رد: فوق هام السحب ( الشعر الشعبي) على متن القوافي
 

‏وش اجمل شيء بعيون الأنسان
انه يشوف إنسان يسوى عيونه

يعني تشوف الناس في كل الأحيان
وتحس كل الكون غايب بدونه

.....

رد: فوق هام السحب ( الشعر الشعبي) على متن القوافي
 

وراء كل مشرق شمس ومداعبة نسناس
‏على غرّةٍ محبوسه وضحكةٍ حرّه

‏أوقّف بفوضى نفس ومغالبة وسواس
‏وأشوف الحقيقه مرّه ووقفتي مرّه

‏ياليت الحياه تبرّني برّها بالناس
‏ولك وجهي إن مالي سوى وجهك أبرّه

‏أنا حاشد شعورٍ حقيقي وشِعْر وباس
‏وراء كلمةٍ بقولها في العمر مرّه

.....

رد: فوق هام السحب ( الشعر الشعبي) على متن القوافي
 

‏أجرح مثل ماتبي وأِقبل وعذرك سمين
‏وشلون أواخذ يدك وأستلطف طعونها

‏ضيعتني لين ضاعت من حياتي سنين
‏راحت فدا عيون تذبحني على هونها

.....

رد: فوق هام السحب ( الشعر الشعبي) على متن القوافي
 

عسى مدهال ملهوف الحشا للرايح الصباب
يصب من الوله ويعانق المحبوب محبوبه

كلام الحب وعيون القصيد ونظرة الإعجاب
تناقلها القلوب الخاليه وتروح مجلوبه

ونور الشمس والما والضمأ والريح والترحاب
فدا للجادل اللي من زلال الغيم مصبوبه

تقول الآدمي قلبه رهيف أن حب حنّ وذاب
وأقول القلب راح قلادةٍ في عنق رعبوبه

عنودٍ كل يوم أقرأ عليها صفحتين كتاب
وهي سطرٍ من سطور الكتاب وثامن أعجوبه

مضى عمري على طرد الهوى وأثر الهوى غلّاب
وأنا راضي أعيد حكايته وأعاود ذنوبه

ماعندي للقصيد إلا الجروح اللي من الأحباب
ولا عندي جديد إلا الغرام وتالي دروبه

حديثي في تفاصيل الحياه وكل فصل وباب
والأجدر بالحديث أن نعمة النسيان مسلوبه

ياكثري يوم أوزع بسمتي في شارع الغيَّاب
ويا قلي يوم أحاول حاجةٍ ماهيب مكتوبه

وش يطمنك من بعد الجفا ياقلبي المرتاب
وأنا شاعر يشوف البيد بيته والقلق ثوبه

.....

رد: فوق هام السحب ( الشعر الشعبي) على متن القوافي
 

مابقى في ليلة فراقك معي صبر وجلاده
كلما تطري عيونك ليت ذاك الليل هوّد

ماهقيت أني على التذكار مسلوب الإراده
من مشى سكة سفرك بكل ميلافه تزوّد

أضحكي لأجل الربيع يصير طول العام عاده
وأرجعي دام المواجع ثايره والوجد كوّد

غادةٍ لاقبلها غاده ولا بعدين غاده
تربك اللي في عُرى الإيمان والدين متجوّد

سامحي من ماتت حروفه على كبوة جواده
ماقدر ينسى هواك ولا يعيش ولا تعوّد

صرت مثل اللي تهجّر وأنحرم نسمة بلاده
ضاق في وسع الفجاج وماتنفّس لين عوّد

.....

رد: فوق هام السحب ( الشعر الشعبي) على متن القوافي
 

ويَكفِينِي مِنَ الدُّنيَا جَمَالًا
دُعَاءٌ مِن مُحِبٍّ دُونَ عِلمِي

يُناجِي اللّٰهَ يَسألُهُ هَنَائِي
وَ يُرسِلُ فِي الدُّجَىٰ للَّهِ إسمِي

.....

رد: فوق هام السحب ( الشعر الشعبي) على متن القوافي
 

لبيك من قاصي خفوقي ولبيك
‏يالي لك الاشواق في القلب حيه

‏اسكن بقلبً ماعشق غير طاريك
‏مـن يوم شافك رحب وقال حيه

‏بين البشر والكون محدن يساويك
‏غلاك زايد لعنبو حي حيه

.....

رد: فوق هام السحب ( الشعر الشعبي) على متن القوافي
 

يهزني لك عظيم الشوق وأضمه
‏والـوم واشـره واعـاتب وحشة ايامي

‏واضوي بطاريك داج الليل والظلمه
‏واروي من اسرار حبك ظامي الهامي

.....

رد: فوق هام السحب ( الشعر الشعبي) على متن القوافي
 

تحملي ياعين لاعاد تبكين
‏وخفي دموعك وادعي بالمره

‏الصدر ضايق والملا ماملا العين
‏والكون ضاق وحالي الصبر مره

‏ختامها ياعين كنك بتوحين
‏ كثر البكى مارد غايب ومره

.....

رد: فوق هام السحب ( الشعر الشعبي) على متن القوافي
 

ياهاجسي لاضواك الليل سامرني
‏مادام أنا وأنت فالدنيا تخاوينا

‏أدعي لعينك حروفي وأنت تامرني
‏تبحر وتلقى ضلوعي ساحل ومينا
‏
.....