رد: اخترنا لكم
 

يا ليت الزمان يعود بي لاول المشوار
‏قبل لا تقص أحداث الأيام تذكرتي

‏وتاخذني الدنيا عن الدار وأهل الدار
‏غريبٍ يضج بغصّتي همس حنجرتي

‏شعوري شعور التايه المرغم المنهار
‏آعرف آوّلي لكنّي آجهل وش آخرتي

‏أنا اللي بعد زود الغلا والسلام الحار
‏تنازلت لعيون المها عن مكابرتي

‏يابنت المطر مالك مصدٍ عن الامطار
‏من الغيم ولا من نسيمه تعطّرتي

‏عرفتك وانا نفسي صبوره على الاقدار
‏قبل تختبر صكات الاقدار مقدرتي

‏ماعاد آعرف من كثر ماني معك محتار
‏تغيّرت انا ولا أنتي اللي تغيرتي

‏يا شين الخطايا يوم تكبر مع الاعذار
‏تروحين كنك مخطية ما تعذّرتي

‏كلام العيون يبرر الواقع اللي صار
‏عطاك الزمن عدة خيارات واخترتي

‏ورحتي وأنا من يوم رحتي غريب أطوار
‏من الضيق صرت آدور في نفس دايرتي

‏يا ليت الكلام اللي حبسته ورى الاسوار
‏مجرد رسايل عالقة في مذكرتي

‏على كثر ما كانت ليال الوصال قصار
‏على كثر ما كانت طويلة بذاكرتي

.....

رد: اخترنا لكم
 

‏نمشي ولانعلم خفايا المقادير
‏يالله عسى في غيب الأيام خيره

آمين

رد: اخترنا لكم
 

‏ماني زيادة عدد بين الحضور
‏مالي منافس تأكد يا غلاي

‏لو تلف الكون كله لو تـدور
‏ما تلاقي مثل طهري أو وفـاي

.....

رد: اخترنا لكم
 

‏لا تتلف الروح لجل الناس ترضيها
‏وهمّ ولا يوم سوّوها على شانك

‏والله ماتندم على الدنيا ومافيها
‏لو تعرف الوقت من موتك لنسيانك

.....

رد: اخترنا لكم
 

‏بـعض الكلام أسرار لا صار تلميح
‏مثل المعانـي بـالـقصايد غـريقـه

‏وبعض السكوت طعون من غير تجريح
‏تـكـشف خفايا الـناس لـو هي عميقـه

.....

رد: اخترنا لكم
 

عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

.....

رد: اخترنا لكم
 

‏سمح خاطري واستثقل الصبر والمقعاد
‏لو انك الوحيد الفارع وصفوة الصفوه
‏
‏مراحي جهاد ورجعتي لك عنا وجهاد
‏بدا غافل الايام يصحى من الغفوه
‏
‏برود المشاعر شاخ بين القلوب وساد
‏ماعاد اعرفك بالشكل والاسم والحفوه

.....

رد: اخترنا لكم
 

‏بعض الأوادم تراسلني وتشغلني
‏وأدور أسباب تزعلني وأصرفها

‏بعض العرب لو يغيب أسبوع جنّني
‏أجيه لو إن ديرته تكثر مخاوفها

‏وبعض العرب لو يغيب سنين ما أشحني
‏وبعض الأوادم خساره يوم تعرفها

.....

رد: اخترنا لكم
 

حبيبي وش مصير الشعر لولا طلَّة محيَّاك ؟
‏دخيل الله لا تقتل هواي وتجرَح مزوحي

‏تخيّرتك وأنا ماني بجاهل وجهك ومبداك
‏أشوفك ديرةٍ ضمَّت مداي، ونصف من روحي

.....

رد: اخترنا لكم
 

عيوني تحاول تفضح السر مدري ليه
‏وقلبي يحاول دون الاسرار يستنفر

‏وشعوري شعور مطوعَ مشغله ماضيه
‏ليا مر حي مذنبً فيه يستغفر

......

رد: اخترنا لكم
 

‏جادك الغيث ياقفرٍ بصدري سناوي
‏له زمن مانبت عشبه ولا سال سغŒله

‏فيه جرة هنوف وفيه مرقب نداوي
‏وفيه صوتٍ يذكر كل خلّ بخليله

‏كيف ابسلاك ياوجهٍ من الحسن ضاوي
‏العمى فيه يمكنه يقدّي دليله

‏جيت له ناوي وضيعت وش كنت ناوي
‏جيت عابر سبيل وصرت راعي طويله

.....

رد: اخترنا لكم
 

‏عقارب الساعات ماهي من عدم
‏واللي يراقبهـا على همه سرى

‏أحيـان وده لو يقــدمها قــدم
‏وأحيـان وده لو يرجعهـا ورى

.....

رد: اخترنا لكم
 

‏في معزلن عن جميع الخلق وازعاجه
‏ماسمع من الناس لو تكثر لجالجها

‏ماغير اهوجس تقول مضيعن حاجه
‏واخذ واسند على روحي واهرجها

.....

