|
رد: فوق هام السحب ( الشعر الشعبي) على متن القوافي
يا عين وين احبابك اللي تودين؟
اللي ليا طاب الوطن ربعوا به أهل البيوت اللي على الجو طوقين عد خلا ما كنهم وقفوا به منزالهم تذري عليه المعاطين تدري عليه من الذواري هبوبه عهدي بهم باقي من السبع ثنتين قبل الشتا والقيظ مل امحسوبه فلت جهامتهم من الجو قسمين الزمل حدر والظعن سندوا به يبغون مصفار من النير ويمين الله لا يجزي طروش حكوا به قالوا من الوسمي نباته ليا الحين ومن تالي الكنه تملت ادعوبه شيالة الكايد على العسر واللين والى وطاهم موجب رحبوا به زاد التشا معهم بليا مواعين وإن شافوا الضيف المطرق عدوا به والى تريض يذبحون الخرافين ومن زاد بيت الله تفرش عصوبه والى عطوا يعطون روس البعارين وإن فات منه مشي ما حسبوا به عبدالله بن سبيل |
رد: فوق هام السحب ( الشعر الشعبي) على متن القوافي
البر دجتـه و البحـر رحـت يمّـه
أدرج سبب حظ علـى الله مساعيـه يوم إن ولد اللاش رزقه علـى أمـه رزقي على اللي ميّت القشـع يحييـه مانـي وانـا بنـدر ببيـاع دمــه يقطعك يـا بيّـاع دمّـه و مهفيـه اللـي يبيّـع لابـسـات الأزمــه ثور يبي بيـض العماهيـج تغنيـه يزعل ليا جـت ليلـة الـدول يمّـه يرضى بسوق المال بأخيـه و أبيـه خطو البخيـل اللـي يكبّـر معمـه يقرا الكتـاب و واجـب الله مخليـه أما هـرج لـه فـي رفيقـه بنمّـه والا عطا و أمـه تضيّـع هقاويـه يا مل قلـب كـل مـا مـات همّـه دارت دواليب الدهـر ليـن تحييـه فـرّاق شمـل النـاس عيّـا يلمـه وقتن يشيب الراس من شايـة فيـه أحدن ينـام و حـط راسـه بكمـه و أحد تخم النـوم عينـه و تخطيـه و أحدن يحاول بالردى بنـت عمـه و أحدن يحاول ستر عـذرا عوانيـه تخالـف الأنظـار شرقـن و يمّـه كلٍ هدف رايه من النـاس مرضيـه أنشـدك ياللـي كـل شـي تتـمـه تقرا الكتاب كـل فـرض تصليّـه ويش القليـب اللـي عميـق مجمّـه ما سرّ غرسه ماه عطشـى سوانيـه سم السبب يا عارفـن عنـه سمـه سم السبب يا عارفـه قبـل اسميـه والله يـا لا لا كلمـة قيـل ذلّيـت لاترك مقاصى اللاش نقص و مهونة لا شك ضرّاب المثـل بـه تقدّيـت من حرّك المجنـون ناطـح جنونـه بندر بن سرور |
رد: فوق هام السحب ( الشعر الشعبي) على متن القوافي
من عادة الوقت لامن خاب يوجعنا
ومن عادة الصمت يحكي كل مافينا واصدق دروس الحياه اللي تعلمنا دنيا قصيره تضحكنا وتبكينا ذائقة |
رد: فوق هام السحب ( الشعر الشعبي) على متن القوافي
الموت هين والبلى وش ورا الموت
عند الحساب يهون سهم المنايا باكر نموت وتصبح قبورنا بيوت وعقب القصور لضيقات الزوايا في جوف الأرض وكل من حولنا سكوت وتعاقبن بالقبر عوج الحنايا يارب يامنجي نبيك من الحوت سترك وعفوك يوم كشف الغطايا باكر ليا جينا على داعي الصوت شيبان واطفال وشباب وصبايا ندعى وحنا بين باكي ومبهوت رحنا لها ننقاد مثل السبايا يارب تهديني قبل لحظة الموت وتغفر ذنوبي ياكريم العطايا أشكيك هم داخل الصدر مكبوت وايامي اللي بالخطايا ملايا ان لاذ بك من كان ضايع ومبهوت في من يلوذ المرتكب للخطايا يارب ياقادر على كل طاغوت لاياقف اللي وحدوبك خزايا رحماك لامنا صحينا من الموت واليا وقفنا عند بابك عرايا سعد بن الهماش العاصمي |
رد: فوق هام السحب ( الشعر الشعبي) على متن القوافي
ياسلام الله على أميـر وأمـارة عسيـر
عد هبـاب الـذواري وهتـاف المـزون ياحسين الخُلق والخلق ياصافي الضميـر ياجمل زومـان بـزال حمـران العيـون بأسم أهالي بيشه أحمل لك الـود الوفيـر والجماعة كـل أبوهـم عليـك يسلمـون ياطويـل العمـر لا دعوجـي ولا خبيـر ناشيء مستور ماني من اللـي يشتكـون والحوايج والنوايـب وتحديـد المصيـر تدخل الرجال من حيـث ربعـه يدخلـون واقعي خلاني انشر عبـر موجـة الأثيـر شعر وانا ليس شاعـر ولاهـم يحزنـون يالأمير ان سني صغير فأن أملـي كبيـر فيك يامـن فيـك كـل القبائـل يأملـون جايك اطلب بوي عطنيه تكفـى يالأميـر وش يطيق أبو ثمانين من ريب المنـون بويه انقى من حمام الحـرم لـو مايطيـر لاتصدق فيه راعـي النمايـم والظنـون فيه مافي ذيب يوسف يصير أو مايصيـر ياعوين الذيـب وأبـوي دائـم يتهمـون أرحم الله يرحم أبوك وأفعـل فيـه خيـر وأعف