رد: فوق هام السحب ( الشعر الشعبي) على متن القوافي
 

نحب فعل الطيب ومزارق الطيب
وتكرم عن دروب الرخامه لحانا

ولا جاتنا زلة قريب محاضيب
نشوم عن هرج الردي ماعلينا


حمود العصيمي

‎

رد: فوق هام السحب ( الشعر الشعبي) على متن القوافي
 

البنك بنك المراجل واكتساب ونعم
ماهوب بنك الدراهم جعلها ماتزيد

لو أن كلمة نعم ماعاد فيها طعم
تصرف لكل البشر طيب وملعون سيد


فلاح بن مشوط

‎

رد: فوق هام السحب ( الشعر الشعبي) على متن القوافي
 

طرد المقفي عيب لوكان ابن عّم
من فّزلك لوّه من القوم قم له

من طاب لومابينكم لِحمه ودم
لاجاك ضايق يالعديم ابتسم له

طرد المقفي عيب لوكان ابن عّم
من فّزلك لوّه من القوم قم له

من طاب لومابينكم لِحمه ودم
لاجاك ضايق يالعديم ابتسم له


فلاح بن مشوط

‎
‎

رد: فوق هام السحب ( الشعر الشعبي) على متن القوافي
 

لوكان حُب النـاس لِك فوق الخيال
وسمعتك بين الناس ياقوت وذهب

ولوكان لك منصب ولك عزوه ومال
ولوكان لك فالناس جاه ولك نسـب

احذر مريض النفس وخْبول الرجال
فالنّـاس تلقا كارهيـن ابلا سـبب

نقرأ ونكتـب ونتفنن فـي المقال
كـم واحدٍن يجهل وينسـٰى ماكتـب


حمود الذويبي

رد: فوق هام السحب ( الشعر الشعبي) على متن القوافي
 

يـا مـن تـباطيت الفرج مامن بطى
عـلى اتـجاهات الفرج حث المسير

الله خـلـق و الله مـنع و الله عـطى
سـبـحـانه الـقـادر ولا غـيـره قـديـر

اللي جعل ليل الدجى ستر وغطى
مـاخاب مـن يـرجيه بـالثلث الأخير


سعد المخلفي

‎

رد: فوق هام السحب ( الشعر الشعبي) على متن القوافي
 

اقـفـل ابـوابـك تـرا الايـام تـاتي بـالـهـبـايـب
وعرف اسبابك ترا جهلك يجيب الك الهزيمه

والحكيم اللي تـدارا قبل ياقع بالـمـصـايـب
يعرف اسباب الرداوالنفس من خلقةسليمه

ولا تصاحب جـاهـل افعاله ولو كنتو قرايب
اترك اللي يجهل اسباب الفعل فعله غريمه


تركي الحرازه
‎

رد: فوق هام السحب ( الشعر الشعبي) على متن القوافي
 

دنياك ماتصفي ولا الناس يصفون
اصـــبر على وقتـــك بحلـــوه ومره

قلـــيل من يفـــزع ليا قلت تكفون
ويا كثـــرهم ما حـــركت فـــيه ذره

لا تشكـــي الدنيا ولا تطلب العون
الا من اللـــي خـــافــين عنك سره


ِتركي الحرازه

رد: فوق هام السحب ( الشعر الشعبي) على متن القوافي
 

المراجل تبغي الرجل يلقفها لقف
لو هدومه مستعاره ورجله حافيه

والصحيب الي يجمل صحيبه لا وقف
ودنــابـــه مــثل مــاودنـــا بالــعافيه


عبود بن سعد بن جدلان

رد: فوق هام السحب ( الشعر الشعبي) على متن القوافي
 

خلوني ارقد في مداهيل جرّاح
واحط لي وسط الطريق استراحه

يمكني ادله باقي الوقت وارتاح
لو كان مافي جور الايام راحه


عبدالله العير
‎

رد: فوق هام السحب ( الشعر الشعبي) على متن القوافي
 

اختلف طبع الرفيق وبانت علومن خفايا
وصارت الطيبه ضعافه عند منهو يفتقدها

الذكي صار يتغابا والغبي قام يتذاكا
وراعي المنقود ينقد غير نفسه ماحسبها

والحكيم الي فهمها والرفيع الي تحاشا
والضعيف الي تحسس من كلامي وانتسبها


فيصل الحرقي

رد: فوق هام السحب ( الشعر الشعبي) على متن القوافي
 

صباح آلأحترآم وخآلص آلود وآلتقدير
لكم كلكم وآللـه على آلخير يجمعنآ

عسى آلله يصحـح غلطة مآلهآ تبرير
وعسـى آلله يعدي كلمة مآلهآ معنآ

رد: فوق هام السحب ( الشعر الشعبي) على متن القوافي
 

الله يـصبحـكم من الخيـر بالخيـر
ويكتب لكم طيب الحياه وسعدها

ويكفيكـم شـرور الـزمن والمقادير
ويـرزقـكـم الـجنـه و زايــد رغـدها

رد: فوق هام السحب ( الشعر الشعبي) على متن القوافي
 

الصاحب اللي في نواياك شكّاك
ومن كثر ما بـررت لـه ما تطمّن

لو كنت تعتبره حزامك ويمناك
أترك مقامـه يـنـحـدر ويتطمّن

ماهو بشرط أنك تفسّـر نواياك
وخل الـذي يبغى يخمّن يخمّن


عبدالله حمد

‎

رد: فوق هام السحب ( الشعر الشعبي) على متن القوافي
 

الليالي غـادرت بالقـرايب و الصّديق
كم قريبٍ ذاق فرقا قريبه و أصدقاه

لا تضايق وسّع الصدر و الدنيا حريق
من يفـكّر فالنّـوازل بيبطي في شقاه

ولا يردّك ما ترى من عوايق فالطريق
الجبل من ينظر أحجار سفحه مارقاه


عبدالله الشلوي

رد: فوق هام السحب ( الشعر الشعبي) على متن القوافي
 

سبحانه اللي يزرع بذور المحبة فالقلوب
واليا عطى عبده قبول الناس جاته مقبلة

بعض الآوادم تقبله لو فيه شي من العيوب
وبعض الآوادم لو تحااول تقبله ما تقبله


......

