رد: فوق هام السحب ( الشعر الشعبي) على متن القوافي
 

مانيب قايل على خيبتك تستاهل
ولاني مداري مشاعرك ومخدرها

اقول يمكن فهمت الدرس ياجاهل
كبّرت هقوتك في اللي مايقـدرها


عبدالله الطلحي

رد: فوق هام السحب ( الشعر الشعبي) على متن القوافي
 

لا تهقــوى وأنت تـوك فالبدايه
بالمسـافه تفرق الخيل الأصيله

الوعـــد لا قربن خــــط النهايه
لرتخا عزم الكديش و مات حيله

ولو تسمــي ما تجملك السمايه
الضعيف ضعيف لو يكثر حصيله

حط وجهك قــــدم برواز المرايه
وشف عيوبك والفتى نفسه دليله


جري بن عبيد

رد: فوق هام السحب ( الشعر الشعبي) على متن القوافي
 

‏من أول الصحه و انـا نـطرد المال
طرد السراب الي تــسوقه عوالي

واليوم أناوالمال نطرد ورى الحال
الـي تناحت صــحته مـ الـزوالـي

دنيـاك هـذي بيـن راحـل و نزّال
ولا بـد من بـعد النّـزول ارتـحالي


عبدالله الشلوي

رد: فوق هام السحب ( الشعر الشعبي) على متن القوافي
 

علم اللي يجهل الطيب لا يفتح فمه
لا يحسب إن المراجل كلامً يسرده

حي راسً ماأرتخا بالشدايد محزمه
ومن نصاه بعسر الأيام يبشر بسعده

مع مسار الطيب ثابت ولازل قدمه
وارثً طيبه وربى على الطيب ولده

نعرف أن الطيب يستاهله من قدمه
ومن زرع حب الردا مجبر إنة يحصده


جري بن عبيد

رد: فوق هام السحب ( الشعر الشعبي) على متن القوافي
 

لا تواضع للوضيع يضيع قدرك

مأنت مجبورٍ على بعض التواضع

مساعد الرشيدي

رد: فوق هام السحب ( الشعر الشعبي) على متن القوافي
 

اكبر مشاريه العـرب بين قوسيـن
يشتالـها اللي مايعـرف النصيحـه

خبلٍ لسانـه فالسواليـف شبريـن
واكبـر منـه مقـدار راس الذبيحـه

إن كان مالك فالجماعـه محبيــن
راسٍ بدون متون ماسّرع مطيحـه

وأن كان مانت فاللوازم حمر عيـن
تبـا تمــوت ولاكسبـت المديحـه


لاحق العضياني

رد: فوق هام السحب ( الشعر الشعبي) على متن القوافي
 

الهقاوي فالعرب تبغى شطارة
لاتقول ان السّمي يشبه سميّه

فيه ملحً في محلات التجارة
وفيه ملحً في رصاص البندقية


......

رد: فوق هام السحب ( الشعر الشعبي) على متن القوافي
 

إلا ليت حظـي ماعطانـي مقفاه
ياليت لي حظن مع الناس يغني

حدتني الليالي لين وصل الصبر اقصاه
ولا به رفيقََ مـن همومي ‎يسليني


......

رد: فوق هام السحب ( الشعر الشعبي) على متن القوافي
 

ترا كثر الحكي يرتبط مع قل الافعال
متى ما كثر حكي الرجل قلت فعوله

والى منك بغيت تعرف لك طبع رجال
شف اللي يفعله خل عنك اللي يقوله


محمد المقحم

رد: فوق هام السحب ( الشعر الشعبي) على متن القوافي
 

لا عاد تتوجد على فايتٍ فات
الفايت اقفى لا تحرى رجوعه

دنياك لو فيها جميع الملذات
عشيقها لابد يذرف دموعـه

واخير ما فيها صيام وصلوات
ونفسٍ بما ربي عطاها قنوعة


......