يابو كف بيضاء وبو قلب حنـون أكسب أجري وأجر غيري وجير المستجير عزك الله من مزبن وعزك مـن زبـون فرح أخوانـي وفـاج البواكـي بالبشيـر لا تحزن بأمهـات الطرابـش والقـرون الله اللي بيـده الخيـر والشـر الشريـر مايعـذب أهـل بـلاد وهـم يستغفـرون مادام انه يستحي مالـك الملـك القديـر لابكيتك خلص العود من عـوج الشبـون لاتخلـي بـوي دون النبشتـي السديـر والملف يدور بيـن المحافـظ والسجـون والـولـدوالعود والعـلـم الأول والأخـيــر ملك أياديك الكريمات جعلـك مـا تهـون دمت لي يادايم السيف ولغيـري نصيـر والسلام ختـام واللـي يريـد الله يكـون محمد بن ثايب الشهراني |
رد: فوق هام السحب ( الشعر الشعبي) على متن القوافي
يافهيـد لاحقـران والله ولايــاس
أدري واعرف إنك تسـد اللزومـي مير أنت تقطع راس مع تركبة راس مثلي بهـا الدنيـا تطيـح وتقومـي ونصيت رجالٍ معه فهـم واحسـاس قد صارع الدنيا وسـاق السلومـي قد صارع الدنيا على كـل مقيـاس قبلي وقبلك فـي بحرهـا يعومـي وليـا تعـذر مابعـذره لنـا بـاس قبلت عـذره والحشيـم محشومـي كـم واحـدٍ ثنـا واياديـه يـبـاس عود على ظنـه يعـض البهومـي تاره يقول أصبر على مر الإفـلاس يوم ان ماعمري خلقـت معدومـي وتاره يقول اصبر ترى الصبر نوماس وترى الهزيل اللي يلـوم ويشومـي مير الحظيظ اللي غنيٍ عـن النـاس عن مدحت الطيـب وذم الرخومـي هذا يرص عروق كبـده بمهـراس وهـذا يعديـه السمـا والنجومـي وهذا يحطه مثـل عنتـر وجسـاس وهـذا عليـه مفتحـات الثلـومـي هذا كلام اللـي مجـرب وحسـاس ماجا على الحروه يبيـع ويسومـي يامعدن الوجـدان ياطيـب السـاس يكفيك من عرفـي قلايـل علومـي ترى الرجل ستره حياتـه والالبـاس كم حاجة تخفي نظرهـا العزومـي وكم من غناةٍ نورها عيـن لمـاس تورث وحايشها يمـوت محرومـي داست عليه وراح مكتـوم الأنفـاس عليـه عمـدان الحوايـم تحومـي وكم طيبٍ رده عن الطيـب هـلاس قـد نكلـوه مخرميـن الخشومـي جحادة المعروف مكيـال الانجـاس مثل الرجـال ولا عليهـم وسومـي عسى فناهم فنية الملـح بالطـاس اللي عليه النـار تلحـق بشومـي مكيول ماه من الهماليـل بالكـاس مكيول من صافي حـدار الغيومـي الشاعر سبيل الحربي |
رد: فوق هام السحب ( الشعر الشعبي) على متن القوافي
ياصاحبي هانت عليك المحبه
لاوحسايف عقب هاك المواثيق جمر الغضا في وسط قلبي تشبه نارٍ حطبها يابسات المعاليق كاسٍ مليته بالوفا لاتكبه خلّه يبلل بالوصل يابس الريق صبّه بقلبي ثم ملّه وصبّه وان كان ودك غرق القلب تغريق دام الهوى راسي وراسك يهبه خذ سجّةٍ ترى زمانك توافيق ترى حلاة العمر مع من تحبه شخص تريد من جميع المخاليق ََ |
رد: فوق هام السحب ( الشعر الشعبي) على متن القوافي
طعنة الرجال من كف الصحيـب
فالوقوع اشد مـن طعنـة عـدو واشجع الطعنات في وجه الحريب واجبن الطعنات طعنـات القفـو وانت ياللي صرت فالهقوه قريب هقوتي مشـوار وقرًيـب بـدو! لو ملكت الشعر ولسان الخطيـب وشانت الاخـلاق ماقالـو كفـو ما تفيد الارض ياسيـل الجذيـب لو ثمان ايـام تحشوهـا حشـو! عارفيـن الليـل مبـداه المغيـب وعارفين الصبح جـلاًي الغشـو مايعدل الكيف فنجـال السريـب ولايمده راعي اسلـوم وغـزو! وان غطسنا في تجاويف القليـب يفـرق الاوزان قانـون الطفـو! ظلم ابوعداي واطمـاع الصليـب اودعت صدام في وسـط القبـو مير تب قدام يجرفـك الشعيـب واطلب التوبه ويشملـك العفـو! |
رد: فوق هام السحب ( الشعر الشعبي) على متن القوافي
سريت ليل الهوى لين انبلج نوره
امشي على الجدي وتسامرني القمرا طعس وغدير وقمر ونجوم منثوره انفاس نجد بها جرح الدهر يبرا يا نجد الاحباب لك حدر القمر صوره طفلة هلال وبنت اربع عشر بدرا حبيبتي نجد عيني فيك معذوره معشوقة القلب فيها للنظر سحرا فضة شعاع القمر في نجد مسحوره منشاف لمع قمر في خدة سمرا الأمير خالد الفيصل |
رد: فوق هام السحب ( الشعر الشعبي) على متن القوافي
ياليل خبرني على أمر المعاناة
هي من صميم الذات ولا أجنبيه هي هاجس يسهر عيوني ولا بات أو خفقه تجمح بقلبي عصيه أوصرخه تمردت فوق الاصوات أو ونة وسط الظماير خفيه أوعبرة تعلقت بين نظرات أو الدموع الى تسابق هميه أعانى الساعه وأعانى مسافات وأعانى رياح الزمان العتيه وأصور معاناتى حروف وابيات يلقى بها راعي الولع جاذبيه ولاني بندمان على كل ما فات أخذت من حلو الزمان ورديه هذي حياتي عشتها كيف ماجات آخذ من أيامي وأرد العطيه الأمير خالد الفيصل |
