|
رد: فوق هام السحب ( الشعر الشعبي) على متن القوافي
يا ويــل قلبي منـــك لاحــل طاريك
نفسي وهــي نفسي تشــك بـغلاها أنسى اسامي الناس واغلط واناديك قلبي معــك كـل الاسامـــي نساها ياساكـن اعماقــي انا ميتن فيك ومشاعــري بالقلــب حبك خذاها وقلبي مولـع بك وهايـــم بطاريك وروحي تحبـك حــب لاخـر مداها ...... |
رد: فوق هام السحب ( الشعر الشعبي) على متن القوافي
أحبك وأشوف إن العمر في مداك يدور
حنيني على لقياك ما يسعفه صبري عسى الليلة اللي تفرش أحلامنا بالدور سماها يتوه الفجر عنها ولا تسري ...... |
رد: فوق هام السحب ( الشعر الشعبي) على متن القوافي
يازين الخيال اللي بلا موعد ومرسول
لا صور لي اللي ما تصّوره كيمرتي تمرين مثل الحلم فالذاكره و اقول عسى الله يخلي لي خيالي وذاكرتي ...... |
رد: فوق هام السحب ( الشعر الشعبي) على متن القوافي
ليت قلبي حديد وليت نفسي جريّه
في مواجه مقادير الزمن الازدواجي صار حتى القصيد اللي طروقه عذيّه أكبر أسباب ضيقة خاطري وانزعاجي ودي أغيب و أبعد في الفجوج الخليّه وانقطع مع طريق الانقطاع المفاجىء ...... |
رد: فوق هام السحب ( الشعر الشعبي) على متن القوافي
إتركيني بين الأحلام أنا أحب الخيال
الخيال أحلا من الواقع الواقع مرير جيت أقاتل و إنقتلت أوّل أيام القتال دايم أوّل ثوره تثور فالراس الكبير ...... |
رد: فوق هام السحب ( الشعر الشعبي) على متن القوافي
عـرفنا صـروف الـدهــر هبة بهبة
وعشـنا وشـفنا في زمنـا تجـاريب الاعمــار تفــنى والليـالــي مغبــة ومن لا يخاف الله ما يعرف العيب ومن لا قضاهـا بالرضـا عنــد ربـه ما ينفعـه مدح العرب والاجـانيب ...... |
رد: فوق هام السحب ( الشعر الشعبي) على متن القوافي
لا لمحت الكبر في منطق رفاقي
قلت يا نفسي ولا نصبر دقيقه الكرامه دونها لو ما نلاقي من نصاحب كل واحد في طريقه من تغير واختلف ماعاد باقي في وجوده اي داعي فالحقيقه من يريد البعد ويدور فراقي لا يدور عن سبب ولا طريقه يبتعد ما دام ما ناسب مذاقي لا يجيني في تصرف ما اطيقه ...... |
رد: فوق هام السحب ( الشعر الشعبي) على متن القوافي
وش رأيكم في شخص بارد مشاعر
يحمل جنون العشق وأسلوبه الصمت صحيح هـو طيب ويراعي الخواطر لكنني مـن صمـت بوحـه تألمت ...... |
رد: فوق هام السحب ( الشعر الشعبي) على متن القوافي
خلك بحر غامض وباعماقك أسرار
وفي ظاهرك للناس عزه وهيبه لاتشتكي جرح الليالي والاقدار يدوس جرحك من تحسبه طبيبه ...... |
رد: فوق هام السحب ( الشعر الشعبي) على متن القوافي
مالله خلقني للمخاليق تباع
ولا اشرب الشربة وغيري سكبهاا إما خذينا مطلب الروح بذراع وإلا تعف أرواحنا عن طلبها ...... |
رد: فوق هام السحب ( الشعر الشعبي) على متن القوافي
الظروف القاسية تتعب زحول الرجال
تتعب اللي في المواقف يجمل صيتها والزمان الشين يضربنا في كل حال والصعايب تحدتني وانا تحديتها ...... |
رد: فوق هام السحب ( الشعر الشعبي) على متن القوافي
إما جلوس العز بين الأجاويد
ربعٍ على المذهب ونعم البطانه والا لحالك سج رجلك مع البيد واحذر جلوس المهزله والمهانه ...... |
رد: فوق هام السحب ( الشعر الشعبي) على متن القوافي
دنياك ما تستاهل الكبر والطيش
رحله قصيره ينتهي كل طايش محدٍ مخلد دايم الــــدوم ويـعيــش ومحدٍ ظمن يصبح مع الناس عايش ...... |
رد: فوق هام السحب ( الشعر الشعبي) على متن القوافي