رد: اخترنا لكم
 

‏جيتك وانا من كثرة الشوق محتاج
احتاج اكون بكــل الاوقات قــربك

عطني خفوقك كان مــاعندك احراج
قلبي ملاه الشــوق واحتاج قلبك

.....

رد: اخترنا لكم
 

‏ﻳﺂﻣـﺪﻋﻲ ﺑاﻟـﻌﺸﻖ ﻭﺁﻟﺤـﺐ ﻭاﻟﺸـﻮﻕ
‏ﻋــﻄﻨﻲ ﺩﻟﻴــلك ﺑاﻟــﻐﻼ ﻭاﻟـمـوده

‏ﺁﻟﺤﺐ ﻭﺻﻞ ﻭﺷﻮﻕ ﻭأﺧﻶﺹ ﻭﺣﻘﻮﻕ
‏ﻣﺂﻫـﻮ ﺗﻮﺁﺻـﻞ ﺑــﻴﻦ ﻣـﺪه ﻭﻣـﺪه

.....

رد: اخترنا لكم
 

‏ياليال الــــــود ودي له رساله
‏لا قــــــراها يعرف أني مانسيته

‏عـــــلميه أن الغلا فاحت ادلاله
‏فوق جمر الشـوق يومن أحتريته

‏مانسيته لـــــو طراله ما طراله
‏ساكن بقصا الحشا والقلب بيته

.....

رد: اخترنا لكم
 

لو أن قلبي على اللي صار متعود
‏ماكان شفتي بوجهي الي تشوفينه

‏أنتي تقولين لي بروح وأعود
‏وعيونك تقول غير اللي تقولينه

.....

رد: اخترنا لكم
 

‏بغيت اتردى فيك لكن عيا الـطـيـب
‏سلوم المطيري ردته وانت متردي

.....

رد: اخترنا لكم
 

‏لا تتمسك بعلاقة سامه التخلص منها غنيمة:

‏بعت الرخيص رخيص والحمدلله
‏حصلت لي بالسوق لاشٍ يـسـومه

‏علقه واكلناها ودرس وفـهـمـناه
‏مافات مات ومـا نجـدد رسـومـه

.....

رد: اخترنا لكم
 

‏للحسن سطوة وللقلب لحظات إنهزام
‏والله إن ما كل غيبة خفوقي قدها

‏انبلج مثل الضياء وانهمر مثل الغمام
‏ كل ما نالت يديني ملامس يدها

‏لا قصيد إلا قصيد توليه إهتمام
‏ذايقتها ماهو أية قصيد يشدها

‏لو عيون الحب تبصر مغبات الغرام
‏ ما وقف قلبي معاها وعقلي ضدها

.....

رد: اخترنا لكم
 

‏لا خابت الهقوه ترى مابها عيب
‏قلّطتها واشره على اللي فهقها

‏النّيه اللي كانت تصيب وتخيب
‏ضاعت مثل عمياً تغنيّ لصقها

.....

رد: اخترنا لكم
 

‏نهب قلبي هواك وصار قلبي في هواك أْسير
‏ عيوني زاهدة في كل شي وفيك طماعة
‏
‏ تمنّي ما تبين ولك علي اللي تبين يصير
‏ لي أدوّر رضاك ومالك إلاّ السمع والطاعة

‏دلالك غير عن كل الغواني لأْنك أنت ِ غير
‏ فدى بسمتكْ روح ٍ جاتك مْن الشوق منصاعه

.....

رد: اخترنا لكم
 

‏اجمع له سمان الهرج خوفٍ من التقصير
‏وإلى جيت بشرح له كلامي تهيزلته

‏يجيني منه هيبة معزة سحى تقدير
‏اقابله عندي علم واروح ماقلته

سعد بن جدلان رحمه الله

رد: اخترنا لكم
 

‏ما جيت آسمّعك الكلام اللي تبيه
‏جيت أودِع الذكرى القديمة فاللحد

‏خل الكلام الحاد والراي الوجيه
‏يمكن يكون الاعتراف أقسى واحد

‏ما كنت وجه وبس من ضمن الوجيه
‏إنسان عاهدني على شي وجحد

‏أنت الشعور اللي ما قد حسيت فيه
‏وأنت الكلام اللي ما قد قلته لاحد

.....

رد: اخترنا لكم
 

‏يشوفني عينه وأغلى من العين
‏وأشوف فيه اللي محدٍ فيه شافه

‏عند الزعل ناخذ لنا شوي ونلين
‏البعد لو هو ظرف ساعة نخافه

‏قال أنتِ بس أقول أحبك وترضين
‏وقلت أنت ترضى من قصيدي وقافه

‏كنا ولا زلنا حبايب بسيطين
‏محدٍ على الثاني يطيق الكلافه

‏حنا فبعضنا طيبين ووفيين
‏وعلى بعضنا مانشيل الحسافه

.....

رد: اخترنا لكم
 

‏ياسعود نام البوح في خانة الصمت
‏ابطى يعاني من ضنا الوجد غافي

.....