رد: فوق هام السحب ( الشعر الشعبي) على متن القوافي
عزاه يا نفسٍ هواها جبرها
كما جبر حر الظما مفْخِت الجيش ورّد عدود القوم ناسٍ خطرها يوم استغاب ويبّسن النشانِيش من حر لا هوبٍ بكبده سعرها شيّء عواره ينهش الكبد تنهيش هنى مرتاحٍ حياته شكرها من نشوته ما تل قلبه ولا نيش نفسه ليا عاسم هواها قدرها عن المحبة ناقلٍ قلب درويش ما ذاق لذات النفوس وكدرها ولا عذبنه ناقضات العكاريش نجل العيون اللي ملاحٍ صورها اللي غلاهن فتش القلب تفتيش إن لجلجت لك في سهاوى نظرها والهرج منها بالاشارة تناويش إن صافحت زم النهد عن نحرها وان شاهدت تجذبك خرس مراييش والله لو قلبك يقاسي صخرها إنّهْ هو المبسوط والين من الريش كل اللوازم سجها واختصرها نسى الوصاه وصار بالفكر تشويش والله لو له حاجة ما ذكرها وليا ذكرها فايته قال حتيش داوى بسكراتٍ على الله خبرها شهد تساقاه القلوب المعاطيش شهدٍ حلاته من عرفها ذكرها غيره دوا لمعذب القلب ما ميش في ساعة عند الثنين محضرها تسوى وتكفى عن جميع المعاويش اللي بنفسه كلمةٍ ما قصرها من الراس ما يحتاج كز المطاريش دارت مشاريهٍ بعيدٍ ضررها فتنات غيظٍ من قلوب هشاهيش أول دعاويهم كبارٍ عبرها من عظم وجلاهم تصور مداهيش وتالى دعاويهم تساهل قشرها بعذرٍ ونهتٍ حمش الكبد تحميش ليت المحبة ما تغير سيرها وإن الهوى يحجب عن النذل والديش يُفتَك من ناس غلطهم دمرها صاروا بها غزو مديد حواشيش مرشد البذالي |
رد: فوق هام السحب ( الشعر الشعبي) على متن القوافي
قال الشاعر محمد العوني
في مدح الملك عبدالعزيز يوم وقعة البكيرية: مني عليكم ياهل العوجا سلام وأختص أبو تركي عما عين الحريب يا شيخ باح الصبر من طول المقام يا حامي الوندات يا ريف الغريب اضرب على الكايد ولا تسمع كلام العز بالقلطات والرأي الصليب لو إن طعت الشور يالحر القطام ما كان حشت الدار وأشقيت الحريب إكرم هل العوجا مقابيس الظلام هم درعك الضافي إلى بار الصحيب عينك إلى سهرت يعافون المنام غشٍ لغيرك وإنت لك مثل الحليب لي عسكر البارود واحمر القتام وتلافحت بأذيالها شهب السبيب والله ما يجلي عن الكبد الملام إلا الموارت يوم يأتي له نحيب ومصقّلات كنها نوض الغمام بحدودها نفرق حبيبٍ من حبيب اجونا وجيناهم كما دولة نظام يوم (البكيرية) وخبرك بالشعيب يا كاسب الطولات طير الجو حام والذيب جر الصوت يدعي كل ذيب أبطا عليه القوت واحلولا الطعام يبغي طريه مل من كثر الغبيب تم الجواب اللي نظته والكلام غرايبٍ يطرب لها القلب اللبيب |
رد: فوق هام السحب ( الشعر الشعبي) على متن القوافي
البارحة عيّن عيوني ينامن
واليوم من بعد السهر وضعهن سيّ من كثر ماهن للصباح يتحرن نجضت قلوب امواقهن والحدق ني ان جا ظلام الليل رسل العنا جنّ وقضيت ليلي بين آمر وناهي مرسال ينهاني عن الشك والظن ومرسال يامرني بفتنة هل الغي مدري اطاوع منّ واعصى على من اصبحت ما اخذت القرار النهائي متحيرٍ ما بين ما ابدي وما اكن كني مصدق شي ومكذبٍ شي واللي نبي ما هو على ما يبن هن واقول ما هي هي لو انها هي مغير اعيد الذاكره واتفطن في حاضري واللي فعلته بماضيّ ليا عاد ما بي ما يقولن الالسن ما ادري مثورة الفتن وش تبي بي كلامهم خلى ضلوعي يلجن لجة مخاليلٍ لواها العطش لي وردن على بيرٍ به العام شربن وجفت رواته ما بها ريحة المي ما غيرهوّ من الموارد يخبرن وتحارجن فوقه على حاجر الطي ومن غربة الحاصل عظامي تثننّ عجزن يشدني عن الارض رجلي واللي ذهل عقلي وخلاني انجن خطية الميت يعذب بها حي الميت اللي مات مبطي ولا دفن جنازته بلوى ومن ناشها بلي وان قلت هذا كيف كان وتكوّن سجل علي اكثر من اللي غدى لي مالي سوى صبرٍ على سالفة هن لونها تجرح وتذبح وتكوي فرحان بن دبل العنزي |
رد: فوق هام السحب ( الشعر الشعبي) على متن القوافي
مفتوح باب الرجى لو هب مليون ريح