والله لو تملك من المال مليار
وانته قليل الدين مالك سعاده أن كـان تبغالك معزه ومقدار خـل أجتهادك في كثير العباده ...... |
رد: فوق هام السحب ( الشعر الشعبي) على متن القوافي
ياصدري فتحت ازرار ثوبي وشلت الكوت
ابي تنطفي نار في الأضلاع مشبوبه انا معي ضيقة شايب سمع طاري الموت يشوف الحكي صوبه وهم ماهم صوبه يعرف ان وقته زل وان العمر موقوت ولا هو بعايش كثر عمر انقضى دوبه فنو جيله اللي عمرو في البلاد بيوت ليا شافها من عقبهم ضاق به ثوبه ولا عاد به ناس تزوره ترد الصوت يقضي فراغه منطوي يحسب ذنوبه الا ياصدر لا ضايقك همك المكبوت توجه لـ رب يشفي ويقبل التوبه لو انك ب ليل وموج بحر وببطن الحوت اذا انك دعيت الله نجاك بأعجوبه ...... |
رد: فوق هام السحب ( الشعر الشعبي) على متن القوافي
كابر على حزنك وخلك هادي
وان جابوا لـ طاري المفارق سيره قل المفارق لو كسرنا عادي اختاره الله واختياره خيره ...... |
رد: فوق هام السحب ( الشعر الشعبي) على متن القوافي
ي اعز واغلا من تشوفه عيوني
يا منوور الدنيا عليه بطلتك عليك عذال الهوى يحسدوني مانقصوا عندي غلاك ومحبتك ...... |
رد: فوق هام السحب ( الشعر الشعبي) على متن القوافي
مابي اعترفلـك بالغلا و أنت غالي
خلگ كذا مـا بيـن ضامن و شكاك مره تقول أن فيْـہ غيـرك فـبالـي تقول أن مابہ انسان يسواك ...... |
رد: فوق هام السحب ( الشعر الشعبي) على متن القوافي
حاولت انام بس ماتهيا لي النوم
والنوم والهاجوس ماهم ولايف ماتستريح العين والبال مهموم ولا يستقر الحال والقلب خايف غديت مثل اللي بالاعدام محكوم ما مات لكنه من العمر عايف ...... |
رد: فوق هام السحب ( الشعر الشعبي) على متن القوافي
بنت الشيوخ اللي يفكون الأنشاب
خل الغلا والحب تبقى على جنب تكتب شعر تلفت نظر تحرق أعصاب والذنب ذنب الشعر هي مالها ذنب ...... |
رد: فوق هام السحب ( الشعر الشعبي) على متن القوافي
الصمت يغنيني عن القال والقيل
لاصار بعض القول كله سماجه أصمت و كني مااجيد التماثيل من خوف لا خبلن يكثر إزعاجه صوته يلعلع دون فهم وتفاصيل هو يحسبنك مندمج بندماجه ...... |
رد: فوق هام السحب ( الشعر الشعبي) على متن القوافي
الحق ما كل المخاليق تبغاه
ما كل من شاف الحقيقه قبلها ومن لارضي بالحق لا يهمّك رضاه لو تزعله في كلمة الحق قلها فرقاه عيد وراحتك يوم فرقاه مكسبْك من بعض الاوادم زعلها ...... |
رد: فوق هام السحب ( الشعر الشعبي) على متن القوافي
ترا ذكراكم في قلبي وتراهي
تخليني متأمل من حياتي ترا طول طريق السفر انا لاهي ياللي غلاكم في عيوني سرا ...... |
رد: فوق هام السحب ( الشعر الشعبي) على متن القوافي
الله يسعـد لي مسـا هالتواجــد
اللي له بقلبي وقار وحشيمـــه في موقعك عالم من الناس واجد لكن حضورك غير وآللَّـہ يديمه لاشفت نكك في الحضور متواجد أحـس لحروفي وللشعـر قيمـــه ذائقة |
رد: فوق هام السحب ( الشعر الشعبي) على متن القوافي
قالوا تحبه قلت لا والله أغليه
وترى الغلا فوق المحبة وزايد لبيه من قلب يحبه ومغليه دام الغلا في القلب فايض وزايد ...... |
رد: فوق هام السحب ( الشعر الشعبي) على متن القوافي
انت لوحة عشق بعيوني رسمتك
كل م اغمّض أشوفك وسط عيني وعن عيون الناس في قلبي حفظتك كل م ينبض أحسّك انت فيني ...... |
رد: فوق هام السحب ( الشعر الشعبي) على متن القوافي
اراقبك والقلب داخل حـــسابك