رد: فوق هام السحب ( الشعر الشعبي) على متن القوافي
 

ماتضيق صدور والدنيا وسيعه
والله أرحمْ بالعباد اللي خلقها

فارج الشدات مداته سريعه
كل نفسٍ من عطى جوده رزقها

يربح اللي يعبده وامره يطيعه
ويخسر اللي صد والدنيا عشقها

كل شخصٍ له مزاج وله طبيعه
والله الخلاًق وعباده فرقها


سعود الحربي

‎

رد: فوق هام السحب ( الشعر الشعبي) على متن القوافي
 

صبرنا على قل الدراهم وكثر الدين
وحفظنا شيمنا عن اللاش و ازعاجه

نسلّف و حن متسلّفين و محتاجين
ونفزع لـ راع الحاجه وحن على حاجه


غريب الحبابي

رد: فوق هام السحب ( الشعر الشعبي) على متن القوافي
 

المجد يبغى فعل والفعل يبغى ولد
كثر الحكي والمدايح ماتكبّر صغير

والياهرجت الحقيقه ماعلي من أحد
مايزعل من الحقيقه واحدً فيه خير


بدر العائذي

رد: فوق هام السحب ( الشعر الشعبي) على متن القوافي
 

يالواحد المعبود رجواك والياس
ماهو لرحلة عمرنا في سفرها

خلقتنا من طين أنواع وأجناس
وقبورنا تعرف من اللي حفرها

يالله بعفوٍ منك ماهو من الناس
تمسح جميع ذنوبنا وتغفرها


مبعد الحوم

‎

رد: فوق هام السحب ( الشعر الشعبي) على متن القوافي
 

باقي شرايد عز في بعض الوجيه
أغلب وجيه العز راحت بالقبور

قفوا هل الرأي المصوقر والوجيه
اللي بهم رأي المهمات مخبور

الله من عودٍ إليا ضقنا نجيه
من قبل لا تمسي ليالينا دبور


مبعد الحوم

‎

رد: فوق هام السحب ( الشعر الشعبي) على متن القوافي
 

نجّتهد والله لا يحرمنا رضاه ولا قبوله
نعرف الواقع ولا نقدر نغيّر مجرياته

والبنادم لا طمع في شربةٍ ماهيب حوله
لو جرت من تحته الأنهار ماتقطع شفاته


ذائقه

رد: فوق هام السحب ( الشعر الشعبي) على متن القوافي
 

تفوّح الأرض من شدة حرارتها
اجل جهنم وش تساوي مع الكنه

أن كان هاللي وصلنا فيح زفرتها
مسكين رجّال ما يبكي على الجنه


غالب الظاهري

‎

رد: فوق هام السحب ( الشعر الشعبي) على متن القوافي
 

للراحلين جروح تبقى مع الوقت
ولا فيهم اللي رغم جرحه ذبحني

انا ذبحني شخص فاقده لا ضقت
اللي رحل عني وهو ما جرحني


......

رد: فوق هام السحب ( الشعر الشعبي) على متن القوافي
 

ودك الرجال لا منّه زِعل يحفظ لسانه
ويكرم اسماع الرجال من المسبّه والشتيمه

التشفّي بالهروج العوج نوع من الاهانه
والحكي في حزة الشيطان عاقبته وخيمه


ظافر بن فرحان

رد: فوق هام السحب ( الشعر الشعبي) على متن القوافي
 

ياجاهل أحـداث الليالي على وين
الوقـت شيـن وغفلـة القلـب علـه

لا تاخذ الدنيـاء ولا تتـرك الـدين
أخـذ النصيـب وباقي العمـر خلـه

أن زأنت أيامـك هذا حظك الـزين
وأن شانت أخذ العـز قبل المـذله

ضيم الزمان يشيّب الرمش والعين
وضيـم الرجـال يشيّب الـراس كلـه


ماجد المسعودي

‎

رد: فوق هام السحب ( الشعر الشعبي) على متن القوافي
 

ماعاد حنا ياسعد مستريحين
وأيامنـا ماغـيـر تـطـرد ورانا

لـو أنهـا زانـت لنا يوم يومين
جابت خبرنا قبل ياصل سرانا

شبنا وشيّبنا على سن عشرين
وانته تقول الشيب وش لون جانا

ولا عاد ندري ويش حنا مسوين
عز الله أنا صدق دوب أستوانا


ماجد المسعودي

‎

رد: فوق هام السحب ( الشعر الشعبي) على متن القوافي
 

أذا شفت شي يعجبك قول ما شاء الله
ترا العين حق وسنة المصطفى سنه

عسى كل مسلم حي ما يطلبه يلقاه
وعسى كل مسلم مات مثواه للجنه


سلمان بن رازن

رد: فوق هام السحب ( الشعر الشعبي) على متن القوافي
 

الضيقه أحيان من لا شي تبلاني
وأنا بلا شي فيني ما يكفيني
ِ
أسألك ربي تخفف جملة أحزاني
وتدخل على قلبي الفرحه وتهديني


......

رد: فوق هام السحب ( الشعر الشعبي) على متن القوافي
 

تـرى الصـلاه بـوقتـهـا راحـة البال
احفظ عمـاد الدين فيها نجـاحك

حيـّا على الصلاه تبي لـهـا إقبـال
وحيـّا على الفـلاح فيـهــا فـلاحك

صـلاة مودّع صلّ يا طيّب الفـال
تـرى صـلاتك نور فيهـا انشراحك


......

رد: فوق هام السحب ( الشعر الشعبي) على متن القوافي
 

أجمع جميع الخطايا وأدخل الجامع
إللي به الناس كل أسبوع مجتمعه

ماجيت بيت الكريم ألّا وأنا طامع
يغفر ذنوبي من الجمعه إلى الجمعه


......

رد: فوق هام السحب ( الشعر الشعبي) على متن القوافي
 

مـاني بحاجة خـويٍّ تـارك السنّة
ما بين لهـو الحياة وبين شيطانه

محتاج خوّه تساعدني على الجنّة
ما بين قال الرسـول وقال سبحانه


......