رد: فوق هام السحب ( الشعر الشعبي) على متن القوافي
 

أحـبه محبت من تولـع بحـب الـذود
تدابك خطاويها على صوت صاحبها

وأحـبه محبت شايبن لأخر العنقـود
تمكن غـلا بنـته في قلبه ويلاعبها

وأحبه محبت من ذبحها غلات العود
تلبي على زوله وعلى حس شايبها


سعد الشليّه
‎

رد: فوق هام السحب ( الشعر الشعبي) على متن القوافي
 

صدور الرجال اللي غدت للهموم قبور
تجرّا على الصعبات والهم ناقلته

قبول السّعد في وجيه اهلها يزيد النور
ليا جاهم اللي سود الايام خاذلته

تقول انهم ناسٍ يعيشون دون شعور
لا نسيوا مشاكلهم علشان مشكلته

وغياب الخوي اللي خذا له ثمان شهور
تجاهلت تاثيره وانا ما تجاهلته


نايف

رد: فوق هام السحب ( الشعر الشعبي) على متن القوافي
 

ترى صدورنا مهيب قطعة من الصمان
يجيها الـمطر ويروح فيها ولاحـاجة

نمرر خطأ من بـاب تـقـديـر للاخـوان
ونشوف النوايا تالي الوقت منعاجة

الاصحاب شانو والزمن يارفيقي شان
تشوف الرجل يصبرعلى الغبن واحراجه

ووقت الزعل مانحسب فلان والافلان
ندوس الردي بالرجل ونوقف ازعاجه


بندر بن خربوش

رد: فوق هام السحب ( الشعر الشعبي) على متن القوافي
 

لا تـقولـون الـزمن مهـوب طيّـب
الزمن طيّـب لكن النـفس طـابت

والله ان الراس من وقتـي مشيّب
الشوارب واللحى يا اخوك شابت

الدروب الـمرهقـة صـارت قـريّب
والـظـنـون بـكل خلـق الله خـابت

كلما هفهف على صـدري هبـيّـب
قلت نفسي من طروق الود تـابت


بندر بن خربوش

رد: فوق هام السحب ( الشعر الشعبي) على متن القوافي
 

عزي لحال اللي تعلق بالاوهام
يبغى الخلاص ولالقى له طريقة

يهرب من الواقع وتتعبه الاحلام
حجم الألم بالحلم مثل الحقيقة

مهما يجيك من المآسي والآلام
حاول تجود في الحبال الوثيقة

واعلم ترى ربٍ هدانا للإسـلام
ماهو مكلفـنا بمالا نطيقه


عبدالله الطلحي

رد: فوق هام السحب ( الشعر الشعبي) على متن القوافي
 

ي ذئب ياللي غرك الكبر والطيش
ماينفعك باسك وقو القطاعه

حاول تواضع واترك الكبر وتعيش
وتقول لهل الطيب سمعن وطاعه


زايد بن محيا

رد: فوق هام السحب ( الشعر الشعبي) على متن القوافي
 

ريحضميرك وأترك القيل والقال
وأبعد عن اسباب المشاكل وترتاح

ماأنته بمكلوف بتعديل الاحوال
ومالله خلقك لمخطي الناس مصلاح

بعض المشاكل تااكل لحال والمال
دوامة من طاح في بطنها راح

أنصح مادام النصح يلقى له إقبال
وأبعد مادام الناس ماتقبل أنصاح


جري بن عبيد

رد: فوق هام السحب ( الشعر الشعبي) على متن القوافي
 

الفجر يسأل عن صفوف المصلّين
يـَ مقاطعين الفجر ليش القطاعه

إلى متىَ يا غافي القلب والعين
ما كنّ عندك للصلاه استطاعه

لو قيل لك موتك بعد يوم يومين
ما ظنّي بتغفي ولو ربع ساعه

بتصلّي يا مسلم أو بتنتظر لين
تموت وتصّلي عليك الجماعه


ابو فهد

رد: فوق هام السحب ( الشعر الشعبي) على متن القوافي
 

احتاج لك يا نبض كلّ الشرايين
مسكين قلبٍ ما يشوفك غناته

انت الحياه اللي فقدها الكثيرين
من صدّ عنّك وش يبي في حياته


ابو فهد

رد: فوق هام السحب ( الشعر الشعبي) على متن القوافي
 

ياخوي نفسك لا تبيّن زعلها
لا جتك زلّه من رفيقٍ قريّب

هاذي هي الدنيا وهاذولا اهلها
راس الولد منهم تشوفه مشيّب

لـ قراب لو تخطي عليك احتملها
العفو مهما كلّف الأمر طيّب

والله يحاسب كل نفس بعملها
لا تنشغل مع كل ناقص وخيّب


ابو فهد

رد: فوق هام السحب ( الشعر الشعبي) على متن القوافي
 

ليت المجالس ما اتعدا ثلاثه
كريم وسنافي وراعي حميّا

وياليتها تفقد وجيييه الخباثه
حسود ومنافق وراعي قفيّا


......

رد: فوق هام السحب ( الشعر الشعبي) على متن القوافي
 

مايطرح الإنسان ويهد حيله
إلا شعور اليأس لامن تولاه

خل الهموم تقول مافيك حيلة
تلقاك دايم محسن الظن بالله


عبدالله الطلحي

رد: فوق هام السحب ( الشعر الشعبي) على متن القوافي
 

حط القدم من فوق روس الافاعي
وعمرً بليـــا عز وش ينبغابه

واللي رضى بالهون عمره ضياعي
ان عاش ولامات محدً درابه


تركي العريدي

رد: فوق هام السحب ( الشعر الشعبي) على متن القوافي
 

حافظ على اللي ينفعك في حياتك
وأحرص على اللي بعدموتك يفيدك

تراء السعاده في حياتك صلاتك
والحسنه اللي سجلت في رصيدك

زوّد رصيدك قبل تعلن وفاتك
الموت لو طال الزمن في وريدك

وخل التواضع والوفاء من صفاتك
أبليس لا يضحك عليك ويصيدك


......