متا بنورك في عيــوني تـــبان اخاف لو جيتك ودقيت بابك ماعاد. تعطي من يريدك مكان اقلق اذا شفتك مطول.غيابك وارتاح لاشفت اتصالك كمان احيان احس اني ملاحق سرابك واحيان احسك لي بكلك امان احيان ودي بس لمحه جـوابك واحيان اقل قلبه احسه ملان حاير متيم فيك ماذي جــرا بك والخوف منك لو خسرت الرهان ...... |
رد: فوق هام السحب ( الشعر الشعبي) على متن القوافي
لا ضاقـت الدنيا قل الحمد للـه
حتى ولو إنـك مـن الوقـت هايـم ما خاب منهـو يحسن الظن باللـه وما ضاق صدرن يذكر اللـه دايـم ...... |
رد: فوق هام السحب ( الشعر الشعبي) على متن القوافي
وافي مع الوافي بكل المطاليب
على النقاء والطيب حبلك تمده انت الكفو اللي يعرف المواجيب والمحزم اللي بالمواقف نعده ...... |
رد: فوق هام السحب ( الشعر الشعبي) على متن القوافي
لله درّي على الصبر و على الاعتياد
أواجه الوقت صلب وخاطري ما حكى انا أكثر إنسان تشكي له قلوب العباد وعلى كثر ما يواسيهم ما عمره شكى ...... |
رد: فوق هام السحب ( الشعر الشعبي) على متن القوافي
نخسر بشر بس مانخسر مبادينا
ودروبنا صوب فعل الطيب مندفعه ما نلتفت لـ الكلام اللي يجي فينا نفوسنا عن كلام الناس مرتفعه ...... |
رد: فوق هام السحب ( الشعر الشعبي) على متن القوافي
أحفظ لسانك عن البهتان والغيبه
وأغنم حياة السعد والعز من بدري ِ من ينشغل في عيوب الناس عن عيبه زادت عيوبه وهو مشغول ما يدري ...... |
رد: فوق هام السحب ( الشعر الشعبي) على متن القوافي
غلاك ما يحتاج توثيق وحلوف
الله خلق حبك من الحب فيني عزفت نغمة عشق عن كل معزوف وسكنت في قلبي وروحي وعيني أغلى المشاعر جتك في شعر وحروف قلبي كتبها قبـل تكتبها يمينـي ...... |
رد: فوق هام السحب ( الشعر الشعبي) على متن القوافي
حي من اغلب تفاصيله معاي
وحي من لبى نداي بضحكته لو نويت احكي عن الحب و هواي مستحيل انسى غلاه وسيرته ..... |
رد: فوق هام السحب ( الشعر الشعبي) على متن القوافي
كان المسافه ترفض اني اشوفك
خل اتصالك غصب عنها يجيني وكان اتصالك حال دونه ضروفك يكفي رسايل شوق بيني وبينك وان كان مالي حظ حتى بحروفك خلك بعيد ومسكنك وسط عيني ...... |
رد: فوق هام السحب ( الشعر الشعبي) على متن القوافي
يالمستمع عندي نصيحه كلمتين
اهم من بني القصور الفاخره عليك بالتقوى وبر الوالدين وتفوز بالدنياء وجنة لآخره ...... |
رد: فوق هام السحب ( الشعر الشعبي) على متن القوافي
دكتور لا تشرح ترى الفكر سارح
في حب من يسوى خفوقي وروحي البعد يا دكتور مؤلم وجارح والياس يا دكتور زوّد جروحي وابا اختصر لك شي ماني بشارح قوّيت عزمي ماوصل له طموحي ...... |
رد: فوق هام السحب ( الشعر الشعبي) على متن القوافي
بيني وبينك حرقة البعد والشوق
زادت على نار المحبـّـه حطبهـا انت الذي لاغبت عنـّي له اتوق وانـت الـذي للـنـفس اول طـلبها ...... |
رد: فوق هام السحب ( الشعر الشعبي) على متن القوافي
الوصل مثل الطب و البعد قتّال
بآنـبـّـهـك دام الله اليوم جـآبـك دامك تعرف ان غيبتك تدمر الحال لاعاد تبطي وآنجني من عذابك ...... |
رد: فوق هام السحب ( الشعر الشعبي) على متن القوافي
البوح طير وصدتي برقع الطير
والحزن وكر وضامي الشوق صقار أيحدني شـوقي على البـوح للغيـر ويردني صمتي عن العيب والعار ...... |
| الساعة الآن 12:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية