رد: فوق هام السحب ( الشعر الشعبي) على متن القوافي
 

شاعر ينومس كل ماجرالأقلام
وشاعر فلاشات المحافل تجرًه

يسّوم كبود العرب صنع الإعلام
لابارك الله فيه يسقيك مرًه


فايز المنصوري
‎

رد: فوق هام السحب ( الشعر الشعبي) على متن القوافي
 

يقولون قدر الناس بريال وريالين
وأنا ماعطيت لمايقولون أهمية

فقيرٍ بليا مال لكن طويل يدين
هذا اللي له التقدير من باب أحقية


فهد الزعبي

‎

رد: فوق هام السحب ( الشعر الشعبي) على متن القوافي
 

اسمحولي بشطر بيتٍ فالصميم
والق نظره يامتابع واستمع

الرجيم ان كان ودك بالرجيم
عن للحوم الناس وقف وامتنع


سعد الحداري

‎

رد: فوق هام السحب ( الشعر الشعبي) على متن القوافي
 

حاجتين والله مايبررها مبرّر
توجع الرجال وتقرب همومه

الخطا من صاحبه لامن تكرّر
وابن عمه لاتردّا في لزومه


عنيزان البقمي

رد: فوق هام السحب ( الشعر الشعبي) على متن القوافي
 

وليف معي ذكراه تصبح معي وتبات
معي في آلمنام و له خيآلٍ يباريني

غـدوا في محلٍ مالنا صوبهم حاجات
ولابه سلومً صوب بيته تجريني


......

رد: فوق هام السحب ( الشعر الشعبي) على متن القوافي
 

أحب النقا وأهل النقا لي مراد وشف
ورفيق المصالح حالف مايخاويني

ليا لفت حبال الزمن في حياتي لف
عرفت الرفيق اللي مع الوقت شاريني


حمد السحيمي

‎

رد: فوق هام السحب ( الشعر الشعبي) على متن القوافي
 

لامنك عرفت الواحد فلاهو اخذ وخل
تبي تاخذه فخذه تبي شوي فخله

عسى كل عود مايجي تحت غصنه ظل
يجيه الضما وتلوفه النود وتشله


بوشعرتين

رد: فوق هام السحب ( الشعر الشعبي) على متن القوافي
 

تدور الليال السود مابين زين وشين
وفبطونها اسرار المقابيل مخفيه

ومن لايجرب فالحياه القسى واللين
لايامن مع الايام يصبح لها ضحيه


عون بن جبيع

رد: فوق هام السحب ( الشعر الشعبي) على متن القوافي
 

الا يالبنادم لو صفالك زمانك زين
توقع ترى الايام ماهيب مامونه

تبسم لك الدنيا وتبدي لك السنّين
وياسرع ماتطا على الراس ومتونه


ممدوح المرزوقي

رد: فوق هام السحب ( الشعر الشعبي) على متن القوافي
 

قوي العزايم ما يهمه كـلام إعداه
ولايلتفت في صاحب الكلمه الطفسه

وضعيف الروابع يزعج المجتمع برغاه
على كل كلمة يلحقه شك في نفسه


أحمد البلادي

‎

رد: فوق هام السحب ( الشعر الشعبي) على متن القوافي
 

يالله دخيلك من المنقود والزله
والناس ماهيب لا ترحم ولا تاوي

ياكثر ناسٍ بلا مذهب ولا مله
تترك طريق الصلاح وتتبع الغاوي


غازي الخراص

‎

رد: فوق هام السحب ( الشعر الشعبي) على متن القوافي
 

الصمت حكمة لايغرك لسانك
كم هــرجةٍ تجلب لهلها نقــادة

اعرف خراجك ثم حدد مكانك
فـ الهرج والا الصمت تلقى اشاده


علي الشريف

‎

رد: فوق هام السحب ( الشعر الشعبي) على متن القوافي
 

ياصاحبي وشفيك قلّي عسى خير
تشكي وانا خابرك رمز الشجاعة

ان كان حاديك الزمن والمقادير
الصبر للرجال يعطي مناعة

اسمع وخذ مني نصيحه وتذكير
ذرب الكلام اللي يفيدك سماعه

صواديف الدنيا ورود ومصادير
وافضل كنوز الوقت كنز القناعة


......

رد: فوق هام السحب ( الشعر الشعبي) على متن القوافي
 

تضيق فيني هالحياه الوسيعه
لا شفت لي طيّب عياله تردوا

المشكـلة و الكارثـة و الفجيعه
ان كـنت متجّـمل بعالم و صدوا


عبدالله دليهي

رد: فوق هام السحب ( الشعر الشعبي) على متن القوافي
 

اليا أذن المذن تهيّا للصلاه
والله ماتلقى خير من تاخيّرها

قد ماتوا اللي يستحقون الحياه
يعني بتبقى حي دور غيرهّا


خالد بن مبارك

رد: فوق هام السحب ( الشعر الشعبي) على متن القوافي
 

من لا إستشارك لا تبدي له الشور

ومن لا يودك نور عينك فراقه


الشاعرة الدقيس الصلبية

رد: فوق هام السحب ( الشعر الشعبي) على متن القوافي
 

الـمـراجـل كايده عـزٍ لـمـن يجمعها
ماجمعها الا ابلجٍ لاجا اللزوم يجمل

والـمراجل بنت شيخٍ والكفو يطمعها
والـردي عزمه ضعيف ولاهومتحمل

الكـفو تـندى يمينه والـردي يزمعها
والردي من كثر مايقبض يديه اتنمل

ومن شهرذكره يجيله سمعةٍ تسمعها
مثل نوٍ زابـرٍ ان جاد ولاهمل


فيصل ابن ظهيرة

‎

رد: فوق هام السحب ( الشعر الشعبي) على متن القوافي
 

حنا عزاز ولا نحب التخضاع
والله خلق فينا الكرامه جبله

نكره وجيه الكبر في كل الاصقاع
والكبر يرخص كل نفس تشله

من عاش عمره للمخاليق تباع
يشرب فناجيل الغبن والمذله

وراع المعزه لو من الوقت يلتاع
يعيش شامخ ما انحنى غير لله


خليل بن هدلان

رد: فوق هام السحب ( الشعر الشعبي) على متن القوافي
 

احذر من اللي يخلط المزح بالجد
اللي على ماقيل سارق ومزاح

حده على القصيا ورده ورى الحد
واقطع علاقاته وقل هم وانزاح


عبدالله الطلحي

‎

رد: فوق هام السحب ( الشعر الشعبي) على متن القوافي
 

الحياة جـهاد ودروس وعبر
والحظيظ اللي طلع منها بخير

قول للي مابعد عنده خبر
لو يطول العـمر ماتصبح كبير

ماكبرت ان كان عقلك ماكبر
الحـقيقة غير والاوهـام غير

من جهل فن التغافل والصبر
لو يشيٍّب عارضه يبقى صغير


عبدالله الطلحي

‎

رد: فوق هام السحب ( الشعر الشعبي) على متن القوافي
 

خل اتكالك على اللي يعلم الخافي
خذ مابدا لك وخل اللي يخبونه

اليوم حتى الكريم الصادق الوافي
لابد في المجتـمع ناسٍ يسبونه

ماترضي الناس لو إنك عسل صافي
حتى العسل فيه ناسٍ مايحبونه


عبدالله الطلحي

‎

رد: فوق هام السحب ( الشعر الشعبي) على متن القوافي
 

لاصرت ماتعرف حقوق الرياجيل
يالاجودي مالك على الناس شرهه

جنب وتنبيك السنين المقابيل
ويّبين وجه الوقت حبه وكرهه


حمود العصيمي

‎

رد: فوق هام السحب ( الشعر الشعبي) على متن القوافي
 

ياشين شوف الدار من عقبهم شيناه
مداهيلهم ماشفت انا الزول يمشي به

والله لولا الصبر يوم اجحده واكناه
لاصيح واشلع مقدم الثوب وارمي به


......

رد: فوق هام السحب ( الشعر الشعبي) على متن القوافي
 

المرجله تصعب على بارد الحيل
حسب الفتى ماهيب حسب الضروفي

وان جيت اشوف الفرق بين الرياجيل
يكفي ليامن شفت اصابع كفوفي


زامل السبيعي
‎

رد: فوق هام السحب ( الشعر الشعبي) على متن القوافي
 

أنا والأيام شيل وحط من مبطي
بأحوالها بين منعدله ومنعاجه

الحظ يومٍ يصيب وسبعةٍ يخطي
وكم صاحبٍ غاب يومٍ كنت محتاجِه

لكن واثق بربي الرازق المعطي
عطاه يغني ومده يقضي الحاجه


النجم العالي

‎
‎

رد: فوق هام السحب ( الشعر الشعبي) على متن القوافي
 

يا شيّن أساليب بعض الناس بالمجتمع
من يدّعون المثاليه وهُم يكذبون

يحذّرون البشر من الجشع والطمع
لكنهم فوق موضوع الطمع يسرقون

حديثهم عن سمات الخير يُبكي جمِع
وأفعالهم كل أبوها عكس ما يدّعون


النجم العالي

رد: فوق هام السحب ( الشعر الشعبي) على متن القوافي
 

صامت ومن صمتي عرفت وتعلمّت
ان الـرجـال ابـحـور للـي عـبـرهـا

مـاكِـل هـرجـه لانـصـتـنـي تولمّت
ولاكِــل نـيّـه تــوزم اللي سـبـرهـا

اخــاف لامـنّـي زعـلـت وتـكـلـمّـت
اجـيـب وحـده عند ربي خـبرهـا


ابراهيم مرشود

‎

رد: فوق هام السحب ( الشعر الشعبي) على متن القوافي
 

انا خوي اللي يبوج الخرايم
صميدعيً يلتهب كنه الذيب

حاسيه لاجات الأمور العظايم
حلحيل حلالً يحل المناشيب

عفيف نفسً مايدور و لايم
من شبته حتى غطا رأسه الشيب


حمود الجداعي

رد: فوق هام السحب ( الشعر الشعبي) على متن القوافي
 

والله لا لولا امداريات العلومي
واحفظ قدم رجلي وثبت مواطيه

من خوف أزل ومن تعدا السلومي
تضيع هقواته و تضعف مباديه

وتبدي علي من الليالي ثلومي
وابعد عن اللي كنت أنا في حراويه

واخاف من كلمت مهوب محشومي
يفرح بها نذلً ضعيفه هقاويه


حمود الجداعي

رد: فوق هام السحب ( الشعر الشعبي) على متن القوافي
 

مراحل حياه الادمي بالسنين دروس
لها يفطن العاقل ويجهل بها الجاهل

لاتحرص على الضيقه من الواقع الملموس
تجاهل ترى دنياك ماهيب تستاهل


عبدالهادي بن قنيفذ

رد: فوق هام السحب ( الشعر الشعبي) على متن القوافي
 

لا تبدي الشكوى ولو ضامك الشيل

الا على رجلن يحس بوجعها


عبدالله بن عون
‎

رد: فوق هام السحب ( الشعر الشعبي) على متن القوافي
 

ماراح من دنيا الفنا بألف طقاق

العمر سلفه والأوادم طراقي


عبدالله بن زويبن
‎

رد: فوق هام السحب ( الشعر الشعبي) على متن القوافي
 

عيب على الرجال في مدح روحه

الرجل يفعل والاجاويد تكفيه


رشيد الزلامي
‎

رد: فوق هام السحب ( الشعر الشعبي) على متن القوافي
 

يادهر أشوفك بالأجاويـد مايل
وأهل الكرامه في ميولك يحسون

يادهر لاتظلم عيـال الحمايل
اللي بعسرات المواقف يشافون


رشيد الزلامي

‎

رد: فوق هام السحب ( الشعر الشعبي) على متن القوافي
 

مصادر الحق مثل السـيف وانصـابه
والنقص فالقول لطم العين بالرمشي

الصـدق مـاهو رخيص لكل نصـابه
صـافي ولايدخلـه شـكـه ولانمشـي

الناس ماتنصـف المعروف واصـحابه
ماهمهـا الا على مـاتشـتهي تمشي


غازي الشاطري

‎

رد: فوق هام السحب ( الشعر الشعبي) على متن القوافي
 

يـامشغـل افكارك بامـورٍ خفـايـف
تشقي بهانفسك ويفرح بها عداك

أما علـى مستقبـلك دوم خـايـف
وإلاعلى بـعض الذي فات ماامداك

ما فيـه شـيٍ يستحق الحسـايـف
تـرىَ الذي مقسوم لك ما تعـداك


النجم العالي

‎

رد: فوق هام السحب ( الشعر الشعبي) على متن القوافي
 

اضحك وكن الصدر مايوجعه شي
وياما جحيمً بالضلوع إيتلضا

مافيه شبر من ضلوعي بقاني
نجظت ضلوعي من سعيرً تشضا

ولامن تبرا الحي من حاجة الحي
نرجع لماعونالصبر وانتـوضا

الحاجه اللي تحد وجهي على عي
ارضيت عنها خـاطرً ما يرضّـا


تركي العريدي

رد: فوق هام السحب ( الشعر الشعبي) على متن القوافي
 

هو ليه حرف المواجع لا كتبته عبيط
ما ياخذ الفكره اللي جيت حطابها

ظروف الايام تقطع فـ الوريد وتخيط
وضماد حرف المواجع عند كتّابها

لا صار حتى العقاري عند بابه وسيط
رصيد بالي ثلاث امتار ما جابها


جحان زيد
‎

رد: فوق هام السحب ( الشعر الشعبي) على متن القوافي
 

قبل تلحقنا مشاريه وعتاب
نصايحك ماهي على بطن بكره

لاصار في ريش الصقر ريشة غراب
فرقاه لو فوق المراقيب وكره


تركي الحرقان

‎

رد: فوق هام السحب ( الشعر الشعبي) على متن القوافي
 

جمعة ربوعك يابيض الوجه نومــاس
ربعك دروعــك دونهم كن حمـــاسي

خلك حشيـم الربع في وقت الاونــاس
عند الطلب اشمـخ شمـوخ الــرواسي


عبدالعزيز بن قالط

‎