والريح ماتاخذ الغرسه من عروقها القوس مكسور والرامي يقوم ويطيح والسهم منعاج والايام خازوقها لو لبسو ساقط الهرجه ثياب المديح قلنا سحابة وبلة يابس حلوقها ياحادي الركب لا توده عليه وتصيح ماعاد هي سالفة ليلى ومعشوقها مديت شوفي وشفت الكون رحب وفسيح والارض حدر المواطي والسماء فوقها مادام عين الرضا ماها هماج وشحيح ابتبع الغيمة اللي رفة بروقها مدري عن المقبلة لكن عسى الله يبيح اللي تهز القلوب وهزني شوقها غنيت للحب ولسان المحبة فصيح والبدو سبة غناها ضيقة خلوقها باكر يروح الشتاء والثلج قصره يسيح مايفضح الثلج غير الشمس وشروقها متعب التركي |
رد: فوق هام السحب ( الشعر الشعبي) على متن القوافي
توديع الأحباب مثل الموت له سكره
ادمى جروحي وشق الصدر منيـّا والقلب طير ضلوع الآدمي وكـره لا شاقـه الطلـع لاسلـم ولاحيـّا مصير الأحزان تنسانـي وتفتكـره ماكل الأيام بيض وسمحـة محيـّا لو في يدي شي ماقلت الوعد بكره حزمت حدب الضلوع وقلت لك هـيّا متعب التركي |
رد: فوق هام السحب ( الشعر الشعبي) على متن القوافي
انشد عـن الرجـال قبـل تناسبـه
واحسب له الف حساب قبل تحاسبـه حـذرا تناسـب واحـد علـة نحـر تبلش معه ويحوسـك وتنحـاس بـه راعـي الدراهـم لا تقـوم تـدوره دور على طلـق الحجـاج وناسبـه واخطب لبنتك قبل تخطـب لوْلـدك رجـل يناسبهـا وهــيّ تناسـبـه ترى مهـر بنتـك نسيـب محتـرم ماهـو بمـال تحسبـه فالحاسـبـه المال يفنـى والنسـب يبقـى ذخـر يبقى على طول السنيـن يقـاس بـه فاظفر براعي الدين يامـال الشحـم اهم شـي الديـن ثـم السـاس بـه فان كانـه يصلـي الفرايـض كلهـا ومعرب ساسه ولا حـدٍ سـاس بـه فادعـه ورحّبّـه ودســم لحيـتـه واكسب نسب شرواه واكسب كاسبـه كل يبي يكسب نسـب عطـر النبـا اللي يشوش الراس له والـراس بـه وان زدت من مالك فـلا بـه بايـره البايـره لا تنقطـع الانفـاس بــه وتحط نفسـك فـي مكـان مشتبـه مايجلـس العـراف والجـلاس بـه تملي عليه شـروط بيـع ومشتـرى ويضيق به ثوبه وخـط انكـاس بـه وتحملـه حمـل مايقـدر يحمـلـه حمل ثقيـل تنقطـع الاكيـاس بـه ماتدري ان مخذك مهر بنتـك غلـط وآخير من رجواه قطع اليـاس بـه وآخير مـن مجلاسهـا فـي بيتهـا قدام راسـك لا يطيـح الفـاس بـه فـان شفتهـا تجمـح ففـك عنانهـا في صيهـد مـادوج العسـاس بـه خلهـا تعيـش معـززه ومكـرمـة الناجحـة ماهـي بمثـل الراسـبـه ولا تحـاول تشتـرك فـي رزقهـا رزق المره لا تشغل الهو جاس بـه لا تطمـع الا فالنسيـب وفالنـسـب كـبّ الطمـع فالنسبـه المتناسـبـه المنسب الطيب مثـل مـوج البحـر ولا الـردي مثـل الميـاه الراسبـه هـذاك درعـك فالشدايـد والرخـا وهذا عـدوك والبـلا والبـاس بـه وهذاك لا احتجتـه خسـر مايملكـه وهــذا وراك يــدور لمكاسـبـه والواحـد اللـي مايعـرب منسـبـه تلقى المرض والهم والوسـواس بـه عرق النسب دساس من ماضي الزمن ماينفـع التعديـل والهنـداس بــه فاحرص على الناموس والعلم العـلا مادام راسـك حـي والنومـاس بـه طيبك يزيد الطيبيـن مـن العـرب وردا نصيبك تفـرح الانجـاس بـه وآخـر كـلا مـي كلمـة باقولهـا فـي كـل جمعـا طيبـة ومناسبـة عرِّب نسبك وخـاف ربـك واتقـه وانشد عـن الرجـال قبـل تناسبـه سعد بن عبدلله بن شفلوت |
رد: فوق هام السحب ( الشعر الشعبي) على متن القوافي
يا الله يا غفار سهّل لنا كل الصعاب
فكّنا من كربةٍ مظلمٍ سردابها مالنا غيرك ملاذ ولا دونك حجاب يرتجيك الخلق عنوانها وأحبابها حيِّ يا قيوم أنا بأسألك بأم الكتاب حاجة في كامن القلب وإنتَ أدرى بها اعفو عنا يا مجير النبي من العذاب واعفو عن أمة محمد فهو وصّى بها د.عائض القرني |
رد: فوق هام السحب ( الشعر الشعبي) على متن القوافي
قالوا حبيبك يسمع الشعر قلت أيه
يقراه بعيوني قبل تسمعونه لولاه حتى طاري الشعر ما ابيه مير أكتبه من شان خاطر عيونه هو روح شعري وأمنياته وماضيه جذع الشجر وش كان لولا غصونه اكتب لغيره والقصايد تجي فيه كن القصايد حالفه ما تخونه هذاك لا منه زعل قمت أهاديه حتى وهو مخطي تعذرت دونه يمكن لو أنه يلمس الجرح بيديه يستغرب ان اللي لمسها طعونه ابطى وهو غايب وزلت حراويه وأنا من العام آتحرى مزونه هو مادرى اني في غيابه محاتيه ليته نشد عن حالي اللي يجونه واقلبي اللي توه أفلت عراويه كيف انسرق وضلوع قلبي حصونه عجزت أرده كان ماني براعيه يوم انتثر شوقه وهاضت شجونه يبسن عروقي لكن اللي يعزيه ان اكثر العالم تردد لحونه خافو من الله لا تجيبون طاريه لا صرت أنا موجود لا تذكرونه لو كل غالي جابه الله لغاليه ما شفت لك مخلوق تبكي عيونه متعب التركي |
