رد: فوق هام السحب ( الشعر الشعبي) على متن القوافي
 

ظروف الايام مثل السمعه الشينه
ماودك اتشوفها في واحدٍ غالي

.....

رد: فوق هام السحب ( الشعر الشعبي) على متن القوافي
 

يادوا القلب الحزين وياسبايب دمع عيني
القطاعه والجفاء والبعد ماهنّ شيء عادي

أشرقت شمس الضحى والنوم عيا لايجيني
والبشر ناموا وأنا مابين صبري وإجتهادي

والله أني آدمي والآدمي مخلوق طيني
تجبره كلمه وتكسر خاطره ويموت غادي

ماورا هجرك وجرحك غير موتٍ يحتريني
منت لاقي فالفراق وفالموادع قلب هادي

ليه يافرحة شبابي ليه يافرحة سنيني
وأنت عندي منت عادي شيء ثابت واعتيادي

البشر تلهى وأنا مازلت لاهي في حنيني
رغم صدك والجفاء ماكني إلا فيك بادي

بان شوقي فالعيون وحط عينك وسط عيني
تعرف أني من ثلاث شهور في سجن انفرادي

الشتاء مافاد فيني والمطر مافاد فيني
والربيع اللي يشوفونه خَضَر شفته رمادي

.....

رد: فوق هام السحب ( الشعر الشعبي) على متن القوافي
 

‏الورد ماعاد له معنى ولا قيمه
دام الهدايا تموت بخزنة ادراجك

لو أقسم العمر قلي كيف تقسيمه
العمر كله مضى تنفيذ واخراجك

.....

رد: فوق هام السحب ( الشعر الشعبي) على متن القوافي
 

‏ياناس راعي المحبة لاتعذلونه
مهوب عن صاحبه داله ولا سالي

لويسهر الليل كله لاتلومونه
الحب بلوى مانيب اول ولاتالي

.....

رد: فوق هام السحب ( الشعر الشعبي) على متن القوافي
 

‏​عيونك تذوبني وأجيلك بدون شعور
ويروح العمر وأنا مع نظرتك سارح

أببقى معك حتى لو إن الليالي تدور
أنا كل يوم أحبك أكثر من البارح

.....

رد: فوق هام السحب ( الشعر الشعبي) على متن القوافي
 

‏اجمل هدايا العمر انسان يغليك
واجمل هدايا الحب انسان وافي

روحه رهينه لك وبالعمر يفديك
فيه الوفاء والعهد للحب صافي

.....

رد: فوق هام السحب ( الشعر الشعبي) على متن القوافي
 

مالي سوا صوتك اذا خاطري ضاق
ومالي سوا صدرك اذا ضايقوني

حتى الشعر ضاقت به صدور الاوراق
من كثر ما اكتب لك شعر عاتبوني

الصبر سلمني لنيران الاشواق
على غلاك بداخلي حاسبوني

عندي سؤال اردده كل ما اشتاق
الشوق يذبح صاحبه جاوبوني

.....

رد: فوق هام السحب ( الشعر الشعبي) على متن القوافي
 

اشتقتلك واللي خلق حلو الإحساس
يامشغلن قلبي وروحي وعنيي

حبي لك أكبر من هوا الناس للناس
تبعد تقرب أنت موجود فيني

أنت الحبيب اللي على العين والراس
قربك هوا قلبي وأحلى سنيني

.....

رد: فوق هام السحب ( الشعر الشعبي) على متن القوافي
 

ياللي غلآك أشبه بتاريخ الاجدآد
يسلبني إحـساسي إذا مرّ طاريه

وين إنت عني صار لجروحي أحفآد
طال إنتظاري يابعد خافقي ليه

.....

رد: فوق هام السحب ( الشعر الشعبي) على متن القوافي
 

مغنيني الله عن زكاة المشاعر
‏والحمدلله ماعلى حالي قصور

‏أملك شموخ ملوك واحساس شاعر
‏وسويت لي من عزة النفس دستور
‏
.....