رد: اخترنا لكم
 

‏لو يردّك دمع سيّلنا لك بحر
‏ ولو يردك صوت صرنا لك رعود

‏يرحمك ربي عدد قطر المطر
‏وعدد حبات الصحاري والنفود

‏وعدد ماكبر على القبله بشر
‏وعدد ركعات المصلي والسجود

آمين

رد: اخترنا لكم
 

عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

.....

رد: اخترنا لكم
 

‏ياعميقه في زمان الفارغين
‏أنتي وحده صح في عالم غلط

.....

رد: اخترنا لكم
 

‏من الماضي وانا وياك للمستقبل المجهول
‏اعالج كل جرحً وسط قلبك ناقلً همه

‏مع ان قلبي غدا كنه جسد سيف الله المسلول
‏ماتلقى موضع الا فيه جرحً نازفً دمه

.....

رد: اخترنا لكم
 

‏مابين غفلات الضميّر وبين لحظات الجنون
‏رجعت أعدل غلطتي لو أنها ب لحالها

‏والله معاد أطرد ورى ذيك الهقاوي والظنون
‏الى متى والنفس تطرد بطيشها وهبالها

‏الناس والدنيا ودورات الليالي من تكون
‏ماطيّبت فالي عشان اقوم اطيّب فالها

.....

رد: اخترنا لكم
 

فمان الله والعذر السمين أبلغ من التبرير
‏عفى الله عن خطايا اللي خطايانا على شانه
‏
‏فمان الله يالغصن اللّيان اللي هَجرك الطير
‏هذا طيرك يبلغك السلام بروس جنحانه

‏سمحت من المحبه وانت سامحني على التقصير
‏وصلنا آخر حدود العشره اللي مالها خانه

.....

رد: اخترنا لكم
 

‏على الهون يازهرة شبابي وتو الناس
‏علام العمر يمضي والافراح منسرقه

‏تلّج الطواري كل ماذعذع النسناس
‏على واحدٍ بين العرب واضحٍ فرقه

‏شعور المسافة بين حبل الرجا والياس
‏شعور المسافر كل ما طالت الطرقه

.....

رد: اخترنا لكم
 

‏ما ذبحنا الا الحيا والثقل طول السنين
‏لين راحت كل الاحلام مرواح القطاه

‏يا وجودي ليت قلبي مثل عقلي رزين
‏ اعذروا قلباً من الوقت جاه اللي كفاه

‏فيه من شر المخاليق سحر وحسد عين
‏وفيه من شيمة ذوي عون مايجبر عزاه

‏المهم اني لهالحين يجذبني حنين
‏ للسنين الاوله يوم للدنيا طراه

.....

رد: اخترنا لكم
 

‏ياغريبه ويش أسوي وانا شاعر حزين
‏يوم شافك قال قلبه لقلبك ياهلا

‏والله انه مايزين قصيد المبدعين
‏غير وجه ياخذ العقل وينقط حلا

.....

رد: اخترنا لكم
 

‏وانتي يا ملفى الشعر والملح والقبله
‏اعاتب الحور ولا المبسم الصافي

‏آمال ليلى وقيس وعنتر وعبله
‏راحت مثل ريش طيرٍ في طرف سافي

‏ما دام ما فيه لا مشلح ولا دبله
‏سمحت واللي مضى من طيشنا كافي

‏نحرك ساحة حرم وشفاهك القبله
‏لكنّي آثرت دين آبائي واسلافي

.....

رد: اخترنا لكم
 

‏عيطموسٍ وصفها فاق عن كل الوصوف
‏من روايع حسنها تذهل عقول الرجال
‏
‏لا عرض لي زولها ويش أطالع ويش أشوف
‏عود ريانٍ ليا هبّه النسناس مال

.....

رد: اخترنا لكم
 

‏حط لهقوتك في معظم الناس حد وقيد
‏لاترجع مع الاوهام في حرب ومشاجر

‏ضياع العشم يأثر على البال بالتنكيد
‏مثل ما السهر يأثر سواده على الحاجر

‏بعضهم حبال الوصل تمدي معه وتزيد
‏وبعضهم سلام وانت هناك ومواجر

‏احد جيّته لك عيد واحد ٍ مراحه عيد
‏مابين الغلا والكره ومقيم ومهاجر

.....

رد: اخترنا لكم
 

‏الكـون أصبح ، وأصبـح الملك لله
‏والفجــر شع بنــور صبح التباشير

‏ومنهو سعى للرزق في صبح مولاه
‏ارزقه يا ربـــي من فضلك الخـــير

آمين

رد: اخترنا لكم
 

مسيتو باجمل بيوت الشعر واكملها
‏اللي تشيل الغلا والحب واشواقي

‏تجيكم ووصوفكم العذبه تجملها
‏مثل ورود الربيع اللي على الساقي

مني لكم....