رد: فوق هام السحب ( الشعر الشعبي) على متن القوافي
لا صرت ماتمشي مع الناس محتاج
ولا جاك في بيتك من الناس ديان ولا شلت في جيبك مواعيد وعلاج هذي غناة ٍ . . ماتقدر بالأثمان |
رد: فوق هام السحب ( الشعر الشعبي) على متن القوافي
تصبح الدنيا بعيني كبر حجم الذرّه
لا أمست أمي راضيه وأبوي ممسي راضي وأنبسط وأشوف نفسي صرت تاجر مرّررره لا أمتلى المجلس ضيوف وشفت جيبي فاضي من تعنّا لي لحاجه ودي بما سرّه عيب القّي وجه من جاني كتوف إعراضي ومن عرفني زين يعرف موقفي ما غرّه حُسن فعلي معتني به قبل حُسن الفاضي ما الحق المقفي ملام ومستحيل أتشرّه والخطا لا جا من الغالي ماني متقاضي أدّعي من قلب للّي كافينّي شرّه وأنسجم لا صرت أمارس صدّة المتغاضي يمدحون الصمت في نفعه ماهو في ضرّه وكثر ترديد الكلام أشوف ماله حاضي العمر ماهو يكرّر ،، ماهو إلّا مره حاضره ما ياخذ إلّا ذكريات الماضي ولا يعومس خاطري واونس بصدري حرّه غير من جلسة خوانٍ عند ركبة قاضي سعد بن عدال |
رد: فوق هام السحب ( الشعر الشعبي) على متن القوافي
للوقت في وجه المعنا علامات
لو يستضل اضلال دارٍ مريفه وشعيل يركي للحمول الثقيلات وابو الخفيفه يرتكي للخفيفه والذيب في روس القذال المنيفات يرفع قنيبه فوق راس المنيفه لو يلحس ذراعه من الجوع هيهات ما دنق براسه على لحم جيفه محمد بن دوحان |
رد: فوق هام السحب ( الشعر الشعبي) على متن القوافي
ياطول صبري على الدنيا وسود الليال
دنيا ياتركي عجزت اشوف معروفها ألد عيني جنوب وحاجتي فالشمال عيت تهيا وعيت تسمح ظروفها والله وانا ابوك مافيني صبر واحتمال أشوف عوج العرب ماكني اشوفها ماهو ردى يوم اصد عن العلوم الهزال لولا زحول العرب ماحشمت ضعوفها ليتك وانا ابوك تفهمني على ايات حال وتعرف مراسيلي لك وتفهم حروفها في خاطري علم كنيته سنين طوال مخفيه عن عاقل العالم وملقوفها قضيت عمري طرب قدام لا البس عقال واثر الليالي تدس السم في جوفها في فية اللي مدرسني علوم الرجال عودن معه مانقص مخباي مصروفها عقب ماقفت ركابه واعلن الارتحال نفسي عقب مارحل ماتبرد حسوفها عساه في بارد الجنه وحسن المآل روحن عسى الله يأمن فالحشر خوفها كبرت وانا طموحاتي سوات الجبال وتطوفني معظم الاحيان واطوفها قبل احسب ان الليالي ماتبي وسع بال وان المخاليق فيها تاصل شفوفها وعقب دريت انها شمس قفاها الزوال سردا تغر العرب باطراف نفنوفها قنعت منها ورجواي بعزيز الجلال ابا السلامه من الدنيا وصادوفها للساعه اللي ليا حانت مافيها جدال واحسرتي لاعصف بالروح عاصوفها يالله رحمتك لاودعت قبر هيال واصحابي من الغباين تصفق كفوفها يالله رحمتك لاوديت قبرن هيال وأصحابي من الغباين تصفق كفوفها حنا ضيوف على الدنيا نشد الرحال لولا المعازيب غير تودع ضيوفها |
رد: فوق هام السحب ( الشعر الشعبي) على متن القوافي
يا زمان العكس قلاب الأمور
ما بقت إلا عشيشات النّسور والهوى بادي وخلخال الخنا سوقه النّادي وطبّال يدور كم تبدّى النّصح في ردّ الجسور ربّنا الدّاري وسمّاح غفور قل لنسناس الهوى خلّ المزور بالنا لاهيّ عن كلّ بزور خلّي ذكراك وأرباب النهى أين ذاك الدهر من هذي الدهور ما رأينا الشكر وأفاد النّصب خلّها ترعى ودع عنك الغرور قال لطبّال الهوى بعده نزول خلّ عنك الخدع صيّادك غيور قد رمتك النّفس في ريح الدّيور بحرها طامي وغدّاق الأمور كم سراب ظنه الظّامي سرور خاب مسعاه على غيّ وزور كان لي حزم على شيخ الوفا يسلف الوافي بقولٍ كن حذور من زمان يملك العزّ النَّفور صفوه مرّ وغربانه نسور حقّق الدّهر لنا ماضي السّلف ورماة الوغد طالت بالزعور صرت برقاً خلَّباً ماله جنا وإن محى رسم الهدى تحت الخدور يا ليالٍ وزّت عبداً بزور لونها قاني ورؤياها غرور تدّعي دعوى ودعواها قصور خاب مسعاها ولمّمات الحجُور قد بدا نور الهدى منّا وعمّ وانجلى بحر الرّدى عنّا مرور وأثني الله مولّينا النّعم من حيا الأرض بجريان الغدُور علي بن محمد الشحي الإمارات |
