تسمع له صفير سايقة مع قو باسة به شطارة ما يهاب من الملف لو هو خطير لا تذكر صاحبه بأول نهارة فز... يا حليل الجيب لا ثور غبارة
واحتمى الشكمان تسمع له صفير

سايقة مع قو باسة به شطارة
ما يهاب من الملف لو هو خطير

لا تذكر صاحبه بأول نهارة
فز قلبه من ضلوعة تكل طير

عشقة بإثنين واعطاه الزبارة
يوم فز مع الزبارة يبي يطير

وناوله بالثالث وغير مساره
وريّحه والسير تسمع له صرير

من غباره ما تبين إلا الغمارة
دايسٍ رجله فالبنص إلى الأخير

أجنبيٍ وإنتحى به عنه دياره
داعج العينين ملبوسه حرير

تذبح العشاق بهروج القمارة
كم صبي بالهوى يزفر زفير

ليه يالمجمول تخطي والأمارة
يوم قلت الأجنبي حبلة قصير

ما دريت إني من رجال النمارة
به ذبيح بدربهم وإلى كسير

أوصلك لو حط من دونك خفارة
أوصلك وآطى على راس الخفير

منيف المنقرة ]]> المنقولات الأدبية الحمدان http://vb.shmran.net/showthread.php?t=95685 http://vb.shmran.net/showthread.php?t=95684&goto=newpost Fri, 18 Sep 2026 18:52:47 GMT ريحة اللي فوقها جرار العطر مكتوتة تنتظر عرّيسها من الصالة يسرّيها وكن سواقه إليا ناش الأبنص ببوته يزهم أطيب بني عمه يحتمي تاليها ينطلق مثل... ريحة اللي فوقها جرار العطر مكتوتة
تنتظر عرّيسها من الصالة يسرّيها

وكن سواقه إليا ناش الأبنص ببوته
يزهم أطيب بني عمه يحتمي تاليها

ينطلق مثل إنطلاقة الطلقة المزتوتة
من فم اللي ما يغش عيارها راميها

ناصٍ اللي ما يحط الطيب في تابوته
وراس علوم المراجل كلها حاويها

ما تقوبع عن مواجيب النشاما كوته
محتزم ويعشي الضيفان ويغديها

من رجالٍ يوم دوب الرجل يلقى قوته
ضيفها يشكر محاسنها ولا يشنيها

معه رد رسالةٍ محروفها معموتة
من بدر شامان جتني والله يحييها

ساق لي فنجال دلة مادحها المزغوتة
كال طبختها وزودها وقهوانيها

ويشتكي فيها عليا من هواء البنوتة
بيحت سدة بنية بدوٍ مهاويها

والهواء بالوقت هذا سيرته مقتوتة
والسوالف فيه ما عاد احدٍ يدانيها

مير بدر أبيض وجه ما سمعته مشلوتة
ودام هذي حالته ما عاد هو ناسيها

بنت بدوٍ للمختخت ما هي بختخوتة
ينقطع حبل الرجاء منها بيد راجيها

إحمرار شفيها مثل إحمرار التوتة
والجمال اليوسفي من ربها كاسيها

بالجمال محاصرة وبغبته مغبوتة
من تسريحة راسها لأخمص قدم رجليها

محفيٍ ورا دورة ضعون أهلها سبوتة
ويتحرا فرصةٍ عيا الله يهييها

البدو ما تمرح وتصبح وهي مبغوتة
بلش بدر بعودهم وبنته وأخيها

رجلهم عكروت فطنة والمرة عكروتة
يذبحون الذيب دون الشاة قبل يجيها

يقنت صحيبك يا بدر وسر نجوى قنوته
يطلب الله طلبةٍ يآمل به يلبيها

جعل دار أهل عشيرك ما تعيش نبوته
ودارك الله من نزول البدو لا يخليها

ولالك الا ترك جروى الفرصة المسحوتة
رح لأبوها دايركت وقل تراي أبيها

وان عطاك ايها يملك لك عليها الهوتة
والمعونة والمة يا بدر وأعطيك اياها

لافي الغيداني ]]> المنقولات الأدبية الحمدان http://vb.shmran.net/showthread.php?t=95684