رد: اخترنا لكم
 

‏تابعني بصمت اذا لك رغبةٍ فيني
‏وسكر على ذكريات اسمي مع اسمك

‏غالي ولكن طلبتك لا تلاحيني
‏ماضنتي يتفق حسي مع حسك

‏انا مع نفسي ادور مداويني
‏اسلمني الضيقه وخلك مع نفسك

‏محبتك درس واثاره على عيني
‏شكراً جزيلٍ لك وشكرا على درسك

.....

رد: اخترنا لكم
 

‏خلّ صوتي منسجن لين ما الله يعتقه
‏خلّني معزول الاحداث يالقلب النصوح

‏راثعٍ في البال طاري وفي الصدر اغلقه
‏وان بغيت اروح والله مدري وين اروح

.....

رد: اخترنا لكم
 

نفوسنا سمحه ونياتنا بيض
‏واللي يجي بقلوبنا بألسنتنا

‏ونقول قول الحق لو انه يغيض
‏هذي معادنا وهذي سمتنا

.....

رد: اخترنا لكم
 

‏شعوري الليله شعور البدايه
‏بين القديم من السكك والمنازل

‏غريب ماله من ورا الناس غايه
‏وبينه وبين الواقعيه عوازل

‏راحت حياته ينتظر والنهايه
‏يوم اقترب من كل حاجه تنازل

.....

رد: اخترنا لكم
 

‏العالم إللي تشغل العالم بتحليل الكلام
‏ودك تعزّيها على فقد الثقه فنفوسها

‏والله ما ندري مشكلتها وسوسه ولا إنفصام
‏ولا الرخامه منتشر فيروسها في روسها

.....

رد: اخترنا لكم
 

‏لا يهمك كلّ نفسٍ للجفا متجهة
‏القلوب الحانية وقت القسى معروفة

‏والله انّ اللي يحبّك تعرفة من وجهه
‏نظرتة فيها حنان وبسمتة مألوفة

.....

رد: اخترنا لكم
 

‏قمت اتذكر من الماضي بعض مانسيت
‏واكثر مايأثر علي فالحاضر اللي مضى

‏والصاحب اللي رضى يبعد وانا مارضيت
‏لكن جبرت ابتعد وارضى مثل مارضى

‏اتلى العهد به يقول اكلمك لافضيت
‏واليوم قد له سنه واكثر وهو مافضى

‏فيه الرجى ماقضى وانا مابعد قضيت
‏لكن حبه وتقديره هو اللي قضى

.....

رد: اخترنا لكم
 

‏رحلة خيالي تسافربي بليّا حدود
‏على مرابي طويلة عنق ومعرّبه

‏حوريةٍ جابها الله من جنان الخلود
‏جتنا زياره تشوف الكون وتجربه

.....

رد: اخترنا لكم
 

‏الهوى لذّته في طيشه وفي هباله
‏ولذّة اول شعور وربكة أول دقيقه

.....

رد: اخترنا لكم
 

‏حطني بين المعنق وبين الخوختين
‏وانثر السود الجدايل عليّ وفلها
‏
‏يا جميل الوصف عز الله ان الزين زين
‏رش روحي من سحابك وكبدي بلها
‏
‏الصباح اللي جمعني معك له طلتين
‏وانت والصبح اجمل ايات ربي كلها

.....

رد: اخترنا لكم
 

‏مامالت الأرض فيني وإستقرّت سماي
‏عشان آخايل بْكل منهو لمع بارقه

‏يستعذبك قلبي المُضنى ولي فيك راي
‏تأثيره أقوى عليّ من سحر الآفارقه

‏معاي ماكنّك إلاّ من هلي وإخوياي
‏ياشمس لو تظلم الدنيا عليّ شارقه

‏وشلون أبجحد معاريفك عليّ ومعاي
‏وأنتِ نبيلة شعور ووقفتك فارقه

.....

رد: اخترنا لكم
 

‏ان فرشت عمامتي من محبتك وغلاك
‏لأنّها اقرب شي مّما يوالي هامتي
‏ِ
‏غير احس اني مقصّر بقدرك يا ملاك
‏ودي احط لك كبدي ماهوب عمامتي

....

رد: اخترنا لكم
 

‏لعلك بخير وعافية وتحيا وتدوم
‏بركات صوتك كافية والوصال ابرك

‏احبك قبل يبرك على صدرك الجاثوم
‏أنا احق منه بالزيارة وبالمبرك

.....

رد: اخترنا لكم
 

‏لك عدة ايام واسلوبك معي سلبي
‏وتشك في دايم ونفسي فلا شكت

‏لاتهوز قلبي على الفرقا ترا قلبي
‏اصمل من البندق اللي مابعد لكت

.....

رد: اخترنا لكم
 

كل الدروب اللي تودّي لودِّي
من دونها سبعة بحور الكرامة

.....

رد: اخترنا لكم
 

‏بعض البشر لا غاب عن ناظر العين
احـس كل الناس في الكـون راحت

وبعض البشر لو غاب ايام واسنين
مااشتاق له قلبي ولا النفس ناحت

انا اشهد ان البعـض ماله شبيهين
بافعاله اللي مثلما الطيـب فاحت

غالي وحُبـــه حــل بين الشرايين
ومكانته وسـط القلوب استباحت

.....