رد: فوق هام السحب ( الشعر الشعبي) على متن القوافي
لبيت تخفق الأرواح فيه
أحب إليّ من قصر منيف ولبس عباءة وتقرّ عيني أحب اليّ من لبس الشفوف وأكل كسيرة في كسر بيتي أحب إليّ من أكل الرغيف وأصوات الرياح بكل فج أحب إلى من نقر الدفوف وكلب ينبح الطرّاق دوني أحب إلي من قط أليف وبكر يتبع الأظعان صعب أحب الي من بعل زفوف وخرق من بني عمي نحيف أحب الي من علج عليف خشونة عيشتي في البدو أشهى الي نفسي من العيش الطريف فما أبغي سوى وطني بديلا وما أبهاه من وطن شريف ميسون بنت بحدل الكلبية |
رد: فوق هام السحب ( الشعر الشعبي) على متن القوافي
ياشاكي علي دنياك شبعــــــان من دنياي
لا تشكي علي فيني همـــــــــــوماً تكفيني دخيل الثنين أرفق علي قبل أجيب اقصاي تراني فقدت أغلى رفيقــــــــــــــاً يواليني فقدت العضــــــــيد اللي احطه على يمناي حزام الضفر في حزة العســـــــــر والليني تصــــبر على بلواك وأصــــبر على بلواي أنا لو ما أكتم عبــــــــــــرتي من يناحيني وأشوف الخلل والحـزن مِثر على ممشاي وأصدد وأجــــــــامل لين بان الخلل فيني اقضّي نهاري بالمشـــــــــاوير رايح جاي لكن البـــــــــلاء مع غيبة الشمس ياتيني يغيب الشــــــــفق ويبيّن وآنا على مركاي ما غير اتزفر وأمســــــح الدمع من عيني محمد بن شايق |
رد: فوق هام السحب ( الشعر الشعبي) على متن القوافي
على الهون .. يازهرة شبابي وتو الناس
علام العمر يمضي ، والافراح منسرقه تلّج الطواري . . كل ماذعذع النسناس على واحدٍ بين العرب . . واضحٍ فرقه شعور المسافة بين حبل الرجا والياس شعور المسافر ، كل ما طالت الطرقه |
رد: فوق هام السحب ( الشعر الشعبي) على متن القوافي
بين عسرين المواقف وذربين المقال
لا تجي مثل الهزيمه بوجه المشتكي مافتحنا المجلس الا لجزلين الفعال وكل شغموم لجور الليالي مرتكي وش تبي بالكلمه الناقصه يابن الحلال ومنطقٍ يشره عليه الغبي قبل الذكي ماينزّل قيمة الرجل ف عيون الرجال غير طرّاد العذارى وطرّاد الحكي |
رد: فوق هام السحب ( الشعر الشعبي) على متن القوافي
تعزّيت*أهوم*الصبر*والصبر*مـا*أطيقـه
عيونـي*مـن*الفـرقـا*شِقـاهـا*يْلاحقْْـهـا ألا*يا*عيوني*مـن*طِـوى*الهـم*والضيقـه إلى*أقبـل*سـواد*الليـل*هلّـت*غوَارقهـا أنـا*إنْتَـلّ*قلبـي*وانْصَـرم*مـن*معاليقـه جِـزَع*وانْمـزع*والـروح*شبّـت*حرايقـهـا ألا*يـا*وجـودي*وَجْـد*مـن*قِــلْ*توفيـقـه غــدا*لــه*ذِهـيـبٍ*جـرّتـه*مــا*يْعتّـقـهـا علـى*جـادلٍ*كِـنْ*الكواكـب*عشـا*ريقـه تهاوى*القمر*والشمس*من*فوق*عاتقها عليـه*أشقـر*منْقـوض*تسبـح*دوَاليـقـه علـى*نهْدهـا*المركـوز*والنهـد*خانقهـا ألا*وَاهني*من*صـام*وافْطـر*علـى*ريقـه شَهَـر*مـن*زمانـه*عندهـا*مــا*يْفارقـهـا عسى*مزنةٍ*من*عَصْـر*تكشـف*بواريقـه عليهـا*يْحـوّل*الطيـر*مـن*قــوْ*بارقـهـا تـحـدّّر*عـلـى*نِـفْـدٍ*هَـوَايَــه*مشـاريـقـه جنوب*الشعيب*وشرقها*الجال*فارقها تجي*غبّها*الريضـان*تضحـك*زماليقـه حَـمَـارْ*وبَـيَـاضْ*زاهـيـه*جَــلْ*خالقـهـا مداهيـل*عنقـا*يشكـي*الضيـم*عشيقـه يسومل*وروحه*عاصف*الحـب*طارقهـا حمد المغيولي |
رد: فوق هام السحب ( الشعر الشعبي) على متن القوافي
الا وا عنايه كل يوم وانا دوار
الاواعنايه والنضا واعناهنه ادور ذهيب عنه لايذة الاخبار هذاه الشتا وهوه غدى العام في الكنه وانا يوم اقوله غادي لي ثلاث بكار ابكار تحالا في الوبر كلهن سنه ولاياغرير مرني تالي النهار يماري بشقر فوق جيبه رجدهنه علىاللي سوات البيض تحت اللباس اصغار ولا ردهن للورع يرضع ثمرهنه وعرضت السلام وقال بالله ياخطار عليكم عزيمه والعرب في سنعهنه وقلت ال خويي ويش عندك من الابصار تبانا نمر النزل والا يتعدنه وقال العشي يمديك والدرب عنه يسار وحنا على اللي رقرق الحزم يطونه انا فوق ريمه وانت فوق اشقر زعار يفزن من ظل العصى ما يداننه حداني خويي جعل خده طعام النار وعسى ابوه ما يعرض على بارد الجنه ولا ياعيون إ بكن وهلن بالاعبار على ظامر السرجوف هلن عبركنه على واحد ماسار في ساير الاقطار عديم الوصايف لا بعد راح تنسنه وانا حالف ما انساه لو هو بعيد الدار ونحني اخطايه عنه واخطاه ينحنه وطيته غياب الشمس فوق النضا مرار وعجلاّبي العيرات واقفن ما جنه عبد المعين بن ثعلي |
