رد: فوق هام السحب ( الشعر الشعبي) على متن القوافي
 

‏متقلب الود لاتقبل معاذيره
‏خله يذوق الجفى والويل والحره

‏من يضمن تسامح ذنوبه وتقصيره
‏يقدر يعيد الخطاء نفسه مية مره

.....

رد: فوق هام السحب ( الشعر الشعبي) على متن القوافي
 

‏انا مفتقد قلبٍ يساير هبوب النود
‏ياحظي لو اني مفتقد عقلي الشايب

‏يضيع الشغف لاصار مايدعمه مجهود
‏مثل مايضيع المال من غفلة السايب

‏عسى غايتي في ليلةٍ بدرها موجود
‏يجيني عوضها ليلةٍ بدرها غايب
‏
مسعود ال شعفول

رد: فوق هام السحب ( الشعر الشعبي) على متن القوافي
 

فداك الصبح واحلام الصغار وضحكة الاصحاب
وبيضان القلوب ولابس النيات مقلوبه

ٰفداك الشك لاصاروا لي اخوان السنين اغراب
وغابوا وكل قلبٍ يحرق اللحظات باسلوبه

ٰتعدّى الجرح في صدري معك مساحة استقطاب
تحاليت الجروح وكل حاجه منك مرغوبه

.....

رد: فوق هام السحب ( الشعر الشعبي) على متن القوافي
 

ياطير ماجاك عنه علوم
الصاحب اللي شغل بالي

عامين عيني جفاها النوم
والأرض من بعدهم خالي

وجدي وجودي يابو دحوم
لن كان ماجاه مرساله

.....

رد: فوق هام السحب ( الشعر الشعبي) على متن القوافي
 

ألا ياغزالٍ في عيونك سهوم الموت
وفي مبسمك جنه وفي شوفتك راحه

ياحلو المعنق والسوالف وحلو الصوت
لو أن السوالف بالتغناج ذباحه

تغار البني من طلتك والقمر والتوت
يامياسة الحسن الطبيعي ومصباحه

زما صدرك اللي لالبستي عليه الكوت
تضايق من الملبوس خوخه وتفاحه

.....

رد: فوق هام السحب ( الشعر الشعبي) على متن القوافي
 

‏الطيب رزق مقسمه راع الارزاق
‏والله جعل بين المخاليق فارق

‏احدن على المعروف والطيب سباق
‏واحدن بنمات المخاليق غارق

.....

رد: فوق هام السحب ( الشعر الشعبي) على متن القوافي
 

تحتار في وصفك قواميس الالقاب
بحر الكرم والا محيط الكرامه

اوصفك شمس تنتشر نور ما غاب
وإلا نجوم بوجنة الليل شامه

وإلا سحاب ابرق على الليل بإعجاب
خيم وعيا الكوس يطوي خيامه

أنتي بوجودك للزمن صرتي أسباب
يخذل بها من يعلنون اتهامه

.....

رد: فوق هام السحب ( الشعر الشعبي) على متن القوافي
 

‏دنياك ماتمشي على الكيف دايم
‏بين الفرح والضيق حلوه ومرّه

‏مرٍ تذوقك العناء والهزايم
‏ومرٍ تعيشك الهناء والمسرّه

.....

رد: فوق هام السحب ( الشعر الشعبي) على متن القوافي
 

‏ماخليتك الا وانت تدري عن الاسباب
‏لو ان غيبتك توجع ولا قادر اوصفها

‏انا وانت قصتنا ماهي مرسمه وكتاب
‏على وجيهنا ونظراتنا الناس تعرفها

.....

رد: فوق هام السحب ( الشعر الشعبي) على متن القوافي
 

‏عادة اصحاب الرخا مثل عادات البنوك
‏ماتخدمك لين تطلع وراك بفايده

.....