رد: اخترنا لكم
 

ترى قلبٍ تولع فالهوى ما يلحقه منقود
‏ليا صار الهدف حبٍ عفيف وخاطرٍ صافي

أحنّ شعورها و أدرى عليها من هبوب النود
‏واجيها والظمأ يرعى حشاي وعمري خلافي

.....

رد: اخترنا لكم
 

نامي وخليني اتحرى مجيك في منامي
ياغذى قلبي وياروحه وياجرحه وطبه

.....

رد: اخترنا لكم
 

عتابنا طيّب ومشروهنا ذرب
وان وصلت حدود الملام اختفينا

.....

رد: اخترنا لكم
 

‏لا تدور قيمتك عند مخلوق
قيمتك عند نفسك تكفيك

د. ماجد عبدالله

رد: اخترنا لكم
 

‏القليل من التجاهل سلاح العاقلين
يجبر اللي غره الكبر يرجع مستواه

.....

رد: اخترنا لكم
 

ﺻﺎﺭ ﺍﻟﻮﻓﺎﺀ ﻓﻲ ﻫﺎﻟﺰﻣﻦ ﻛﺮﺕ ﻣﺤﺮﻭﻕ
ﻭﺻﺎﺭ ﺍﻟﺮﻓﻴﻖ ﺍﻟﻴﻮﻡ ﻳﻐﺪﺭ ﺭﻓﻴﻘﻪ

ﺍﻟﻮﻗﺖ ﻣﺎﻳﺮﺣﻢ ﻭﻻ‌ﻳﻌﻄﻲ ﺣﻘﻮﻕ
ﻭﺍﻟﺤﻆ ﻣﻴﺖ ﻭﺍﻟﺤﻘﻴﻘﻪ ﻏﺮﻳﻘﻪ

ﻋﻨﺪﻱ ﺧﺒﺮ ﺣﺼﺮﻱ ﺣﻘﻴﻘﻲ ﻭﻣﻮﺛﻮﻕ
ﻭﻋﻨﺪﻱ ﻋﻠﻴﻪ ﺃﻭﺭﺍﻕ ﻭﻋﻨﺪﻱ ﻭﺛﻴﻘﻪ

ﺗﺒﻲ ﺗﺼﻴﺮ ﺃﻧﺴﺎﻥ ﻓﻲ ﻗﻤﺔ ﺍﻟﺬﻭﻕ
ﺃﻛﺬﺏ ﻭﻧﺎﻓﻖ ﻻ‌ﺗﻘﻮﻝ ﺍﻟﺤﻘﻴﻘﻪ

ﻭﺗﺒﻲ ﺗﻜﻮﻥ ﺃﻧﺴﺎﻥ ﺗﺎﻓﻪ ﻭﻣﻄﻔﻮﻕ
ﺃﺻﺪﻕ ﻭﺗﺼﻐﺮ ﻓﻲ ﻋﻴﻮﻥ ﺍﻟﺨﻠﻴﻘﻪ

د. ماجد عبدالله

رد: اخترنا لكم
 

تحملت صمتك لجل عينك ترد الروح
وتشرح لي الاوضاع وتدخل بوجداني

احس اني في جو غريب فرح ومزوح
ولو سولف المحبوب انا بجوي الثاني

عيونك تغطي كل مافيك يالمملوح
ولو جيت انا بوصفك هل انته انساني

.....

رد: اخترنا لكم
 

ياقلب حبيتك ولك حب صافي
خط الوفا حبك وفيه احتريته

حنان قلبك يجعل القلب دافي
ياكنز في دنيا المواجع لقيته

انت الذي للقلب دكتــور شافي
وانت الهوا والحب منك طريته

وانت النشيد المنبهر والقوافي
وانت الشرف ذا يلمع اليوم صيته

وانت الوفا في يوم ماعاد وافي
وانت الذي وحدك بقلبي هويته

وانت الشرف والطهر وانت العفافي
بك مكتفي قلبي وفيك اكتـــفيته

ماهما تـشوف القلب لوا وطـــافي
يعود لك مادمت له كــل بيته

حلق خيالاتك معي في ضفــافي
ياللي نصع قلبي بطلقه رميته

ماعاد من دنيا المواجع نخافي
مادام قلبي وسط قلبك حميته

راحت سنين القهر راح الجفافي
من مثل حبك فالهوا لاسقيته

حبو وعيشو الحب دامت عوافي
ومن يحبك فا الخفوق احتريته

.....

رد: اخترنا لكم
 

تنبض غرام وينبض القلب لبيك
يا معجزة شعري ونشوة جنونه

مركاك صدر القاف لاجن يدعيك
الحرف تلو الحرف يعزف لحونه

.....

رد: اخترنا لكم
 

بين الضلوع الحدب اسمك نحته
يبقى ‎وتبقى دام انا باقين حي

وجميع من قبلك وبعدك مسحته
لك مملكة صدري وغيرك ولا شي

.....