رد: اخترنا لكم
 

حبك اللي كف نفسي عن دروب الضياع
لايوردني على الموت فالفصل الأخير

كِثر خيرك في فقيرٍ لقى الدنيا متاع
واغتنى من بعد حبك وصار أغنى فقير

.....

رد: اخترنا لكم
 

فمان الكريم وفرصة العمر ماهي دوم
‏يادار ربت روح الغلا في مشارفها

‏آجيها وانا متشتت وضايق ومهموم
‏واعود وكبدي ميسم الشوق ناصفها

على اطلالها خليت ضحكة ولذت نوم
وراحة ضميرٍ جاير الفقد خاطفها

.....

رد: اخترنا لكم
 

ياخليل القلب ماعاد يصلح له خليل
غيرك الله يقلع اللي ليا عاهد يخون

لاتجاملني ترا قلبي أحساسه ثقيل
لو تقول أهلاً وسهلاً يحس انه يمون

أنت لو تدري بحبك طلبت المستحيل
مستحيلً عندك وعندي أهون مايكون

.....

رد: اخترنا لكم
 

قبل تطرق باب فرقاً ما يقفاها رجوع
اتّزن حتى تفكّر بعقل المتّزن

كل حاجه ترجع الا المكانه والدموع
ما تطيح الا يصير المقام بلا وزن

لا تكابر و الحقيقه ورى باب الضلوع
ابيَن من اثْر الندى اللي عقب وبل المزن

ليه اهدّك في سبيل الجفا والحزن طوع
وانت وجهك و الله انه يحنّ من الحزن

.....

رد: اخترنا لكم
 

يجرّ المشاعر في مساريك خيط الصوف
‏لو ان خطوة احساسي معك خطوة المنهي

‏انزّل غلاك بمنزلة راعي المعروف
‏على كل يومٍ كنت في فرحته مرهي

‏الى استوطن احساسك من البعد لحظة خوف
‏تذرّى عن الخوف وعن الشك في وجهي

.....

رد: اخترنا لكم
 

‏خلٍ صناديق صدري منه مختلّه
‏بطّل علي الهوى مع كل بيبانه

‏لين احترق زرع قلبي وانصرم كله
‏والقلب وش خانته لا راح بستانه

‏قلبً شعاه الغرام وصادفه عله
‏ماله اعلاجٍ يلين يشوف خلانه

.....

رد: اخترنا لكم
 

‏نبتسم في وجه الأيام لو مابه حصيل
‏خاطر الطيـّب ما كل الظروف تكدره

.....

رد: اخترنا لكم
 

لا تنادي للمقفي ولا تهيم بكل وادي
القلوب اللي تحبك ماهي بحاجة عزيمة

.....

رد: اخترنا لكم
 

‏أمان الله على قلبٍ ذخر كل الكلام سكات
‏علشان العمر يمضي على قولة محبينه

.....

رد: اخترنا لكم
 

الوضع مثل ما قال بن جدلان

مرةً اشلا ومرً يعاودني بلاي

.....

رد: اخترنا لكم
 

‏دنياك ماهي بدايم وجها صافي
يجي لها يوم ماتعرف ملامحها

.....

رد: اخترنا لكم
 

تراني واذا غرّبت عنك ولو شرّقت
على درب غيرك ماخذا القلب منهاجه

يقولون بلقى لك شبيه بس ماصدقت
شبيهك على وضح النقى وقّف انتاجه

.....

رد: اخترنا لكم
 

تمرك العابرين وماتسلم عليك
إلا غريب طوته الأرض بسنينها

قال انت جالس لحالك تنتظر من يجيك
قلت انتظر نفسي اللي ما اعرف وينها

.....

رد: اخترنا لكم
 

‏ما ودي أنك تواخذني على إهمالي
‏أنا شعوري غريب وحرتي حرة

‏نفسية الشاعر اللي مالها والي
‏تزين وتشين فالساعة مية مرة

.....

