رد: اخترنا لكم
 

لاتنشد الساكت وش فيه ومافيه
يغني عن سكوته سوالف عيونه

مثل الشجر لاحتاج للإنسان يسقيه
ساكت ونعرف حاجته من غصونه

.....

رد: اخترنا لكم
 

‏يسعد مساكم بالقصايد والأبيات
واجمل حروف الشعر واجمل قوافي

والورد والنرجس من القلب باقات
من قلب صافي للقلوب الصوافي

.....

رد: اخترنا لكم
 

‏لاضاق صدرك واختلف جو دنياك
وشفت الحياه بنظرة العين شانت‎

أسجد لمن يعلم بسـرك وبلواك
وبعد السجود تقول كبرت وهانت

.....

رد: اخترنا لكم
 

فيها الدلع والزين ماله تصانيف
كن الجمال اليوسفي في كفوفه

هيبة ورزه في عيون الملاقيف
وطفله ودلوعه بعيني عطوفه

فيه شموخ العاديات المصانيف
الي من صنوف الاصايل صنوفه

.....

رد: اخترنا لكم
 

ظالم ومتكبر...

ياليت ما حبيت ولا بالحب غويت
ولا منحت القلب من لا يرحمه

ظالم و متكبر كمثله مارأيت
الزنط طبعه والغرور والهنجمه

بالقلب حطيته وفي قلبه اويت
يوم كان يفهمني وانا كنت افهمه

زرعت حبه في الحنايا وسقيت
وعلمته في العشق مالم يعلمه

نظمت اشعاري بحبه بيت بيت
وفي خيالي كنت امسي ارسمه

ذكره على بالي يصَبِح لاصحيت
وان اتاني النوم امسيت احلمه

انا على عهدي وميثاقي بقيت
وهو نسى عهده وعذب مغرمه

سخى بتعذيبي وانا به ماسخيت
وما كان ظني فيه اني اعدمه

انا الذي بالحب على نفسي جنيت
وما دمت انا الجاني ولا لي مظلمه

كيف اشتكي بالحب وحتى لشتكيت
من هو غيريمي غير قاضي المحكمه

بالبخس من اغليت بابيع ماشريت
وامحيه من بالي وراس القائمه

بطوي حبال الحب واقول اكتفيت
قلبي المعذب تاب مِن مَن تيمه

يكفي الذي قد صار منه وما لقيت
طول الليالي الحالكات المظلمه

يحرم على قلبي يحبه ما حييت
ذي ما رحم قلبي انا كيف ارحمه

.....

رد: اخترنا لكم
 

يا ساكت وفي داخلك معركه بوح
خل السكوت يموت بأحضان بوحك

إن كنت تشكي بالخفاء عشق وجروح
غيرك يموت بصمت في عشق روحك

.....

رد: اخترنا لكم
 

ياوقت طمـني عـلى نــاس غالـيـن
واحمل مع نبض المشاعر سلامي

اللي لهم موقـع بقلـبي وفي العين
يسعدهم الله دون ذكـر الاسـامي

.....

رد: اخترنا لكم
 

‏ﺳﻠﻤﻮﻟﻲ ﻋلى اﻟﻠﻲ ماﺗﺸﻮفه ﻋﻴﻮﻧﻲ
ﻓﺮﺣﺔ ﺍﻟقلب ﻋﻨﺪﻱ ﻳﻮﻡ طيفه تهيا

كاﻥ ﺭﺩﺍﻟﺘﺤﻴﺔ ﻋﺠﻠﻮﺍ ﺧﺒﺮﻭﻧﻲ
ﺑﺲ ﻵ ﺗﺤﺮﺟﻮنه كاﻥ باﻟﺮﺩ عيا

.....

رد: اخترنا لكم
 

ما فيه هم إلا مع إلصبر ينزال
ولا فيه جرح إلا مع إلوقت يبرى

نصبر ورب إلناس هو يصلح إلحال
ربي يقول إن مع إلعسر يسرى

.....

رد: اخترنا لكم
 

احفظ حقوق الجار خلّك له سلاح
قاله رسول الله بحكمة فصيحه

والصمت حكمة والصبر خير مفتاح
والعدل ميزان العقول الرجيحه

.....