رد: اخترنا لكم
 

لا ضاق فيك الدرب لا ترجع ورى
‏إصبر وغامر والعمر حظ ونصيب

‏أحـــدٍ لقى في مقبل أيــامه ذرى
‏وأحــدٍ رمى لكن عـــيا لا يصيب

.....

رد: اخترنا لكم
 

الا يا مرحبا وأهلين يا وجه الرضا الفتّان
‏ويا جعل العمر يفداه بأيامه وأسابيعه

.....

رد: اخترنا لكم
 

‏كثر ما شفت من الملامح والعيون
‏في ناهيات الحسن من بيض وسمر

‏ما كان فرقك فرق شكل وفرق لون
‏فرق النجوم الساريات من القمر

‏تمر في بال القصايد واللحون
‏إن ماا قدرت إنّك على بالي تمر

‏الله يسامحني على بعض الظنون
‏كنت أحسب إنّك مرحلة وأثرك عمر

.....

رد: اخترنا لكم
 

‏مابين لدغات القرايب والاجناب
‏ما قمت افرق بين عقرب وحيه

‏ناس تقلب ماعرفنا لها اسباب
‏تصبح بنيه وثم تمسي بنيه

‏صار التشتت عاده بين الاقراب
‏والكل يرمي صاحبه بالخطيه

‏اكثر سوالفنا مشاريه وعتاب
‏حتى بعدنا عن حلول القضيه

‏قل التراحم واغلقوا دونه الباب
‏وقل التواصل والغلا والحميه

‏وين القلوب الصافيه وين الاحباب
‏وين القلوب الطاهره والبريه

.....

رد: اخترنا لكم
 

‏يعم الهدوء و يستثير السكون الصوت
‏و أنا بين صوت العقل و إحساسي الجايش

‏ما ضيّعني و ذوّقني الموت قبل أموت
‏إلا عقلي المتحرّص و قلبي الطايش

‏أشوف الحياة جنازةٍ في بطن تابوت
‏لكنّي رغم كل الصعوبات..متعايش

‏ترا ما أصعب من الموت و اللي خلاف الموت
‏إلا الفترة اللي لا أنت ميت ولا عايش

.....

رد: اخترنا لكم
 

مرت ثلاث شهور نفسي طايبه والحال حال
‏وين القدا يالي تعرفون القدا وين القدا

‏من كثر ماجربت فالدنيا ومن سود الليال
‏اعذرت في بعض الامور وراحت احلامي سدا

‏ماشفت شيً يغري العالم مثل خشم الريال
‏يقدر يرد الي من اول مايردون الندا

‏ياهيه يالي مشغلن عمرك ترى مالك مجال
‏تضحك لو ان عروق قلبك داخلً فيها صدا

.....

رد: اخترنا لكم
 

‏وين انت ياللي تسبب غيبتك تكه
‏ادمنت حبك تقول ادمان متعاطي

‏ياللي جديلك تلمه فوق وتفكه
‏تقول موج البحر يصفق على الشاطي

‏لايدخلك من محاريف الهوى شكه
‏ويضيّعك فالمساري فهمك الخاطي

‏يحرم علي مثل حرم الصيد في مكه
‏نسيان من فالمحبه يدمح أغلاطي

.....

رد: اخترنا لكم
 

‏ياللي خذاك الطيش واعماك الغرور
‏الحب مثل الدين لا إكراه فيه

‏ترى السنين تدور والدنيا تدور
‏ماهيب واقفةٍ عليك ولا عليه

‏لا تنشد اللي لاحقه منها قصور
‏مير انشد اللي ماليٍ منها يديه

.....

رد: اخترنا لكم
 

‏لا تبحّث عن خفايا صدري المتغاضي
‏ما بقى الا هرجةٍ كادت فم المتكلّم

‏ماشبعنا الا من صحون الكلام الفاضي
‏الحياه ام التجارب والظروف تعلّم

.....