رد: اخترنا لكم
 

شاورتني وانا بلا شور وياك
إرضاك بندٍ من بنود ارتياحي

وعتابي ومشروهي الصلف يفداك
لو ان مراحك ما يشابه مراحي

والله مافيني شده اقول وش جاك
انا مريض وتو ما صرت صاحي

لي مده مطفّي مواطير الادراك
ومسلّم شراعي لرغبة رياحي

والحمد لله وسلامتك واعفاك
صلاحك ابدى من رضاي وصلاحي

الله معك لو كان موضوع فرقاك
يبي دراسه من جميع النواحي

.....

رد: اخترنا لكم
 

الوضع له مده من العين معيوف
ياوقتي الحالي ووقتي هذاكا

انا نشبت بزحمه احلام وظروف
من كثرها نسيت كيف اتراكا

.....

رد: اخترنا لكم
 

خلوا الهايم يهوجس ويتمتع في هيامه
كل ماعادت به الذكرى وليل الحزن هوّد

والحبيب اللي كلام عيونه أكثر من كلامه
ودي أمسك كل لحظه في وصاله واتجوّد

في غيابك جالس أدوّر على نص ابتسامه
قال خايف قلت أخاف انك تروح ماتعوّد

.....

رد: اخترنا لكم
 

يا رب وأنا من عناي استجيرك
عبدك، وهاجدني من الضيق هاجد

طمَّاع في مغفرتك وجود خيرك
وفي خاطري حاجات ماهيب واجد

تغنيني من الحاجة اللي لغيرك
وأحيا على طاعتك واموت ساجد

آمين

رد: اخترنا لكم
 

طراة الحياة ولذة العمر لا سجيت
مع ارضٍ تسر النفس والعين شوفتها

ِفجوجاً تمد الشوف من حيث ما لديت
بعيداً عن ازعاج المدينه وضجتها

.....

رد: اخترنا لكم
 

فيني من الحزن ما ينزف على شفاهي
وفيني من الشعر ما ينزف مع العبّره

أحاول أعيش في الدنيا وأنا ساهي
لكن إذا صرت بالحالي وشهي الدبّره

.....

رد: اخترنا لكم
 

يوم أنا مالي من الدنيا سوى وجهك زهاب
عن حمولك هاك متني واللّي في بالك قله

إيه يا فرحة وصول الحلم وأعتاق الرقاب
وأثمن أقدار السنين الماضيه والمقبله

.....

رد: اخترنا لكم
 

ياليت عيني تشوف وياليت قلبي حجر
ما كان أشيل البشر وفي كل مره تطيح !

مابعد سود الليالِ الا بياض الفجر
ومابعد زيف الكلام إلا الكلام الصريح

.....

رد: اخترنا لكم
 

نكتم شعور قلوبنا من حيا الروح
دام الأمـانـي بـالمحاني كثيره

احيان نطريها على البال وتروح
واحيان تطغى بالخفوق وتثيره

.....

رد: اخترنا لكم
 

المعزه بين الاصحاب كنز وراس مال
علمـوا من يجهل العلم هـذا علمـوه

ما جهلنا في ‎حقوق الرفيق بكل حال
لا حداه الوقت جيناه لامن هملوه

.....

رد: اخترنا لكم
 

‏الحقد في قلب السفيه متخبّي
مايطلع الا بعـد خطـه وتهريب

عن الحقود اعطيك تقرير طبي
من راسه لرجليه كله عذاريب

.....

رد: اخترنا لكم
 

‏فهمت الحياه وعشت في مدرسة الايام
‏من العمر مايكفي مواجه خوافيها

‏من العزم أمد النفس بالصبر والاقدام
‏ضعاف العزايم ماتبيني ولا أبيها

.....

رد: اخترنا لكم
 

ومن يقول العيب لو خلّص الجيب
العيب لو مالك حرام إكتسبته

والعيب الأكبر بس لو تعرف العيب
انك لربّك بالزمن ماعرفته

.....