رد: اخترنا لكم
 

‏ما هوب أنا اللي لا خذا حاجته راح
‏مـا أحب هالعاده ولا أحب أهلها

‏والله ما يرضى ضميري ولا أرتاح
‏حتى أدرك لراعي الجميله بدلها

.....

رد: اخترنا لكم
 

‏ودي احط اسمــك على كل الابيــات
‏واقــــول من يقــــراك هذا حبيبــــي

‏في كل بيت اكتبــك للعالم اثبــــات
‏انك عـــذاب القلـــب وانك طبيبــــي

‏ما احتاج للعالـــم بعدك علاقــــات
‏ان كان حظـــي زين جابك نصيبــي

‏ادعـي وانا ساجـــد بكل الصلـوات
‏اقضي معاك العمـــر لساعة مشيبي

.....

رد: اخترنا لكم
 

‏طيفك هو المرحبا والمسهلا والسرور
‏وشوفك هي المنوه اللي صعب تحقيقها

‏لك الغلا والتفاني والشعر والشعور
‏وروح تشوف ان وجودك ضمن توفيقها

‏وقفت بين احتياجي لك وبين العبور
‏وما بين شرهات الاحباب ومواثيقها

‏من كثر ما اشوف وجهك في وجيه الحضور
‏صرت اقبل وجيه ناس ٍ كنت ما اطيقها

.....

رد: اخترنا لكم
 

‏سرحت بخيالي فيك وأسهيت فالتفكير
‏وطلّعت كل اللي مخبّى ورى صدري

‏ما تمنعني حدود المسافة عن التعبير
‏أنا توّي مسولف معك وأنت ما تدري

.....

رد: اخترنا لكم
 

‏والله أني يا زماني كنّت أكذب نفسي
‏لين عشت اللحظه اللي كنت خايف منها

‏المها اللي خابر إنها ما تروح بنفسي
‏صارت تعرّض على دربي وأجنّب عنها

.....

رد: اخترنا لكم
 

‏أهل المصالح يارفيقي كثيرين
و أهل النميمه والحسد مايعدون

لا صرت طيب قالوا فلان مسكين
ولا صرت فاهم قالوا فلان ملعون

.....

رد: اخترنا لكم
 

‏فيني عتب بس آستحي من عتآبہ
‏دآمه انشغل عني في حقي آهمل

‏يبقى السـؤال اللي آبي له آجـآبہ
‏ليشَ المعزه بالبدآيآت اجمل

.....

رد: اخترنا لكم
 

‏عارفٍ علة ضميري واعرف الي صابه
‏لا توديني طبيب ولا تجيب مطوّع

‏القمر والليل وطيوف الغضي وغيابه
‏اتعبت قلبٍ على درب الغرام ملوّع

‏الله يسمح خطاه ويرحم اللي جابه
‏لوه خلاني عطيب وضاميٍ ومجوّع

‏لا تلوم اللي من الفرقا يشق ثيابه
‏والله ان الحزن قاسي والحنين يروّع

.....

رد: اخترنا لكم
 

‏بار فينا الحظّ ولا ما نعرف البوره
‏والحظوظ البايره مفروض مانضمنها

‏جعل قصتنا ماهيب القصة المشهوره
‏لا قروها اللي تكُد هروجها و السنها

‏دام حنْ بأخر مطاف قلوبنا المكسوره
‏ودي أسلّمك حاجة قبل تنشد عنها

‏هاك من دمعي وداع وفي يدينك صوره
‏هذي أغلى ما ملكت وراسك أغلى منها

.....

رد: اخترنا لكم
 

إلى قريت الكــلام الزين يعجبني
‏أثني على صـــاحبه وأعيد تغريده

‏والكلمة اللــــي من الله ما تقرّبني
‏ابدالها أحضى بتسبيحة وتحميدة

.....

رد: اخترنا لكم
 

تلبس لنا الدنيا نفيس الحلل لين
‏نغتـــر بالدنــيا وتنـــزع حللــها

‏هـــذا عملــها بالأوادم من سنين
‏تحطهـــم في بطنـــها من سهلها

‏يدخل على الدنيا البنادم و بعدين
‏يطلع من الدنيــا مثــل ما دخلها

.....

رد: اخترنا لكم
 

‏الخبل لامنه تجرا على النـاس
‏قـام يتـبعج بالمجالس خباله

‏أما نقل لـه هرجةٍ مالـها راس
‏والا صنـع له كذبةٍ من حلالـه

.....

رد: اخترنا لكم
 

‏احفظ لسانك وحفظ الله يحفظك
‏وليا حفظت الله تجـــده اتجـاهك

‏انت محاسب عن عملك وتلفظك
‏وعلى البصـر والسّمع دير انتباهك

‏و اهمـــال دينك للعقوبة يعرّضك
‏ولا يفيـــدك كثـــر مالك وجاهك

.....

رد: اخترنا لكم
 

لولا الأمل ماعاشوا الناس سالين
‏ولولا المـواقف ماعـرفنا بعضـنا

‏نكسب ونخسر والتجارب براهين
‏وياليتـنـا ممـا نشــوف اتعــضنا

.....