رد: اخترنا لكم
 

شيمة الانسان ميزان اعتداله وانحرافه
‏تنذره لا شافت الاوضاع ما هي مستتبه

‏إن عجزت إنّك ترد النفس عن شيٍ تعافه
‏ماقدرت تحطّ نفسك فالمكان اللي تحبه

.....

رد: اخترنا لكم
 

‏عسى الرفيق الطيّب اللي فيه خير
‏يقوم بالواجب الى جاه الخبر

‏حاول تصير علاج روح ولا تصير
‏اللي الى مرّ الخواطر ماجبر

‏احدٍ كبر عقله وهو سنّه صغير
‏واحدٍ كبر سنّه وعقله ماكبر

.....

رد: اخترنا لكم
 

أتظاهر بقوّي في الظروف القويه
‏وابتسم رغم حرماني وقو احتياجي
‏
‏ليت قلبي حديد وليت نفسي جريّة
‏في مواجه مقادير الزمن الإزدواجي
‏
‏صار حتى القصيد اللي طروقه عذيه
‏أكبر أسباب ضيقة خاطري وانزعاجي

.....

رد: اخترنا لكم
 

‏خلّيتك وحيدٍ في الحنايا ولا لك ندّ
‏يامن قد خذيت القلب في شفّك لحالك

‏دروب الهوى صوبك تلدد وفيك تلدّ
‏ولا تبغي منك إلا شوفك ومرسالك

‏خيالك بصدري فالوصل بين هات وودّ
‏مثل ما ادري اني في خيالك وفي بالك

.....

رد: اخترنا لكم
 

‏والله انها معجبه والقصايد معجبات
‏ما يقنّد راسها الا القصيد النخبوي

‏مستعد اكسي نحرها بسبع معلّقات
‏كلها في مجدها والجمال الانثوي

‏كل مالدت بسود العيون الناعسات
‏كنها تطعن بشلفا الامير ابن جلوي

.....

رد: اخترنا لكم
 

نعيش بالدنيا ضيوف وعابرين
فلا تكدرنا ظروف سنينها

الدهر طبعه من زمان الغابرين
يومين بامر الله يداول بينها

لازانت الأيام حنا شاكرين
وإن كان شانت ما شكينا شينها

نصبر وعند الله ثواب الصابرين
ياما سنين أقفت بشين وزينها

النجم العالي

رد: اخترنا لكم
 

لاتفتخر في كسر غيرك ياعنيد
بكره وراك حساب وعقاب وحشر

أكسر قلم أكسر شطر أكسر قصيد
بس انتبه في دنيتك تكسر بشر

.....

رد: اخترنا لكم
 

‏ثنتين عنهن ماتجوز المعاذير
سترك لأهل بيتك ومكسب يمينك

وثنتين لو طال الزمن مابهن خير
هرج القفا ومجاملة من يهينك

.....

رد: اخترنا لكم
 

‏اليا اقضبوك الرجال بطيب وإلا معروف
اشقح كبار الهقاوي لا تجي دونها

واليا نصوك الضيوف انطح عيون الضيوف
ترا عيون الضيوف اوسع من ابطونها

.....

رد: اخترنا لكم
 

‏ياباغي الرفعه ترى العز بالدين
لا عـز للانسان مـن غيـر دينـه

والمرجله عشق الرجال المديحين
ومـن كبها يا عنك تربت يمينه

سعود القت

رد: اخترنا لكم
 

‏أنا أشهد ان الصمت للعاقل علاج
والعذر منكـم كان طـوّل سـكـوتي

لاكثـروا أهل الهرج ماني ب هـراج
ولانـي على بلـوى الخلايق شموتي

امـا كـلام ً مطلـعـه نـور وسـراج
ولا بلاشـي تسمـع النـاس صـوتـي

أعيـش لـي سيـرة ومبـدا ومنهـاج
مـن يـوم ميـلادي لـيـا يـوم مـوتي

ماجد المسعودي

رد: اخترنا لكم
 

بيض الله وجه الايام ياوجه الحسود
أنت والرديان مثلك وجيه مصديه

يالوجيه اللي من الذل والخذلان سود
حظكم جاب النطيحه مع المترديه

العلوم الغانمه مالها معكم وجود
كل يوم تمر من عندكم متعديه

والكريم ليا تضايق من الدنيا يجود
يوم يعطي كنه آكل حبوب مهديه

.....

رد: اخترنا لكم
 

الذنب يعمي العيون أكثر من العجة
والنفس جهل وهوى وابليس مغويها

يالله وأنا طالبك في عشر ذي الحجة
تغفر لـــنا حـــاضر الدنـــيا وماضيها

تركي القرني

رد: اخترنا لكم
 

‏تسلم يمين اللي نظيفه يمينه
ونفسه على فعل المكارم تحثه

وتبت يدين اللي خبيثه يدينه
شغله مابين الناس سمه يبثه

اهل الردا وأهل النفوس اللعينه
مثل الذباب المجتمع فوق جثه

احيان اقول الطيب سلعه ثمينه
واحيان اقول الطيب بالبعض غثه

.....

رد: اخترنا لكم
 

اي والله انـي كـل مـا أراجـع شـريـط الذكريات
من ضيـقـتـي ماعــاد تاســــعني بلاد ولا فضا

لوهـو صحيح اللي يقولوا كل ماقد فات مات
ماكان عاد اللي مضى فالقلب حي ومامضى

.....

رد: اخترنا لكم
 

الله رفعنا في جميع المواجيب
‏والناس ما يلحقهم الذمّ منا
‏
‏لا جا مجال الناس شرواهم الطيب
‏وان جا مجال الطيب شرواه حنا

.....

رد: اخترنا لكم
 

‏تعال والله مالك الا العفو والي راح راح
‏انا ادري انك منت ناسيني وانا ماني خلي
‏
‏انا دوافع غيبتي اكبر من حدود السماح
‏لكن تعال وكل شي صار فغيابك علي

.....

رد: اخترنا لكم
 

همت لك ملهوف وشعوري نَدى
‏ يوم شعّارك تهيم بكل واد

‏مرتوي بك حب والدنيا مَدى
‏والسنين رياح والقسمة رماد

‏لا حدا شعري معه قلبي حدا
‏يا هجير البعد يا ليل الهجاد

‏كل خلّان الرخا راحوا سَدى
‏كيل كيّالٍ سَمح عقب الحصاد

‏يا سكون البال في لَحظ الصدى
‏ما جَهلتك خل وعيونك بلاد

.....

رد: اخترنا لكم
 

‏بعيد من الغَضب وإلَّا قريب من الرضا والجوْد
‏تمهَّلْ ما ورا عِنق الغزال إلَّا مواطنْها

‏حبيبي جادَ صوتي والبدو تعطي من الموجود
‏وأنا لو ما عذرت ظروْفَها ما جِيْت ضامنْها

‏أعرْفك وأتردَّد مع سيوفك والهوى مردود
‏يا ربي لا تَسكّن روحي إلَّا في مساكنْها

‏ترى حتى هروجِك فالسّحاب وفي هبوب النود
‏أنا ما أصدّ عنها لو تصدّ أيَّامنا عنها

‏تذكَّرني إليَا مالت حياتي مع ليَان العود
‏وعلَّقني سنينٍ في رجاوِي عينك أرهنْها

‏عساني لا وقف عمري ما بَيْن النار والبارود
‏أدَاعِب وَجْنتك لين الحقايق «تأمِر، وتنْهى

‏ديارٍ ما تغافلها الربيع أشوفها في زود
‏أعرف أشجارَها وأعشق هواها قبل لا أسكنْها

‏وِش يشدّ العواصف وأنت بابك للهوى مَسدود
‏تجرَّى والله إن حلو المحبَّة من مجنَّنها

