رد: فوق هام السحب ( الشعر الشعبي) على متن القوافي
 

معك ما استصعب محال وما توقفني خرافة
‏لـ الصبر آخر وأنا دايم معك صبري مكفّي

‏كنت أوصي لك هبوب النود من بُعد المسافة
‏لـ الديار اللي خذاني ساكنيها بشوق لفّي

‏كل جرحٍ كنت أخاف أبكيه ماظني بخافه
‏وكل عمرٍ مانعيشه بالقناعة مايكفّي

‏جيت شايل وسط كفّي ألف رهبة وارتجافه
‏مادريت إن الأمان يعيش عمره وسط كفّي

‏لايروح العمر من غيرك تناهيد وحسافة
‏وكان ودك بالمفارق ما انخلقت ألحق مقفّي

....

رد: فوق هام السحب ( الشعر الشعبي) على متن القوافي
 

معك ياحلو الشعور ومعك ياحلو السوالف
‏لاضحكت بسبّه ولامن ضحكت بدون سبه

‏أنت يوم الارض مليانه سواليف ومواقف
‏دلّك الله الكلام اللي أفكّر به واحبّه

....

رد: فوق هام السحب ( الشعر الشعبي) على متن القوافي
 

مسافة السعي خلف الحلم ماهيب يوم
‏مسافة العمر مابين المهد واللحد

‏وإن وقّفوا ضدّك اللي يحبطون العزوم
‏وقّف لهم وقفة اللي ماعليه من أحد

....

رد: فوق هام السحب ( الشعر الشعبي) على متن القوافي
 

لاتقتحم موجة التفكير لحظة سكون
‏ويراودك شك في حبك ونوعيّته
‏ㅤㅤ
‏ترى الغلا ساري المفعول مهما يكون
‏ غلاك ماتنتهي مدة صلاحيته

....

رد: فوق هام السحب ( الشعر الشعبي) على متن القوافي
 

ياخذ الوقت حقه من وساع الصدور
لين تمشي بودٍ ماهو بودّها

....

رد: فوق هام السحب ( الشعر الشعبي) على متن القوافي
 

من فك للخبّلان باب المّيانة
‏قاموُا عليه بكل حاجة يموُنون

....

رد: فوق هام السحب ( الشعر الشعبي) على متن القوافي
 

‏ليت النوايا مالها ستر ولباس
‏تظهر من صدور المخاليق جردى

‏اللي تظنه غير عن كل هالناس
‏بكره تشوفه مثل هالناس واردى

....

رد: فوق هام السحب ( الشعر الشعبي) على متن القوافي
 

صلاةُ اللهِ ماجادَ السَّحابُ
وما رَبَتْ الفيافِي والرِّحابُ

على المبعوثِ من ربٍّ رحيمٍ
ليَحْيَى الخيرُ فينا والصَّوابُ

فَجَودوا بالصَّلاةِ بكلِ حينٍ
ليغشاكم من اللهِ الثوابُ


اللهم صل وسلم وبارك على نبينا محمد

رد: فوق هام السحب ( الشعر الشعبي) على متن القوافي
 

‏لاجاك ضيق أستغفر الله وترتاح
‏وإن صار هم أكثر من الحمد لله
‏
‏وإللي رفع قدر البشر بين الأرواح
‏ماخاب من هو ردد أستغفر الله

....

رد: فوق هام السحب ( الشعر الشعبي) على متن القوافي
 

‏لو شلت هم مايشيله جبل طي
‏حذراك لاتبدي على الناس سرّك
‏
‏من قال لك وش فيك قل له ولاشي
‏ومن قال كيف الحال قل له تسرّك

....