رد: فوق هام السحب ( الشعر الشعبي) على متن القوافي
 

العُمر يفنا والحياة احلام والدنيا متاع
ياكم نفسً روحت ماحققت مطلوبها

....

رد: فوق هام السحب ( الشعر الشعبي) على متن القوافي
 

يصد عني ناوي بالتغلي
كنه تحدي عن طريق المكابر

واعلنت له قبل يجي في محلي
اني على شلفا الجفا دوم صابر

وشالت بقايا كل شي وصل لي
من ذكريات ومن حروف ومحابر

المشكله اني لاشفـته اهلي
مثل اليتيم اللي له سنين عابر

حتى وانا ساجد لربي اصلي
يطري عليه وسط ذيك المنابر

....

رد: فوق هام السحب ( الشعر الشعبي) على متن القوافي
 

‏ليتك معي تسمع كلام اخر الليل
وتحس بي واشلون وضعي بدونك

حالي ترى من غيبتك هده الحيل
والعين تتمنى تناظر عيونك

اسهر على ذكراك ويجيني الويل
والنار في صدري تردد لحونك

وضعي صراحه مايبي اي تأجيل
ارجوك ماتسوى حياتي بدونك


....

رد: فوق هام السحب ( الشعر الشعبي) على متن القوافي
 

‏إن كنت لي مشتاق شوقي لك اضعاف
وشوقي ضعف شوقك بعشرين مره

ياليت كان الشوق بالعين ينشاف
كانك عرفت بكبر شوقي وقدره

ياخل شوقي لك قسم ماله اوصاف
من غيبتك قلبي تعذب بقهره

راعي شعورك لو من الله بتخاف
وارحم معذب عاش دونك بحسره


....

رد: فوق هام السحب ( الشعر الشعبي) على متن القوافي
 

‏الصدفة اللي جابتك وإلا القدر
مدري ولكن المشاعر حيّت بك

القلب شرّع لك غلاه وما استخر
لين استراحت مُهجتي في ظلك

دايم تبشرين بالمطر وأنتي المطر
اللي يربّـع خاطري من جيتك

....

رد: فوق هام السحب ( الشعر الشعبي) على متن القوافي
 

‏لاتعاتبني على الصدّه فالأيام الآخيره
‏والتمس لي عذر لاقمت أتعذّر وأتصدّد

‏بين دورات الليالي والطموحات الكبيره
‏ضعت ضيعة حلم ليلٍ مرّه الصبح وتبدّد

‏صرت مثل الطيّب إللي زل ضيفه في قصيره
‏إن وقف مع ذا تردّد وإن وقف مع ذا تردّد

....

رد: فوق هام السحب ( الشعر الشعبي) على متن القوافي
 

بعدك يهد القلب وقلبي بيمناك
شف غيبتك ليه بكت لي جفوني

ودمرت خاطري من قبل لقياك
ريت قلبي مايظّهر خفايا شجوني

تمنيت القى ياريت والنفس تلقاك
وحضى بحضنك وتفرح به عيوني

ياريت بوصلك والعمر كله فداك
واسعد بقربك وفي قربك جنوني

على حبي النقي لاتزيد الجرح بفرقاك
بكون سعيد الحض وبنسى من هاجروني

ويا فرحة وعيوني مدى الأيام تنهاك
انا حبك رغم كل البشر منك يبعدوني

وببقى في هواء حبك ومحياك
على رغم الذي في عشقتك يمنعوني

....

رد: فوق هام السحب ( الشعر الشعبي) على متن القوافي
 

‏وين ابلقاك ياشهد الحروف
لين يرضى علي عذب اللما

جيت للشعر واتعبني الوقوف
عند بابه وبي جوع وظما

ماذبح لي مصابيح وطيوف
ولا سقاني الكواكب في السما

ان سألني حبيبي والكفوف
تضرب الغيم والاشعار ما

عن قصيدي تذكرت الظروف
وقلت شعري نسيته انما

ليتني قبل اشوفك ما اشوف
وليت قلبي قبل حبّك عمى

....

رد: فوق هام السحب ( الشعر الشعبي) على متن القوافي
 

حبوا بعض في كل يوم وكل ليل
ومن دون عذال الهوا حطوا سياج

مافيه شيٍ فالمحبه مستحيل
تفاهموا والرزق فاطراف العجاج


بقلمي

رد: فوق هام السحب ( الشعر الشعبي) على متن القوافي
 

مرحبا ماهي بمررة ولا عشرين مرره
‏لين يقطع صوتي ويبتدي ترحييب عيني

‏آصلك والوصل كنه على العاتق مبّره
‏مثل ما أبّر فخواني وأبرّ فـ والديني

‏كنت أحسب الصوت ماهو يرد الروح مرّه
‏وأثر صوتك لاسمعته يرد الروح فيني

.....