‏أنا لولاي أحبَّك ما بذلت لضحكتك مجهود
‏ولا غنّيت في بيوت القصيد وبيتك أثمنْها

‏إذا ما سِقت لك صفو الحيا وصافي القرهود
‏تمادى واِسْرق حقوق العرب لا سنَّت سْننها

‏تحمَّلت اللَّيالي في ديَارك ما قدرَت أعود
‏وأنا ما أقدَر أخوْن أيَّامها لو قلْت لي خِنْها

‏أحبّ أحلى مشاوِيْري لـعينك يا أوَّل العنقود
‏وأعرف إن الصباحات الجميلة تنخلق منْها

.....

رد: اخترنا لكم
 

‏ياجرّ قلبي جرّ قوس الربابه
‏في يد غشيم ومونسٍ حرّ فرقا
‏
‏بالغصب جرّ القوس من غلّ مابه
‏متْعَومسٍ باله والأعصاب حرقا

.....

رد: اخترنا لكم
 

‏أعيش في فترة تصالح مع الذات
‏ماعشتها قبل كذا في حياتي

‏أرتحت يوم أجاوب الناس بسكات
‏ويرتاح مثلي من يسوي سواتي

‏شفني وأنا مقفي ماأحب التلفات
‏لو ألتفت ضيعت كل أمنياتي

‏معاد أبي غير الرضا والسلامات
‏ومع السلامه والبقى في حياتي

.....

رد: اخترنا لكم
 

‏انتي حروفك نبض يحيي الشرايين
ويعيش به عرقٍ بدربه يمرّه

أشتاق لحروفك واجاريك يازين
وأعشق غزلك القلب عندي يسرّه

.....

رد: اخترنا لكم
 

لا تسمـع في هـرج نقـال ولا قـال
خلـه يقـل الحكـي بينـه وبينــك

وسـدك فلا تعطيـه عـمٍ ولا خـال
كـم واحـدٍ بالهـرج يبحـث كنينـه

مقعـدك مع ناسٍ لهـم عنك منـزال
لا هـم بـراجينـك ولا خـايفينـك

معهـم خبـرك وكايلينـك بمكيـال
على العسر واليسـر هـم عارفينـك

في مجلـسٍ مـالك مقـامٍ وتفضـال
أخيـر مـا تفعـل مقامـك بحينـك

.....

رد: اخترنا لكم
 

اللي يضيق من الخلاء لا ترضّاه
الناس جاء فيها غرور وتغلّي

والوقت متغيّر من أدناه لأقصاه
ماعاد تلقى الحاجة اللي تسلّي

حتى الرفيق اللي ليا ضقت تنصاه
وينزل على الصعبة نزول المظلّي

ماهو بدايم كل الأوقات تلقاه
‏أحيان يمسك له خطيطٍ يولّي

.....

رد: اخترنا لكم
 

من حيث ما وجّهت شوف المستحيل
ترى السعادة تختبي خلف الشقى

.....

رد: اخترنا لكم
 

غلطتي اني عشقتك بعد فات
والغلط مرجوع والدنيا نصيب

.....

رد: اخترنا لكم
 

انا عدو الحقد والحقد والعيب
مااصافح الطيب عشان استغله

.....

رد: اخترنا لكم
 

لا تلتفت للناس مهما يقولون
خل الـقفى لإهل الـقفى لا تحاكت

.....

رد: اخترنا لكم
 

قلبٍ نظيف ويعزك
لا تِستهين به وتقهره

خالِد الفيصل

رد: اخترنا لكم
 

يعني طريح فراش والحظ مطروح
باقي علـي شـوي واصبـح قتيــلك

.....

رد: اخترنا لكم
 

الكلمه الصادقه لو تجرح المخطي
احسن من الكذبه اللي تستر عيوبه

.....