رد: فوق هام السحب ( الشعر الشعبي) على متن القوافي
 

خلك عزيز النفس لو همومك جبال
لاتشتكي للناس من حر مافيك

هذا الزمن ياصاحبي كله اهوال
يهدي لك البسمه ويرجع يبكيك

.....

رد: فوق هام السحب ( الشعر الشعبي) على متن القوافي
 

‏مروعني الوقت لو ياخذ طموحاتي
‏وتروعني الناس في صدمة مباديها

‏بارد ولا شي يلفت انتباهي
‏تمرني أشياء ماتمشي وامشيّها

‏مسكر اذني ومقلل علاقاتي
‏تتساقط الناس من عيني واخليها

.....

رد: فوق هام السحب ( الشعر الشعبي) على متن القوافي
 

راسٍ يبادلك الوفا حب خشمه
‏حطه علي يمناك وارفع مقامه

‏وراسٍ يقلل قيمتك لاتحشمه
‏لو زان في وجهك لقاه وكلامه

.....

رد: فوق هام السحب ( الشعر الشعبي) على متن القوافي
 

الحاجه اللي دونها منة الناس
‏خليتها وأرجي من الله عوضها

‏الناس لو تقدر على كتم الأنفاس
‏كان امنعت حتى الهواء من بعضها

.....

رد: فوق هام السحب ( الشعر الشعبي) على متن القوافي
 

قالت ثواني واتصل احذر تنام
تكفى حبيبي لازم تكون رايق

كانت ثوانيها قبل أربع اعوام
وشلون لو قالت حبيبي دقايق

.....

رد: فوق هام السحب ( الشعر الشعبي) على متن القوافي
 

‏وان مر يوم ومابكيتك بصدري
‏ابكيك مره وارجع ابكيك ثنتين

‏يافقد عمرٍ راحت خطاه بدري
‏راحت وانا اسأل عنه واطالعه وين

‏هزيت بغيابك وانا اشوف قدري
‏وبكيتني لين انعمى للفرح عين

.....

رد: فوق هام السحب ( الشعر الشعبي) على متن القوافي
 

‏ماحزنت الا على هقواتي وطيبي وظنيي
‏يوم كنت اظنه اطيب من على الدنيا لقيته

‏كنت اشوفه قطعة من قلبي وروحي ومني
‏وكنت اشوفه كل حلم وكل شي قد بغيته

‏ماهقيت انه بيحزني وعاده بيغبني
‏في وفاي الي وفيت وفي غلاي الي عطيته

‏ابتعد عني وهو ناذر نذر مايغيب عني
‏يقطع الله كل عهد وكل طيب قد هقيته

.....

رد: فوق هام السحب ( الشعر الشعبي) على متن القوافي
 

ياليتني طفل وأجي له وأسلمَ
‏وأجلس بجنبه وأنشده عن علوُمه

‏محدنً علي ناقد ولا حدنً معلم
‏طفل يسلمَ لعنبوُ من يلِومه

.....

رد: فوق هام السحب ( الشعر الشعبي) على متن القوافي
 

‏ولا تدوّر مثل قلبي ما أنت لاقي
القلوب اللي مثل قلبي قليله
عبدالعزيز العبلان


أنا ماني مثل غيري يجي ويروح
أنا مثل العمر لا راح مايرجع
عساف بن سعد

رد: فوق هام السحب ( الشعر الشعبي) على متن القوافي
 

‏مرّ الخميس ولا سمعنا طواريك
ودخلنا الجمعه واصبح الوضع مربك

أبسالك بالله ومن دون تشكيك
هل انت تعشقني مثل ما أحبك

.....