رد: فوق هام السحب ( الشعر الشعبي) على متن القوافي
 

لاحـــدك الوقت الردي للردى عي
تــرى الردى وشــمٍ على وجه راعيه

ولا شفت من ياكــل لحوم البشر ني
جنب طـريقـه وحـتـرص لاتـبـاريــه

ولا تضحك وتشمت اليا شفت مبلي
احـمد وليــك وطلب الله يعــافيــه


محمد الخمعلي
ِ
ِ ‎

رد: فوق هام السحب ( الشعر الشعبي) على متن القوافي
 

اللي زعل من غير سبه مايرضى
لاشايلٍ همه ولاني بمرضيه

ولاله عليه ميت النار فرضا
يفرض علي الصلح خابت مساعيه

لاخذت مال ولا تقفيت عرضا
ومن صد انا ماعاد لي لازمٍ فيه

ناسن ركبها ابليس وقلوب مرضا
وكلن مصيبه كبر وبليس مغويه


زايد بن محيا

رد: فوق هام السحب ( الشعر الشعبي) على متن القوافي
 

يا بو علوم ان كان تبغى علومي
سبّح وهلل ماانت لاقي لك علوم

الموت ياكل فالرياجيل يومي
وانته تبربر فوق راسي من اليوم



مستور المقاطي

رد: فوق هام السحب ( الشعر الشعبي) على متن القوافي
 

كنّا شبابٍ مثلكم ثم شبنا
والله إن ياتي دوركم ثم تشيبون

بيتٍ على الدنيا من الطوب يبنى
لابد ما يخرب وراعيه مدفون


عايد رغيان الشراري

رد: فوق هام السحب ( الشعر الشعبي) على متن القوافي
 

الناس مايعطون في ذمتي خير
وان ماخذوا منا تري ماعطونا

قلوبنا فيها النوايا مغاتير
لكن علي فل الحجاج احسدونا


محمد السليس

‎

رد: فوق هام السحب ( الشعر الشعبي) على متن القوافي
 

لاتقدّر غـيـر من يحرص على تقديرك
لجل تلقى في عيون الناس قدر وشيمه

ماشين من انك تدوّر من يدوّر غيرك
غير فقدانك لـ وصله فاقداً لك قيمه


عمر العطاوي

رد: فوق هام السحب ( الشعر الشعبي) على متن القوافي
 

انا من يصافيني عطيته عيوني ذي
ولا والله أيحصل جفيًا وثقل وزوم

أعرف أعطي حقوق الوفاء وأخذ اللي لي
علي شان أجي محشوم وأمشي وانا محشوم

ولا أحب أجامل والمجامل شعورٍ سي
أحب أيقض عيون الصراحه وأطير نوم

لنا أوجيهنا اللي ماقصرها من الله شي
ومعنا خشومٍ ماتـدنًق تحب خشوم


مشيع بن فهيد

رد: فوق هام السحب ( الشعر الشعبي) على متن القوافي
 

لاتكاثر ماتسـوقه فالمجال الطيـب
الثمن فالطيّب غالي والرداء مجاني

الـدروب ثنين والاول ماهوب قريّب
يتّعب اللي نظرته يم الطريـق الثاني

والفتى من طيب راسه فاللزوم يغيّب
ماحسب للي يخسّره فالزمان الفاني

كل همه يعتلي فالنعم قبل يشيـّب
ماحداه عن الشموخ ملهي الرّعيـاني


لاحق العضياني

‎

رد: فوق هام السحب ( الشعر الشعبي) على متن القوافي
 

الصاحب اللي كل ماجيه يرتاع
يحسّب إني جيت محتاج حاجه

يبدأ يسولف عن همومه والأوجاع
ويشين وجهه ويتعقد حجاجه

يشكي ويتذمُر على سوء الأوضاع
ويضيق صدره ويتعكر مزاجه

خوته نقصٍ مابها زود مطماع
مامن ورآه إلا الغثاء والسماجه


النجم العالي

‎