رد: فوق هام السحب ( الشعر الشعبي) على متن القوافي
يا ناس راعي المحبة لا تعذلونة
مهوب عن صاحبة دالة ولا سالي لو يسهر الليل كلة لا تلومونة الحب بلوى مانيب اول ولا تالي لى صاحب ما قطعت الياس من دونة لو غاب عني خيالة دوم يبرالي الصاحب اللي سحر هاروت بعيونة ودي بشوقة ولكن ما تهيا لي يا هيف الخصر عيني فيك مفتونة والبعد ياصاحبي ما يرخص الغالي الروح يا صاحبي بحماك مرهونة عزي لحالي عقب فرقى هوى بالي ياكود وصلك على مثلي ويا هونه ان كان حالك طواها اللي طوى حالي عن غيرك القلب غسلتة بصابونة والعين ما تلتفت فى كل الازوال ما يجرح القلب كود فراق مضنونة ابطيت ما ارسلت لي يازين مرسال أجر صوت جميع الناس يوحونة غديت مثل المصيح بالخلا الخالي أحمد الناصر الشايع |
رد: فوق هام السحب ( الشعر الشعبي) على متن القوافي
الله اكبر ياحمام من صلاة العصر ناح
وانشغل قلبي معاه لاجزاه الله بخير الله اكبر يوم ناض طار ورفرف بالجناح ودي اتبع ساقة الراعبي وازريت اطير ودي اتبع ساقته بالمقيل وبالمراح شوف عيني بين هاك المباني يستدير واهنيك بالمــسا ياحمام وبالصـباح كل يوم تشاهد الترف ملهوف الضمير ياحمام الورق قل للغضي سيد المــــــلاح عن ذهابي قل لزين الوصايف يستخير وصف خده بارق الوسم من منـــشاه لاح يوم شعشع زاد نور البلد عقب الاخير والعيون عيون خشف(ن)تربى بالبيــــــاح كل ما هبت نسيم الهبايب يستذير يامريح القلب قلب المولع ما اتســـــتراح تقل يجذب للهوى في سلوك من حرير اتضيم واتهضم وانا مالي صــــــــــــلاح واتقلب طول ليلي مثل وصف الكسير ياهلي لولا الهوى كان اطنب بالصــــياح عقب فرقا الترف ماادري وش الدنيا تصير كن بعيونه لراع الهوى زرق الرمـــــاح هو خطر واللي تولع معه قلبه خطير أحمد الناصر الشايع |
رد: فوق هام السحب ( الشعر الشعبي) على متن القوافي
سالفه مشهوره ..صارت في ديوان الأمير ابن رشيـد..
وهي سالفه علوش بن ظويهر..من قبيله عنزه هذا الله يسلمكم علوش كان في مضافه بن رشيد ..وفي احد الايام..وكان الديوان مليان..من الرجاجيل والضيوف..وهو يقول بن رشيد صاحب الديوان.. القهوه..وهم يقومون الصبيان يدورون على الضيوف..ويقهونهم..وش وي وهو يوصل الدور لابن ظويهر..ويومه شرب الفنجال وهو ما يعجبه..وهو يكبه وراه.. في اللحظه هذي شافه بن رشيـد وماعجبه فعل بن ظويهر..وهو يقول له.. وش نوحك سفيـت الفنجال ياعلوش يعني وراك كبيت الفنجال..: قال ..ابد طال عمرك مالي نظر في القهوه اليوم..طبعا هالكلام ما اقنع الشيـخ..قال له ابداً انت لك يومين عندنا..وتشرب من قهوتنا وش نوحك اليوم.. والمهم وهو يضغط عليه بالكلام..الين ماقاله علوش..ابد طال عمرك بس قهوتك صايده اليوم..قال بن رشيد..وش يعني صايده..وهو يلتفت على اللي جنبه وهو يسألهم وش رايكم بالقهوه..وهم يقولون ابد طال عمرك ماذقنا اطيب من قهوتك المهم..وهو يسأله بن رشيد وش هي صايده قهوتي..قال ابو عوف طال عمرك..ابو عوف هذا اكبر من النمله ..ويسمونه القعيس بعد ولا مختار الصحاح طبعا الامير ما عطاه بال ولا صدقه..ويومه علوش شاف السالفه كذا وهو يقوم ويقول رقبتي لك رهينه طال عمرك اذا ماكانت القهوه صايده ابو عوف.. وهم يروحون يكبون الخمره الدله الكبيره اللي مسوين فيها القهوه.. وهم يحصلون فيها ابو عوف..وهو يستغرب بن رشيد قال وشلون عرفت.. وهو يقول علوش..ابد طال عمرك القهوه صار فيها طعم حموضه من ابو عوف.. والله وهو يروح بن رشيد وهو يسأل الصبيان اللي عنده كم بقى له بن ظويهر في المضافه عندنا..وهم يقولون له يوم والا يومين..وهو يقول لهم لا تخلونه يمشي..ابيه.. المهم وهو يروح الامير ويسأل اللي عنده ويقولهم وش اللي لو خلطناه في القهوه مايبين؟؟؟ وهم يقولون له ورق العرفج..وهو يأمرهم انهم يحطونه في القهوه اللي يتقهوى منها علوش ويومه تقهوى وهو يسأله بن رشيد ها ياعلوش.. تتطعم بقهوتنا شين..وهو يقول ايه طال عمرك القهوه صايده ورق عرفج هذا والله النشبه: ويروح بن رشيد ويسأل ربعه نبي شئ ما يعرفه..المهم وهو يقولهم يحمسون فنجال محروق وفنجال ني..