رد: اخترنا لكم
 

‏سـمعـة الرجّال أغـلى من حياته
‏وطيبته لو طاب لك من طيب فكره

‏وموتت الرجال ماهي في وفـاته
‏موتتـه لا مات بين الناس ذِكره

.....

رد: اخترنا لكم
 

‏يالعنبو الرديان واحد واحد
من تردى ودك انه خارج الجنسيه

لاكريم ولاشجاع وللجمايل جاحد
شوفته نقص وتجيب العله النفسيه

.....

رد: اخترنا لكم
 

‏يالله إني في ذراك من الفقر والحاجة
ومن وجيه تضحك بوجهي وهي تكرهني

ِومن رفيقٍ ما عرفنا علته وعلاجه
كل يوم يذمني و إن شافني يمدحني

.....

رد: اخترنا لكم
 

‏أقبل على التوبه قبل يقبل الموت
ترى حياة العبد ماهي طويله

تشوتك الاقدار في بحرها شوت
وتغيب شمسك بين يومٍ وليله

.....

رد: اخترنا لكم
 

‏أيام تاخذنا من الشوق للتيه
‏خلت مشاعرنا الجديده قديمه

‏والموعد اللي ماتت احلامنا فيه
‏ماكان موعد كان مسرح جريمه

.....

رد: اخترنا لكم
 

صحيح الخطأ وارد لكن الأسف مطلوب
ماهو عيب لازليت ثم جيت متأسف

لكن لا تحاول تلبس الثوب بالمقلوب
تزيد الخطأ بعناد وتصير متحسف

.....

رد: اخترنا لكم
 

الناس تاهت في وسيعات الدروب
‏ومن لا تعدّل في خطاويه يغدي

‏أكثر من يسولف عن الصدق الكذوب
‏وأكثر من يسولف عن الطيب الردي

.....

رد: اخترنا لكم
 

المحبة فالصدور اللي تحب ولا تغير
فطرة ما يعرفون أسرارها جيل الإضافة

سرها نبض القلوب اللي تطب ولا تخير
ويسترها وعي العقول اللي تعددها تعافه

أعذريني ماقدر اسير وانا ماني بسير
لين اجي مع باب مقداري قبل باب الضيافة

.....

رد: اخترنا لكم
 

أنت الحشيم العديم النادر الناهي
‏غيرك من الناس لا شفي ولا لي به

الحبابي

رد: اخترنا لكم
 

على كثر ما غنىّ المغنى على ليّلاه
‏معايير راحة خاطري ماهي بواجد

‏أبي فرحة إللي رده الله على مرباه
‏وأبي راحة إللي هل دمعه وهو ساجد

الحبابي

رد: اخترنا لكم
 

‏أمسيت أكبّر هقوة المشتاق فالصبح السعيد
‏وأصبحت وأنت أبعد من البارح ومن عوّادته

.....

رد: اخترنا لكم
 

‏مابين الصعب وبين الخوف والتجريب
‏أحاول ما أميل بيوم ولا تتشرد أفكاري

‏أمرّ بمرحلة صح أو خطا أو صدق أو تكذيب
‏كأني تايه في شيء ولاني عارف أقداري

‏أنا يارب ما أدري وش اللي ينكتب بالغيب
‏ولكن رحمتك أكبر من اللي فيه أنا داري

آمين

رد: اخترنا لكم
 

‏ما قبلك حدٍ عوّد لعيني بعد ماطاح
‏ولا بعدك إلا الضحكة اللي مضيّعها

‏إذا أن الحياة اللي معك هم ماينزاح
‏أبعيشها بهمومها وبمدامعها

‏تمادى السكوت اللي دفنته ورا الأفراح
‏هذي ضحكتي لي عام وأنا أتصنعها

‏دفعت الثمن في لحظةٍ عشتها مرتاح
‏أبضيع فيها وضاع كل العمر معها

.....