رد: فوق هام السحب ( الشعر الشعبي) على متن القوافي
 

كبـار البـلاوي تبتلي والزمـول تـشيل
عـوايد ومـن له وقـفـةٍ مـا يـخـلـيها

اليا شبّها الجاهل وبلشو بها العقّيل
فـرجها على الله والله اللي يـسويـها


......

رد: فوق هام السحب ( الشعر الشعبي) على متن القوافي
 

ترا من يغرّك مظهره ينكشف خافيه
سرابٍ ضحاضيحه على البعد كذّابه

يجي عند ظنّك واحدٍ ماهقيته فيه
ويخيب الرجا فـ اللي منوّل تهقوابه


هزاع الغميسي

رد: فوق هام السحب ( الشعر الشعبي) على متن القوافي
 

من عـاف وصلي جا يـدور وصالي
غـره زمـانه واعـذب الشعر بحينه

لا طاح من عين الغلا شخص غالي
والله ما يرجع لو فقــد شوف عينه


عبدالعزيز بن قالط

‎

رد: فوق هام السحب ( الشعر الشعبي) على متن القوافي
 

عديتهم واجد من الجزل للعيص
عرفـي لهم خلاني غصب اتوجه

الخوة الذربه للاصحاب ترصيص
كم صاحب ٍ يطربك لو فيه رجه


عبدالعزيز بن قالط

‎

رد: فوق هام السحب ( الشعر الشعبي) على متن القوافي
 

اثر المواقف فحصً دايم للأصحاب
تعطيك عن صاحبك تقرير كامل

اما صحيبً صحبته ضحكة الناب
ولا صحيبً فالمواقيف صامل


مشعل عيد البقمي

رد: فوق هام السحب ( الشعر الشعبي) على متن القوافي
 

انا لو بغيتك كان كلّك ثمان حروف
لكن تالي اسمك ردني منك يا فرقا

اداري خواطر روس قوم تحب النوف
على شان سمعتهم على المعتلي ترقا


......

رد: فوق هام السحب ( الشعر الشعبي) على متن القوافي
 

جدك بناله مجد بالرمح والسيف
مير انت وش سويت ياذخر جدك

لاتقطع الفرجه ولا تكرم الضيف
ولا عدو اهل الطيب محدٍ يعدك


ذائقة

رد: فوق هام السحب ( الشعر الشعبي) على متن القوافي
 

سقى الله ذاك الوقت الاول وذاك الجيل
يوم إن القلوب نظاف والناس مجتمعه

يوم إن الحيااه القااسيه بين حط وشيل
زماان الوفااء والطيب والجود والفزعه


عبدالله مشاع

رد: فوق هام السحب ( الشعر الشعبي) على متن القوافي
 

مالوم عيني لو بكت فايت فات
على الذي حالن الأقدار دونه

يومه يسير بالشهر خمس مرات
وإن جاء يوادعني تذارف عيونه


......

رد: فوق هام السحب ( الشعر الشعبي) على متن القوافي
 

الخوه الخوه الله يرحم الخوه
ويرحم قبور الرجال اللي تقدرها

شيمه و فزعه وخفة نفس ومروه
صعبه على الجاهل اللي مايدبرها
'

فهد بن شعلان الاكلبي

رد: فوق هام السحب ( الشعر الشعبي) على متن القوافي
 

ياالله ياللي كل شين على يدك
عمري ورزقي والشقا والسعاده

يارب تسعدني بساعة مشاهدك
وتجعل ختام العمر نطق الشهاده


جلال بن عون

رد: فوق هام السحب ( الشعر الشعبي) على متن القوافي
 

ضعاف النفوس اللي تتبع لك الغفلات
قصار اليدين اللي جداها مايسقيها

سوات الثعالب ماتحصّل ياكود فتات
بقايا عشاء سرحان يمكن يعشيها

عليها السواد موشحتبه ُجمل وأشتات
وعليها من الله حقها اللي يكفيها


مرزوق الصبحي
‎

رد: فوق هام السحب ( الشعر الشعبي) على متن القوافي
 

مايحرج الرجال مثل ابن عمه
لاصار لاش وعنه تنشده الأجناب

يمدحـه عند الناس وإلا يذمه
وإن قال مدري قالوا الناس كذاب


عبدالله الطلحي

‎

رد: فوق هام السحب ( الشعر الشعبي) على متن القوافي
 

لا صرت لي مشتاق لاتستحي قول
تدري حلاة العشق يذبح من الشوق

هذا انا لااشتقت شفني على طول
بأعذب بيوت الشعر جريت طاروق

......

رد: فوق هام السحب ( الشعر الشعبي) على متن القوافي
 

يمناك لو خانت مع الوقت يسراك
‏محدٍ يسرك غير مدت يمينك

‏لو تنبت الدنيا ذهب تحت ماطاك
‏ماينفعك في الآخره غير دينك

‏عبدالله بن شايق

رد: فوق هام السحب ( الشعر الشعبي) على متن القوافي
 

ياسنا الفضه وياجيـد المهـات
ياشذى نبت الخزامى في وطاها

قلت كن بوجنتـك زهـر النبـات
قالت ان الرمش يجرح لي صفاها

......