ويخلطونهم ويسوون القهوه منها..وهم يسألونه وهو يقولهم بها طعم نياه وطعم حراق.. المهم وهم يفكرون بشئ مايكشفه..وهم يحطون الراك..قشر المسواك..وهو يسأله بن رشيد ها يا علوش تطعم بقهوتنا شئ..وهو يقوله ايه طال عمرك..بها طعم مسواك.. وهو يقوله بن رشيـد تدري ياعلوش..كل ماشفت الهلال مثل الباكوره في القبله وجهك واشوف يعني تعال عندي.. وترى كل ماينوب قهوتك ومعاميلك علينا .. وكان من التواجديـن محمد الذويبي من حرب وهو يقول هالقصيده... تستاهل الكيف الحمر يابن وايل انت الذي تستاهل الكيف كله اللي نقدته وسط ديوان حايل لولاك ياعلوش محدن فطن له بدلال من يقعد صغا كل عايل الضيغمي ريف الايدين المقله الضيغمي مردي المهار الاصايل يامنقطع في ساقته من سجله يابن ظويهر مابها قول قايل تستاهل الفنجال لا جا محله ياناقد الفاقد بحكم الدلايل ياريف هجنٍ والمزاهب مقله ربعك بني وايل مذاد القبايل اهل الجموع الراسيه والمظله زبن الدخيل اللي تواطاه طايل الجمع دونه والرمك منكهله |
رد: فوق هام السحب ( الشعر الشعبي) على متن القوافي
ياسعد عينك بالطرب يا حمامه
ياللي على خضر الجرايد تغنين عزي لعينك وان درى بك سلامه خلاك مثلي يا الحمامه تونين كسر عظامي كسر الله عظامه شوفي مظارب شوحطه بالحجابين يقول انه مروحينه عمامه الله يغرب ديرته اصفر العين وان كان ودك بالطرب والسلامه عليك بالفرعه ديار الوداعين تنحري ربعن تفك الجهامه فكاكة القالات بالعسر واللين دخيلهم ما احدٍ على الحق ظامه ولو هو فقير الحال ما يلحقه دين مويضي البرازية المطيرية |
رد: فوق هام السحب ( الشعر الشعبي) على متن القوافي
ياالله برزقً مادرى عنه مغتاب
ولاحال من دونه خبيث السريره يقضي لوازمنا ويفتح لنا الباب على الحياه المزهره والمنيره وينسي المحتاج موال الاتعاب ويقف مواقيف البطل في المغيره عبدالله بن حصين |
رد: فوق هام السحب ( الشعر الشعبي) على متن القوافي
ليت الردي يحبس بسجن الحكومه
من شان ماتكثر علينا ( الهملّط ) تلقى العفن في كل حفل وعزومه وعش الطيور بمجلسه و(المقلط ) كم منصبن عالي وراعيه بومه لاتنصدم بالناس حزمة ( جحلط ) اللي مايقضي لابن عمه لزومه وشهوله بصدر المجالس.( يقلط ) زويد الهويملي |
رد: فوق هام السحب ( الشعر الشعبي) على متن القوافي
يا كثر ما نعطي ..ولا ننتظر رد
وننسى عطايانا .. ليا من عطينا قلوبنا : ما تعرف الحقد ، والصد ونطيب فـ اللي .. ما يطيبون فينا ونحبّ لكن فـ المحبّة .. لنا : حد ! لا وصلّت .. حدّ الكرامة .. مشينا وان ضاقت الأيام .. نوقف لها ند نضحك لها من قبل تضحك علينا. عبادي الزهراني |
رد: فوق هام السحب ( الشعر الشعبي) على متن القوافي
يالله بذكرٍ مجيد وطول عمرٍ مديد
واعوذ بك من عثا الطرقه ودرك الشقا واقسم لي الخير والخيره وعقلٍ رشيد واغفرلي اللي مضى لـ العمر واللي بقا عبدك واناجيك يالاقرب لـ حبل الوريد من ضنك دنيا الفنا لـ جنان دار البقا انا من اللي خطاياهم تبيد الحديد وانت اكرم الاكرمين وهقوة اللي هقا |
رد: فوق هام السحب ( الشعر الشعبي) على متن القوافي
طبـع*الـردي*مايحـسـن*الـظـن*فالـنـاس
لانـــه*يـحـسـب*الـنــاس*مـثـلــه*رديــــه ولـيـا*سـمـع*لــه*كلـمـةٍ*جــاه*وســـواس قــال*انــت*تقصـدنـي*وهـرجـتـك*فـيــه قـلـه*عـســاك*ابـخـيـر*مـاجــور*لابـــاس انــتـــه*مــريـــض*وعــلــتــك*بـاطـنــيــه فهيد الرويس |
رد: فوق هام السحب ( الشعر الشعبي) على متن القوافي
لا صرت وافي خصال وراعي مروه
وعندك فراسه تميز طيّبها الجاوي عليك باللي صفا جوك. على جوه طبٍّ لجرح. الخوي. يرفاه ويداوي اعرف صفات الخويٍّ ومقدّر الخوه لاتنخدع في زمان يخلف الراوي ابن عامر البدارين |
رد: فوق هام السحب ( الشعر الشعبي) على متن القوافي
من بغى فزعة رفيقه في نهار الشده
لا يقصر في لزومه لا بداله حاجه من حفظ قدر الرجال الرجال تعده لاوطاه الوقت يبشرمايضيق حجاجه الوفاء عند العرب ..عودٍ يذعذع نده باقيٍ دام الجمايل. نارها وهاجه مع هل المعروف كفك بالجمايل مده بالوفاءوطيب العلوم الغانمه ومواجه ضيف الله أباالعون |
| الساعة الآن 01:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية